રાષ્ટ્રીય સ્વયંસેવક સંઘના મહાસચિવ દત્તાત્રેય હોસાબલેએ કહ્યું છે કે આઝાદીના ઘણા દાયકાઓ પછી ભારત પાસે વિશ્વમાં સન્માન પાછું મેળવવાની સુવર્ણ તક છે. તેમણે ભારપૂર્વક જણાવ્યું હતું કે જ્યાં સુધી સમાજ હિન્દુ ભાવનામાં એક રહે ત્યાં સુધી વિશ્વની કોઈ પણ શક્તિ ભારતને નુકસાન પહોંચાડી શકે નહીં.
જયપુરમાં એક કાર્યક્રમને સંબોધતા દત્તાત્રેય હોસાબલેએ કહ્યું કે હિન્દુ ધર્મ, સંસ્કૃતિ અને સમાજના રક્ષણ માટે આપણા પૂર્વજાએ મહાન બલિદાન આપ્યું. તેમણે કહ્યું કે આજે ભારત ટેકનોલોજી, વિજ્ઞાન અને આર્થિક ક્ષેત્રોમાં ઝડપથી આગળ વધી રહ્યું છે અને ઘણા દેશોની બરાબરી કરવા માટે પ્રયત્નશીલ છે. તેમના મતે, કેટલાક દેશો ભારતને દબાવવાનો પ્રયાસ કરી શકે છે, પરંતુ જો સમાજ એક રહેશે તો ભારતને કોઈ રોકી શકશે નહીં.
હોસાબલેએ એમ પણ કહ્યું કે જ્યારે વિશ્વના ઘણા દેશો ટેકનોલોજી, ઉદ્યોગ અને આર્થિક શક્તિમાં આગળ છે, ત્યારે ભારત પણ તે દિશામાં ઝડપથી આગળ વધી રહ્યું છે. આને દેશ માટે એક મોટી તક ગણાવતા, તેમણે લોકોને એકતા જાળવવા અપીલ કરી. તાજેતરમાં વડા મોહન ભાગવત દ્વારા પણ આવા જ વિચારો વ્યક્ત કરવામાં આવ્યા હતા. લખનૌના નિરાલા નગરમાં સરસ્વતી શિશુ મંદિર ખાતે એક સામાજિક સંવાદિતા કાર્યક્રમને સંબોધતા તેમણે હિન્દુ સમાજને સતર્ક રહેવા વિનંતી કરી. તેમણે જણાવ્યું હતું કે હિન્દુ સમાજ સામે કોઈ ખતરો નથી, પરંતુ વસ્તીમાં ઘટાડો અને લોભ કે દબાણથી પ્રેરિત ધર્માંતરણ પર ચિંતા વ્યક્ત કરી હતી.
મોહન ભાગવતે ‘ઘર વાપસી’ અભિયાનને વેગ આપવા અને હિન્દુ ધર્મમાં પાછા ફરનારાઓની સંભાળ રાખવા હાકલ કરી હતી. તેમણે ગેરકાયદેસર સ્થળાંતર પર પણ ચિંતા વ્યક્ત કરતા કહ્યું હતું કે ઘૂસણખોરોને ઓળખીને હાંકી કાઢવા જાઈએ અને રોજગાર નકારવો જાઈએ. તેમણે એમ પણ કહ્યું હતું કે બધા લોકો એક જ દેશ અને એક જ માતૃભૂમિના બાળકો છે અને મૂળભૂત રીતે સમાન છે. સમય જતાં ઉદ્ભવતા ભેદભાવને દૂર કરવો જરૂરી છે. ભાગવતના મતે, સનાતન વિચારધારા સંવાદિતા અને એકતાનો ઉપદેશ આપે છે, અને આને સમજીને જ સમાજમાં ભેદભાવ દૂર કરી શકાય છે.
