વડા પ્રધાન નરેન્દ્ર મોદીએ કહ્યું કે કેન્દ્ર સરકારના તાજેતરના કેબિનેટ નિર્ણયો ભારતની વૈશ્વિક સ્પર્ધાત્મકતાને મજબૂત બનાવશે અને આત્મનિર્ભર ભારતના લક્ષ્યને સાકાર કરવામાં મુખ્ય ભૂમિકા ભજવશે. બુધવારે યોજાયેલી કેન્દ્રીય મંત્રીમંડળની બેઠકમાં ‘નિકાસ પ્રમોશન મિશન’ અને ‘નિકાસકારો માટે ક્રેડિટ ગેરંટી યોજના’ને મંજૂરી આપવામાં આવી.વડાપ્રધાન મોદીએ સોશિયલ મીડિયા પ્લેટફોર્મ એકસ પર લખ્યું, “અમે ખાતરી કરી રહ્યા છીએ કે ‘મેડ ઇન ઇન્ડિયા’ વિશ્વભરમાં વધુ જારથી ગુંજશે! કેબિનેટે ‘નિકાસ પ્રમોશન મિશન’ ને મંજૂરી આપી છે, જે ભારતની નિકાસને વધુ સ્પર્ધાત્મક બનાવશે,એમએસએમઇ,નવા અને શ્રમ-સઘન ક્ષેત્રોને મજબૂત બનાવશે.તેમણે કહ્યું કે આ મિશન તમામ હિસ્સેદારોને એકસાથે લાવશે અને પરિણામ-આધારિત અને અસરકારક મિકેનિઝમ બનાવશે. પીએમ મોદીએ વધુમાં જણાવ્યું હતું કે ‘નિકાસકારો માટે ક્રેડિટ ગેરંટી યોજના’ સરળ વ્યવસાયિક કામગીરીને સરળ બનાવશે, વૈશ્વિક સ્પર્ધાત્મકતા વધારશે અને આત્મનિર્ભર ભારતના સ્વપ્નને વેગ આપશે. વધુમાં, કેબિનેટે ગ્રેફાઇટ, સીઝિયમ, રુબિડિયમ અને ઝિર્કોનિયમ જેવા ખનિજા પર રોયલ્ટી દરોને તર્કસંગત બનાવવાનો પણ નિર્ણય લીધો. આ ખનિજાને ગ્રીન એનર્જી માટે મહત્વપૂર્ણ માનવામાં આવે છે. પ્રધાનમંત્રીએ કહ્યું, “આ નિર્ણય ટકાઉપણું અને આત્મનિર્ભરતાને પ્રોત્સાહન આપશે. તે સપ્લાય ચેઇનને મજબૂત બનાવશે અને રોજગારની નવી તકો ઉભી કરશે.” આ નિર્ણયો સાથે, સરકારનો હેતુ ફક્ત ભારતના ઉત્પાદનોની નિકાસ વધારવાનો જ નહીં પરંતુ વૈશ્વિક બજારમાં ‘મેડ ઇન ઇન્ડિયા’ ઓળખને પણ મજબૂત બનાવવાનો છે.દરમિયાન, કેન્દ્રીય ગૃહમંત્રી અમિત શાહે ગુરુવારે નિકાસકારો માટે ૪૫,૦૦૦ કરોડની બે નવી યોજનાઓને મંજૂરી આપવા બદલ કેન્દ્ર સરકારની પ્રશંસા કરી. આ યોજનાઓનો હેતુ યુએસમાં વધેલા ટેરિફથી પ્રભાવિત ભારતીય નિકાસકારોને રાહત આપવાનો છે. તેમણે કહ્યું કે મંત્રીમંડળે ૨૫,૦૬૦ કરોડના ‘નિકાસ પ્રમોશન મિશન’ને મંજૂરી આપી છે, જે ભારતીય ઉત્પાદનોને વૈશ્વિક સ્તરે સ્પર્ધાત્મક બનાવશે અને યુવાનો માટે રોજગારની તકો વધારશે. વધુમાં, ૨૦,૦૦૦ કરોડની ‘ક્રેડિટ ગેરંટી સ્કીમ ફોર એક્સપોર્ટર્સ કોલેટરલ-મુક્ત લોન પૂરી પાડશે. કેન્દ્રીય ગૃહમંત્રીએ કહ્યું કે આ પગલું સ્જીસ્ઈ ક્ષેત્રને સશક્ત બનાવશે અને ભારતને તેના ૧ ટ્રિલિયન નિકાસ લક્ષ્ય તરફ આગળ વધારશે. આ નિર્ણયો બુધવારે વડા પ્રધાન નરેન્દ્ર મોદીની અધ્યક્ષતામાં મળેલી મંત્રીમંડળની બેઠકમાં લેવામાં આવ્યા હતા.
