લોકસભાના વિપક્ષના નેતા અને કોંગ્રેસના નેતા રાહુલ ગાંધીએ એક ચૂંટણી રેલીને સંબોધિત કરતા કહ્યું, “આ ચૂંટણી બે વિચારધારાઓ વચ્ચેની લડાઈ છે.” રાહુલ ગાંધી કેરળના માં રેલીને સંબોધિત કરી રહ્યા હતા. તેમણે કહ્યું કે આ લડાઈ ડાબેરી મોરચાની વિચારધારા યુડીએફની વિચારધારા અને કોંગ્રેસ પાર્ટીની વિચારધારા વચ્ચે છે. આ પહેલી વાર છે જ્યારે આપણે ભાજપ અને ડાબેરી મોરચા વચ્ચે ગઠબંધન જાઈ રહ્યા છીએ. સામાન્ય રીતે, ડાબેરી પક્ષ માટે કટ્ટર જમણેરી પક્ષ સાથે ગઠબંધન કરવું ખૂબ જ આશ્ચર્યજનક હોત.
તેમણે રેલીને સંબોધન કરતી વખતે ભાજપ પર પણ નિશાન સાધ્યું. તેમણે કહ્યું, “જ્યારે હિન્દુત્વના કહેવાતા રક્ષક (વડાપ્રધાન) કેરળ આવે છે, ત્યારે તેઓ સબરીમાલા વિશે કંઈ કહેતા નથી.” તેમણે કહ્યું, “ભાજપ મુખ્યમંત્રી (પિનરાય વિજયન) ને કેવી રીતે ટેકો આપી રહ્યું છે? સૌ પ્રથમ, વડા પ્રધાન જ્યાં પણ જાય છે, તેઓ મંદિરો, ધર્મ અને દેવતાઓ વિશે વાત કરે છે. પરંતુ જ્યારે તેઓ કેરળ આવે છે, ત્યારે તેઓ સબરીમાલા મંદિરનો મુદ્દો ઉઠાવતા નથી. સીપીએમના નેતાઓએ સબરીમાલા મંદિરમાંથી સોનું ચોર્યું હતું, પરંતુ તેમની સામે કોઈ કાર્યવાહી કરવામાં આવી નથી. વડા પ્રધાન મોદી ઇચ્છે છે કે કેરળ વિધાનસભા ચૂંટણીમાં એલડીએફ જીતે. કેરળમાં, રાહુલ ગાંધીએ કહ્યું કે સીપીઆઈ(એમ) હવે ડાબેરી પક્ષ નથી પરંતુ એક અતિ જમણેરી પક્ષ છે.
તેમણે વધુમાં કહ્યું, “અદાણી ભાજપના નાણાકીય માળખાનો આધાર છે. એટલા માટે અમેરિકામાં અદાણી સામે ફોજદારી કેસ દાખલ કરવામાં આવ્યો છે, પરંતુ આ કેસ અદાણીને લક્ષ્ય બનાવી રહ્યો નથી. આ કેસ મોદી અને ભાજપને લક્ષ્ય બનાવી રહ્યો છે.”
