ધીરે ધીરે દિલ્હી સહિત સમગ્ર ઉત્તર ભારતમાં ગરમી પડવા લાગી છે. યુપીથી લઈને દિલ્હી સુધી ઘણી જગ્યાએ તાપમાન ૩૦ ડિગ્રી સુધી પહોંચી ગયું છે. દિવસભર સૂર્યપ્રકાશને કારણે તાપમાનમાં ઝડપથી વધારો થયો છે. દિલ્હીમાં મંગળવાર આ સિઝનનો સૌથી ગરમ દિવસ હતો. રાષ્ટ્રીય રાજધાનીમાં મહત્તમ તાપમાન ૩૭ ડિગ્રીથી ઉપર ગયું હતું. હવામાન વિભાગના જણાવ્યા અનુસાર, આકરી ગરમી વચ્ચે બુધવારે તે ૩૮ થી ૪૦ ડિગ્રી સુધી પહોંચી શકે છે.
આગામી અઠવાડીયામાં બિહાર, રાજસ્થાન, યુપી, હરિયાણા-પંજાબ, મધ્યપ્રદેશ, મહારાષ્ટ્ર સહિત દક્ષિણ ભારતમાં તાપમાનમાં સતત વધારો થઈ રહ્યો છે, જેના કારણે આકરી ગરમી પ્રવેશવા જઈ રહી છે. જો કે, સપ્તાહના અંત સુધીમાં વેસ્ટર્ન ડિસ્ટર્બન્સ સક્રિય થવાને કારણે વાદળોની હિલચાલ સાથે હળવાથી મધ્યમ વરસાદની શકયતા છે.
હવામાન વિભાગના જણાવ્યા અનુસાર પર્વતીય રાજ્યોમાં હવામાન ઝડપથી બદલાશે. ૨૭ માર્ચે જમ્મુ અને કાશ્મીર, હિમાચલ પ્રદેશ અને ઉત્તરાખંડમાં ઊંચા વિસ્તારોમાં હળવોથી મધ્યમ વરસાદ અને હિમવર્ષા થઈ શકે છે. તે જ સમયે, તમિલનાડુ અને કેરળમાં ભારે વરસાદની સંભાવના છે.
હવામાન વિભાગે દિલ્હીમાં સ્વચ્છ આકાશ રહેવાની આગાહી કરી છે. મહત્તમ તાપમાન ૩૯ ડિગ્રી અને લઘુત્તમ તાપમાન ૧૮ ડિગ્રીની આસપાસ રહેવાની શક્્યતા છે. દરમિયાન, દિલ્હીની હવાની ગુણવત્તા “નબળી” શ્રેણીમાં રહી હતી. સેન્ટ્રલ પોલ્યુશન કંટ્રોલ બોર્ડના જણાવ્યા અનુસાર,સાંજે ૪ વાગ્યે હવાની ગુણવત્તા સૂચકાંક ૨૩૪ હતો. દિલ્હી માટે હવાની ગુણવત્તા પૂર્વ ચેતવણી પ્રણાલીએ સુધરવાની આગાહી કરી છે. શહેરની હવાની ગુણવત્તા બુધવારથી “મધ્યમ” શ્રેણીમાં આવવાની ધારણા છે, જ્યાં તે આગામી બે દિવસ સુધી રહેવાની સંભાવના છે.
કાઉન્સીલ ઓન એનર્જી, એન્વાયરમેન્ટ એન્ડ વોટર દાવો કરે છે કે આ ઉનાળા દરમિયાન દિલ્હી એનસીઆર સહિત સમગ્ર દેશમાં ગરમીના મોજાના દિવસોની સંખ્યામાં ૧૫ થી ૨૦ ટકાનો વધારો થઈ શકે છે. સીઇઇડબ્લ્યુએ હવામાન વિભાગ પાસેથી મળેલા ઈનપુટ્સના આધારે એક વિશ્લેષણ બહાર પાડ્યું અને એ પણ કહ્યું કે વરસાદમાં ઘણી અનિશ્ચિતતા છે, જેમ કે ચોમાસું પણ મોડું થઈ રહ્યું છે. તેથી જ હીટ વેવની અસર વધી રહી છે, અસરગ્રસ્ત ગરમીના ટાપુઓ પણ વધી રહ્યા છે. એકંદરે ગરમીની મોસમ પણ વધી રહી છે.
