બાડમેર જેસલમેરની શિવ વિધાનસભા બેઠકના ધારાસભ્ય રવિન્દ્ર સિંહ ભાટી વિરુદ્ધ ઉદયપુર કોર્ટે ધરપકડ વોરંટ જાહેર કર્યું છે. વાસ્તવમાં, રવિન્દ્ર સિંહ ભાટી રોગચાળા અને આપત્તિ વ્યવસ્થાપન અધિનિયમના ઉલ્લંઘનના કેસમાં હાજર રહેવાથી સતત ગેરહાજર હતા. આ કારણોસર, ઉદયપુર કોર્ટે અપક્ષ ધારાસભ્ય વિરુદ્ધ ધરપકડ વોરંટ જાહેર કર્યું છે. તમને જણાવી દઈએ કે, ૧૬ ઓગસ્ટ, ૨૦૨૧ના રોજ રવિન્દ્ર સિંહ ભાટી, અરવિંદ સિંહ પાવતા અને દેવેન્દ્ર સિંહે કોરોના સમયગાળા દરમિયાન લગભગ ૨૦૦ થી ૨૫૦ વિદ્યાર્થીઓ સાથે કલેક્ટર કચેરીમાં વિરોધ પ્રદર્શન કર્યું હતું. તે દરમિયાન કલમ ૧૪૪નો ભંગ કરવામાં આવ્યો હતો. તેમની સામે ભૂપાલપુરા પોલીસ સ્ટેશનમાં રોગચાળા અને ડિઝાસ્ટર મેનેજમેન્ટ હેઠળ કેસ નોંધવામાં આવ્યો હતો.
તમને જણાવી દઈએ કે રવિન્દ્ર સિંહ ભાટી હાલમાં શિવ વિધાનસભા સીટથી ધારાસભ્ય છે. તેમણે ૨૦૨૪ની લોકસભાની ચૂંટણી સ્વતંત્ર ઉમેદવાર તરીકે લડી હતી પરંતુ તેમને હારનો સામનો કરવો પડ્યો હતો. જા કે અગાઉ રાજસ્થાન વિધાનસભા ચૂંટણી વખતે તેઓ ભાજપમાં જાડાયા હતા, પરંતુ જ્યારે ભાજપે તેમને શિવ વિધાનસભા બેઠક પરથી ઉમેદવાર બનાવ્યા ન હતા, ત્યારે તેમણે ભાજપથી દૂર થઈને શિવ વિધાનસભા બેઠક પરથી અપક્ષ તરીકે ચૂંટણી લડી હતી. તેઓ આ ચૂંટણીમાં જંગી બહુમતીથી જીત્યા અને શિવ વિધાનસભા બેઠક પરથી અપક્ષ ધારાસભ્ય બન્યા. તમને જણાવી દઈએ કે રવિન્દ્ર ભાટીએ પોતાના રાજકીય કરિયરની શરૂઆત વિદ્યાર્થી રાજનીતિથી કરી હતી.
રવીન્દ્રસિંહ ભાટી કોલેજમાં ભણતા હતા ત્યારે તેઓ વિદ્યાર્થી રાજકારણમાં સક્રિય બન્યા હતા. રવિન્દ્રએ પ્રારંભિક શિક્ષણ ગામની જ શાળામાંથી મેળવ્યું હતું. વધુ અભ્યાસ માટે રવિન્દ્ર જાધપુર સ્થિત જય નારાયણ વ્યાસ યુનિવર્સિટી પહોંચ્યા. અહીંથી તેમણે વિદ્યાર્થી રાજકારણની શરૂઆત કરી. વર્ષ ૨૦૧૯ માં, અખિલ ભારતીય પરિષદે ભાટીને યુનિવર્સિટીના પ્રમુખ પદ માટે ઉમેદવાર બનાવ્યા ન હતા. આ પછી, ભાટીએ સ્વતંત્ર ઉમેદવાર તરીકે ચૂંટણી લડી અને વર્ષ ૨૦૧૯ માં, તેઓ સ્વતંત્ર ઉમેદવાર તરીકે વિદ્યાર્થી સંઘના પ્રમુખ તરીકે ચૂંટાયા. જાધપુર યુનિવર્સિટીમાં ૫૭ વર્ષ પછી આવું જાવા મળ્યું, જ્યારે વિદ્યાર્થી સંઘની ચૂંટણીમાં એક અપક્ષ ઉમેદવારે જીત મેળવી.
