નીટ પેપર લીક કેસના મુખ્ય આરોપી સંજીવ મુખિયાની ધરપકડ કરવામાં આવી છે. આર્થિક ગુના શાખાએ મોડી રાત્રે તેની ધરપકડ કરી. બિહાર સરકારે સંજીવ મુખિયા પર ૩ લાખ રૂપિયાનું ઇનામ રાખ્યું હતું.
નીટ પેપર લીક કેસના મુખ્ય આરોપી સંજીવ મુખિયાની ધરપકડ કરવામાં આવી છે. આર્થિક ગુના શાખાએ મોડી રાત્રે તેની ધરપકડ કરી. બિહાર સરકારે સંજીવ મુખિયા પર ૩ લાખ રૂપિયાનું ઇનામ રાખ્યું હતું. સંજીવ મુખિયા નાલંદા જિલ્લાના રહેવાસી છે. તે ૨૦૨૪ ના NEET પેપર લીક કેસનો કથિત માસ્ટરમાઇન્ડ રહ્યો છે અને તેનું નામ અન્ય ઘણા પરીક્ષા પેપર લીક કૌભાંડોમાં પણ સામે આવ્યું છે.
તમને જણાવી દઈએ કે નીટ યુજી ૨૦૨૪ ની પરીક્ષા ૫ મે ૨૦૨૪ ના રોજ યોજાઈ હતી. આ પરીક્ષામાં પેપર લીકના મામલાએ સમગ્ર દેશમાં ખળભળાટ મચાવી દીધો હતો. સંજીવ મુખિયા અને તેની ગેંગ પર પેપર લીકનો આરોપ હતો.
