સાવરકુંડલા મહુવા રોડ પર નિર્માણ પામી રહેલા રેલવે ઓવરબ્રિજની કામગીરીનું નિરીક્ષણ તેમજ સ્પોટ્ર્સ સંકુલ બાજુમાં બની રહેલ પોલીસ પરેડ ગ્રાઉન્ડ અને ક્રિકેટ ગ્રાઉન્ડના ડેવલપમેન્ટ સંદર્ભે ધારાસભ્ય મહેશભાઈ કસવાળાએ સ્થળ મુલાકાત લીધી હતી. રેલવે ઓવરબ્રિજની કામગીરીનું નિરીક્ષણ કર્યું હતું, ઉપરાંત વૈકલ્પિક માર્ગ એવા સર્વિસ રોડને ઇઝ્રઝ્ર બનાવવાના કામમાં ગતિ લાવવા, ગુણવતા યુક્ત બનાવવા અને ક્યોરિંગ પિરિયડ પૂરો થયે માર્ગ જનતા માટે ખુલ્લો મુકવા સૂચન કર્યું હતું. આ દરમિયાન શહેર ભાજપના આગેવાનો, યુવા ટીમના સદસ્યો ઉપસ્થિત રહ્યા હતા. સાવરકુંડલા મહુવા રોડ પર સ્પોટ્ર્સ સંકુલની બાજુમાં બની રહેલ પોલીસ પરેડ ગ્રાઉન્ડ અને ક્રિકેટ ગ્રાઉન્ડના ડેવલપમેન્ટ અને ગ્રીન કવચ માટે સ્થળ મુલાકાત પણ લીધી હતી. આ તકે ઉપસ્થિત અધિકારીઓ સાથે ચર્ચા કરી જરૂરી માર્ગદર્શન પણ આપવામાં આવ્યું હતું. આ તકે એ.એસ.પી. વલય વૈદ, ફોરેસ્ટ ઓફિસર ભરતભાઈ ચાંદુ સહિત પોલીસ અને ફોરેસ્ટ વિભાગના અધિકારીઓ તથા નગરપાલિકા પદાધિકારીઓ પણ ઉપસ્થિત રહ્યા હતા.
