યુએસ પ્રમુખ ડોનાલ્ડ ટ્રમ્પના ખાસ મિશન દૂત રિચાર્ડ ગ્રેનેલ મંગળવારે કેલિફોર્નિયામાં પાકિસ્તાન તહરીક-એ-ઇન્સાફના સ્થાપક અને જેલમાં બંધ ભૂતપૂર્વ વડા પ્રધાન ઇમરાન ખાનના પુત્રોને મળ્યા. તેમણે ઇમરાન ખાનની ધરપકડને ‘રાજકીય સતામણી’ ગણાવી અને ફરી એકવાર તેમની મુÂક્તની માંગ કરી. ગ્રેનેલે ઇમરાન ખાનના મોટા પુત્ર સોલોમન ઇસા અને નાના પુત્ર કાસિમ ખાન સાથેની એક તસવીર શેર કરી અને લખ્યું કે તેમને તેમની સાથે સમય પસાર કરવામાં આનંદ આવ્યો અને તેમને કેલિફોર્નિયામાં આવકાર્યા.
ગ્રેનેલે એકસ પર લખ્યું, ‘કેલિફોર્નિયામાં આપનું સ્વાગત છે મારા મિત્રો. આજે તમારી સાથે સમય પસાર કરીને આનંદ થયો. સોલોમન અને કાસિમ, મજબૂત રહો. દુનિયાભરમાં લાખો લોકો છે જે આ રાજકીય સતામણીથી કંટાળી ગયા છે. તમે એકલા નથી.’ ગ્રેનેલનું આ નિવેદન એવા સમયે આવ્યું છે જ્યારે પીટીઆઈ નેતાઓ અને માનવાધિકાર કાર્યકરો દ્વારા ઇમરાન ખાનની જેલની Âસ્થતિ પર પ્રશ્નો ઉઠાવવામાં આવી રહ્યા છે. ખાન ઓગસ્ટ ૨૦૨૩ થી રાવલપિંડીની અદિયાલા જેલમાં બંધ છે.
આ પહેલીવાર નથી જ્યારે ભૂતપૂર્વ યુએસ રાજદૂત રિચાર્ડ ગ્રેનેલે ઇમરાન ખાનને ટેકો આપ્યો હોય. ટ્રમ્પના ચૂંટણી પ્રચાર દરમિયાન ન્યૂઝમેક્સને આપેલા ઇન્ટરવ્યુમાં, ગ્રેનેલે કહ્યું હતું કે ટ્રમ્પ સરકાર દરમિયાન જ્યારે ઇમરાન ખાન વડા પ્રધાન હતા ત્યારે અમેરિકા અને પાકિસ્તાન વચ્ચેના સંબંધો સારા હતા. તેમણે ઇમરાન ખાનને ‘બહારના’ અને ‘સરળ મનના’ નેતા તરીકે વર્ણવ્યા હતા. તેમણે ટ્રમ્પ અને ખાનના કાનૂની પડકારોની પણ તુલના કરી હતી.
ગ્રેનેલે કહ્યું, ટ્રમ્પ સરકાર દરમિયાન, જ્યારે ઇમરાન ખાન પાકિસ્તાનના નેતા હતા, ત્યારે અમેરિકા અને પાકિસ્તાન વચ્ચેના સંબંધો ઘણા સારા હતા. ઇમરાન ખાન ભૂતપૂર્વ ક્રિકેટર હતા, તેઓ પાકિસ્તાન ટીમના કેપ્ટન પણ
આભાર – નિહારીકા રવિયા હતા. તેઓ રાજકારણી નહોતા અને સામાન્ય ભાષામાં વાત કરતા હતા. ટ્રમ્પ અને ઇમરાન ખાન વચ્ચે સારા સંબંધો હતા. તેમણે વધુમાં કહ્યું, હું ઇચ્છું છું કે ઇમરાન ખાનને જેલમાંથી મુક્ત કરવામાં આવે. તેઓ હાલમાં જેલમાં છે અને રાષ્ટÙપતિ ટ્રમ્પ જેવા જ આરોપો તેમના પર લગાવવામાં આવ્યા છે. શાસક પક્ષે ભ્રષ્ટાચાર અને ખોટા આરોપોનો આશરો લીધો અને તેમને જેલમાં મોકલી દીધા.
દરમિયાન, પીટીઆઈ જેલમાં ઇમરાન ખાનની Âસ્થતિ અંગે સતત ચિંતા વ્યક્ત કરી રહ્યું છે. ‘ડોન’ના અહેવાલ મુજબ, પીટીઆઈના કેન્દ્રીય માહિતી સચિવ શેખ વકાસ અકરમે શુક્રવારે એક પ્રેસ કોન્ફરન્સમાં જણાવ્યું હતું કે ખાનને ‘ડેથ સેલ’માં રાખવામાં આવ્યા છે, જ્યાં તેમને ન તો પુસ્તકો મળે છે, ન ટીવી, ન તો અખબારો. અકરમે કહ્યું કે, ભૂતપૂર્વ વડા પ્રધાન હોવા છતાં, ઇમરાન ખાનને ન તો તેમનો દરજ્જા મળ્યો છે, ન તો સામાન્ય કેદી જેવો મૂળભૂત અધિકાર મળ્યો છે. આ ખૂબ જ ગંભીર બાબત છે, કારણ કે તેઓ દેશના સૌથી લોકપ્રિય નેતા છે અને દેશની સમગ્ર જનતા તેમના સ્વાસ્થ્ય અને સલામતી અંગે ચિંતિત છે. તેમણે ચેતવણી આપી હતી કે સતત રાજકીય અને ન્યાયિક દબાણ, તેમજ જેલની નબળી Âસ્થતિ, પાકિસ્તાનને બંધારણીય અને માનવતાવાદી કટોકટી તરફ દોરી રહી છે.
