(એ.આર.એલ),ફૈઝાબાદ,તા.૨૪
ફૈઝાબાદના સમાજવાદી પાર્ટીના સાંસદ અવધેશ પ્રસાદના પુત્ર વિરુદ્ધ નોંધાયેલા કેસ પર શાસક પક્ષ આકરા પ્રહારો કરી રહ્યો છે. બીજેપી બાદ હવે સુહેલદેવ ભારતીય સમાજ પાર્ટીના વડા અને ઉત્તર પ્રદેશ સરકારના મંત્રી ઓમ પ્રકાશ રાજભર પર પ્રહાર કરતા કહ્યું છે કે જ્યાં પણ ગુના થાય છે ત્યાં સમાજવાદી પાર્ટીના નેતાનું જ નામ કેમ લેવામાં આવે છે? દરેક કેસમાં સપાના નેતાઓ
કેમ આવી રહ્યા છે?તેમણે કહ્યું કે અયોધ્યા રેપ કેસમાં સપા નેતા, ઉન્નાવ રેપ કેસમાં સપા નેતા, મૌ રેપ કેસમાં સપા નેતા અને હવે નકલી નોટ કેસમાં પણ સપા નેતા. દરેક કામ સપાના નેતાઓ કરે છે. રાજભરે કહ્યું કે આ દુર્ભાગ્યપૂર્ણ છે, આવા લોકો પૃથ્વી પર દેશના દુશ્મન છે, સમાજના દુશ્મન છે. આ લોકોની તાત્કાલિક ધરપકડ કરીને જેલમાં ધકેલી દેવા જાઈએ અને એ સુનિશ્ચિત કરવું જાઈએ કે તેઓ જેલમાંથી બહાર ન આવી શકે.ઉત્તર પ્રદેશમાં ૧૦ વિધાનસભા બેઠકોની પેટાચૂંટણી પહેલા, આ ઘટનાએ રાજ્યમાં સત્તાધારી પક્ષને વિપક્ષ સપા પર હુમલો કરવાની તક આપી છે. સત્તાધારી પાર્ટી આ ઘટનાને સપાના ગુંડા રાજ સાથે જાડીને રજૂ કરી રહી છે, જ્યારે સપાનું કહેવું છે કે આ કાર્યવાહી સંપૂર્ણપણે રાજનીતિથી પ્રેરિત છે.સમાજવાદી પાર્ટીના ફૈઝાબાદના સાંસદ અવધેશ પ્રસાદના પુત્ર અજીત પ્રસાદ વિરુદ્ધ અપહરણ, ધમકી અને મારપીટના આરોપમાં એફઆઈઆર નોંધવામાં આવી છે. રવિ તિવારી નામના વ્યક્તએ શનિવારે કોતવાલી પોલીસ સ્ટેશનમાં તેની વિરુદ્ધ ફરિયાદ નોંધાવી હતી. પોલીસનું કહેવું છે કે જમીન ખરીદીના કેસમાં કમિશનને લઈને થયેલા વિવાદ બાદ આ ઘટના બની હતી. અજીત પ્રોપર્ટી ડીલિંગનું કામ કરે છે, તે પેટાચૂંટણીમાં સમાજવાદી પાર્ટીના ઉમેદવાર તરીકે મિલ્કીપુર સીટ પરથી ચૂંટણી લડી શકે છે. આ બેઠક તેમના પિતા પાસે હતી પરંતુ તેઓ સાંસદ તરીકે ચૂંટાયા બાદ આ બેઠક ખાલી પડી છે.
