રમઝાન દરમિયાન ૩૦ દિવસના ઉપવાસ અને પ્રાર્થના પછી, ઈદનો ચાંદ દેખાયા બાદ દેશભરમાં ખુશીનો માહોલ છવાઈ ગયો. ચાંદ દેખાતાની સાથે જ, મસ્જિદોમાંથી જાહેરાતો કરવામાં આવી અને લોકોએ આકાશમાં ફટાકડા ફોડીને પોતાનો આનંદ વ્યક્ત કર્યો. શ્રદ્ધાળુઓના ચહેરા ચમકી ગયા, અને લોકોએ એકબીજાને ગળે લગાવીને ઈદ મુબારકની શુભેચ્છા પાઠવી.
આ પ્રસંગે, વડા પ્રધાન નરેન્દ્ર મોદીએ રાષ્ટ્રને શુભેચ્છાઓ પાઠવી. સોશિયલ મીડિયા પ્લેટફોર્મ ઠ પર એક પોસ્ટમાં, પીએમ મોદીએ કહ્યું, “ઈદ-ઉલ-ફિત્રની ખૂબ ખૂબ શુભેચ્છાઓ.” તેમણે કહ્યું કે આ દિવસ પરસ્પર ભાઈચારો અને કરુણાની ભાવનાને વધુ મજબૂત બનાવવો જાઈએ. દરેક ખુશ અને સ્વસ્થ રહે.
રાષ્ટ્રપતિ દ્રૌપદી મુર્મુએ ઈદ ઉલ ફિત્રના ખાસ પ્રસંગે રાષ્ટ્રને શુભેચ્છાઓ પાઠવી. સોશિયલ મીડિયા પ્લેટફોર્મ ઠ પર પ્રકાશિત એક સંદેશમાં, તેમણે તમામ નાગરિકો, ખાસ કરીને મુસ્લિમ સમુદાયના લોકોને ઈદની શુભેચ્છાઓ પાઠવી. રાષ્ટ્રપતિ મુર્મુએ પોતાના સંદેશમાં જણાવ્યું હતું કે ઈદનો તહેવાર આપણને આત્મસંયમ, સેવા અને અન્યોને મદદ કરવાનું શીખવે છે.
તેમણે કહ્યું કે આ દિવસે આપણે જરૂરિયાતમંદ અને નબળા લોકો પ્રત્યે કરુણા અને ટેકો દર્શાવવો જાઈએ. મુર્મુએ રાષ્ટ્રને આ શુભ પ્રસંગે સમાજ અને દેશને મજબૂત બનાવવાનો સંકલ્પ લેવાની પણ અપીલ કરી. રાષ્ટ્રપતિના સંદેશમાં ઈદના પ્રસંગે ભાઈચારો અને એકતાનો સંદેશ આપવામાં આવ્યો હતો.
પીએમ મોદીએ નવરોઝના ખાસ પ્રસંગે રાષ્ટ્રને શુભેચ્છાઓ પણ પાઠવી. તેમણે કહ્યું કે આ શુભ પ્રસંગ દરેકના જીવનમાં ખુશી અને સમૃદ્ધિ લાવે. તેમના સંદેશમાં પીએમ મોદીએ દરેકને આવનારું વર્ષ સુખમય રહે, તેમની બધી ઇચ્છાઓ પૂર્ણ થાય અને દરેક સ્વસ્થ રહે તેવી શુભેચ્છા પાઠવી. તેમણે નવરોઝ મુબારક કહીને દરેકને શુભેચ્છા પાઠવી. નવરોઝ પારસી સમુદાયનો એક મુખ્ય તહેવાર છે, જેને નવા વર્ષની શરૂઆત તરીકે ઉજવવામાં આવે છે. આ દિવસે, લોકો શુભેચ્છાઓનું આદાન-પ્રદાન કરે છે અને શાંતિ અને ખુશી માટે પ્રાર્થના કરે છે.
