શ્રાવણના પહેલા સોમવારે દેશભરના શિવ મંદિરોમાં ભક્તોની ભીડ જામી હતી. કાશીથી ઉજ્જૈન સુધી જલાભિષેક માટે ભક્તોની લાંબી કતાર લાગી ગઇ હતી. દેશભરના શિવ મંદિરો હર હર મહાદેવ અને બમ બમ ભોલેના નારાથી ગુંજી ઉઠયા હતાં આ આખો મહિનો ભગવાન શિવને સમર્પિત છે.ભક્તો આ દિવસે ઉપવાસ અને પૂજા વિધિઓ રાખે છે.
એવું માનવામાં આવે છે કે આ મહિનામાં, દેવી ગૌરીની તપસ્યાથી પ્રસન્ન થઈને, ભગવાન શિવ પ્રગટ થયા અને દેવી ગૌરીને તેમની પત્ની તરીકે સ્વીકાર્યા. એવું પણ કહેવાય છે કે દર વર્ષે, દેવોના ભગવાન, મહાદેવ પણ આ મહિનામાં તેમના સાસરિયાના ઘરે જાય છે. આવી સ્થિતિમાં, આ આખો મહિનો ખૂબ જ પવિત્ર માનવામાં આવે છે. શ્રાવણ મહિનાના પહેલા સોમવારે લખનૌના મનકામેશ્વર મંદિરમાં આરતી કરવામાં આવી હતી.શ્રાવણના પહેલા સોમવારે દિલ્હીના ગૌરી શંકર મંદિરમાં ભીડ ઉમટી પડી.ગાઝિયાબાદના દૂધેશ્વર મહાદેવ મંદિરમાં ભક્તોની ભીડ ઉમટી પડી. વારાણસીના કાશી વિશ્વનાથ મંદિરમાં દર્શન માટે ભક્તોની લાંબી કતાર લાગી હતી અયોધ્યાના ક્ષીરેશ્વર નાથ મંદિરમાં ભક્તોએ પૂજા અર્ચના કરવામાં આવી હતી પ્રયાગરાજના મનકામેશ્વર મંદિરમાં ભક્તોની લાંબી કતાર જોવા મળી હતી દેવઘરના વૈદ્યનાથ મંદિરમાં ભક્તોની ભારે ભીડ જાવા મળી. શ્રાવણના પહેલા સોમવારે ભક્તો પાણી ચઢાવવા માટે અહીં પહોંચ્યા હતાં શ્રાવણના પહેલા સોમવારે ગુવાહાટીના શુક્રેશ્વર મંદિરમાં ભક્તોએ પૂજા અર્ચના કરી હતી શ્રાવણના પહેલા સોમવારે ગોરખપુરના ઝારખંડી મહાદેવ શિવ મંદિરમાં ભક્તોની ભીડ ઉમટી પડી હતી
બાબા વૈદ્યનાથ અને કાશી વિશ્વનાથથી લઈને મહાકાલ અને નર્મદેશ્વર સુધી, શ્રાવણના પહેલા સોમવારે જ્યોતિ‹લગોના દર્શન આ રીતે થઈ રહ્યા છે. શ્રાવણના પહેલા સોમવારે દેશભરના જ્યોતિ‹લગોમાં શિવભક્તિનો અભૂતપૂર્વ સંગમ જાવા મળી રહ્યો છે. ક્યાક ભસ્મ આરતી, ક્યાંક ગંગાજળથી અભિષેક, ક્યાક દર્શન માટે કલાકો સુધી લાંબી કતારો જોવા મળી હતી શ્રાવણના પહેલા સોમવારે વારાણસીના કાશી વિશ્વનાથ મંદિરમાં ભક્તોની લાંબી કતારો જોવા મળી. સવાર પડતાંની સાથે જ ભક્તો બાબાના દર્શન માટે ઉમટી પડ્યા હતા. મંદિર પરિસર ‘હર હર મહાદેવ’ ના નારાથી ગુંજી ઉઠ્યું હતું. ભક્તોની ભારે ભીડને ધ્યાનમાં રાખીને કડક સુરક્ષા વ્યવસ્થા કરવામાં આવી છે. મંદિર પરિસરમાં સ્વચ્છતા, ભક્તોની લાઇન ગોઠવણ અને જળ ચઢાવવાની સમગ્ર પ્રક્રિયા સુવ્યવસ્થિત કરવામાં આવી છે.
મધ્યપ્રદેશના ઉજ્જૈનમાં મહાકાલ મંદિરમાં વહેલી સવારથી શિવભક્તોની કતાર લાગી છે. શ્રાવણના પહેલા સોમવારે, સવારે ૨ઃ૩૦ વાગ્યે કાલ બાબા મહાકાલની આ દિવ્ય ભસ્મ આરતી માટે ભક્તો એકઠા થયા હતા અને ત્યારથી જલાભિષેક અને દર્શન માટે ભીડ ઉમટી હતી.સામાન્ય દર્શનાર્થીઓને શ્રી મહાકાલ મહાલોકના નંદી દ્વારથી પ્રવેશ આપવામાં આવી રહ્યો છે. અહીંથી, ભક્તો માનસરોવર સુવિધા કેન્દ્રથી મહાકાલ ટનલ દ્વારા મંદિર પરિસર અને કાર્તિકેય અને ગણેશ મંડપમાં ભગવાન મહાકાલના દર્શન કર્યા હતં હરિદ્વારના દક્ષેશ્વર મહાદેવ મંદિરમાં મોટી સંખ્યામાં ભક્તો પહોંચ્યા હતા. ધાર્મિક માન્યતા છે કે શ્રાવણ મહિનામાં ભગવાન શિવ પોતાના સાસરિયાના સ્થાન કંખાલમાં નિવાસ કરે છે. શ્રીમહંત રવિન્દ્ર પુરી મહારાજના જણાવ્યા મુજબ, ભોલેનાથ પોતે દક્ષેશ્વરમાં રહેવાનું વચન આપ્યું હતું, જે તેઓ શ્રાવણમાં પૂર્ણ કરે છે. આ જ કારણ છે કે હરિદ્વાર આ દિવસોમાં શિવથી ભરેલું બને છે. કાવડીઓ ઘાટ પર ગંગાજળ લઈને જલાભિષેક કરતા જાવા મળ્યા હતા.
દેવઘરના બાબા વૈદ્યનાથ મંદિરમાં ભક્તોની ભારે ભીડ એકઠી થઈ ગઈ છે. સવારે મંદિરના દરવાજા ખુલતાની સાથે જ લોકોએ જલાભિષેક કરવાનું શરૂ કરી દીધું હતું. મધ્યરાત્રિથી જ ઘણા ભક્તો મંદિરની બહાર પહોંચી ગયા હતા. મંદિર પરિસર ‘બોલ બમ’ના નારાથી ગુંજી રહ્યું છે. દર્શન અને પૂજાની વ્યવસ્થા સુવ્યવસ્થિત રાખવા માટે વહીવટીતંત્રે પહેલાથી જ તમામ વ્યવસ્થા કરી લીધી હતી.
