આ વખતે, બિહાર વિધાનસભા ચૂંટણીનો પ્રથમ તબક્કો માત્ર રાષ્ટ્રીય સ્તરે જ નહીં પરંતુ આંતરરાષ્ટ્રીય સ્તરે પણ ચર્ચામાં રહેશે. ભારતના ચૂંટણી પંચે આંતરરાષ્ટ્રીય ચૂંટણી મુલાકાતી કાર્યક્રમને મંજૂરી આપી છે, જે હેઠળ ફ્રાન્સ, દક્ષિણ આફ્રિકા, બેલ્જિયમ, ઇન્ડોનેશિયા, ફિલિપાઇન્સ, થાઇલેન્ડ અને કોલંબિયાના ૧૪ પ્રતિનિધિઓ ૫ અને ૬ નવેમ્બરના રોજ રાજ્યમાં રહેશે.આમાંથી સાત પ્રતિનિધિઓ ૬ નવેમ્બરના રોજ મતદાન મથકોની મુલાકાત લઈને લાઇવ મતદાન પ્રક્રિયાનું અવલોકન કરશે. તેઓ ભારતની ચૂંટણી પારદર્શિતા અને લોકશાહી પ્રણાલીની નજીકથી સમજ મેળવવા માટે પટનાના વિવિધ મતદાન મથકોની મુલાકાત લેશે. તેમનો ઉદ્દેશ્ય ભારતના જનજાગૃતિ મોડેલમાંથી શીખવાનો અને તેમના દેશોમાં લોકશાહીને મજબૂત બનાવવા માટે તેને અપનાવવાનો છે.આ કાર્યક્રમ નવી દિલ્હીમાં ઇન્ડિયન ઇન્ટરનેશનલ ઇન્સ્ટટ્યૂટ ઓફ ડેમોક્રેસી એન્ડ ઇલેક્શન મેનેજમેન્ટ ખાતે શરૂ થયો હતો. મુખ્ય ચૂંટણી કમિશનર જ્ઞાનેશ કુમાર અને ચૂંટણી કમિશનર ડા. વિવેક જાશીએ વિદેશી પ્રતિનિધિઓનું સ્વાગત કર્યું. પ્રતિનિધિઓને ઈફસ્ અને વીવીપીએટીનો લાઇવ ડેમો પણ બતાવવામાં આવ્યો. કમિશનના વરિષ્ઠ અધિકારીઓએ મતદાર યાદીની તૈયારી, ચૂંટણી આચરણ અને ભારતમાં અપનાવવામાં આવતી શ્રેષ્ઠ ચૂંટણી પદ્ધતિઓ પર વિગતવાર પ્રેઝન્ટેશન આપ્યું.વિદેશી પ્રતિનિધિઓ ૫ અને ૬ નવેમ્બરે ઈવીએમ ડિસ્પેચ સેન્ટરોનું નિરીક્ષણ કરશે અને મતદાનના દિવસે પટનામાં સંવેદનશીલ મતદાન મથકોની મુલાકાત લેશે. ચૂંટણી પંચ જણાવે છે કે આ કાર્યક્રમ ભારતને તેના લોકશાહી મૂલ્યો દર્શાવવાની તક પૂરી પાડે છે, પરંતુ વૈશ્વિક સ્તરે ચૂંટણી સહયોગ અને પારદર્શિતાનું ઉદાહરણ પણ સ્થાપિત કરે છે.મુખ્ય ચૂંટણી કમિશનરે જણાવ્યું હતું કે આ કાર્યક્રમ ભારતની લોકશાહી અને મતદાતા જાગૃતિની શક્તિને આંતરરાષ્ટ્રીય પ્લેટફોર્મ પર પ્રદર્શિત કરવાની તક છે. ૨૦૧૪ થી ચાલી રહેલા આ કાર્યક્રમે ઘણા દેશોમાં ચૂંટણી વ્યવસ્થાપન સંસ્થાઓ સાથે સહયોગને પ્રોત્સાહન આપ્યું છે. પાછલા વર્ષોની જેમ, વિદેશી પ્રતિનિધિઓ બિહારમાં મતદાન પ્રક્રિયાની પારદર્શિતા અને સુરક્ષાનું અવલોકન કરશે અને તેમના દેશો સાથે તેમના અનુભવો શેર કરશે.
