ચીનમાં શાંઘાઈ સહયોગ સંગઠન (જીર્ઝ્રં) સમિટ દરમિયાન આતંકવાદ પર ભારતના કડક વલણને કારણે ચીનને આતંકવાદીઓ સામે ઉભા રહેવાની ફરજ પડી છે. ચીનના વિદેશ મંત્રી વાંગ યીએ બુધવારે પાકિસ્તાનના વિદેશ મંત્રી ઇશાક ડાર સાથેની મુલાકાતમાં જણાવ્યું હતું કે જા ઇસ્લામાબાદ આતંકવાદ વિરોધી પ્રયાસો કરશે, તો ચીન તેના પગલાને સમર્થન આપવાનું ચાલુ રાખશે. આ દરમિયાન વાંગ યીએ પાકિસ્તાનમાં કામ કરતા ચીની નાગરિકો અને પ્રોજેક્ટ્સની સલામતી અંગે પણ ચિંતા વ્યક્ત કરી હતી.
બેઇજિંગ દ્વારા જારી કરાયેલા સત્તાવાર નિવેદન અનુસાર, તિયાનજિન શહેરમાં યોજાયેલી આ બેઠકમાં વાંગ યીએ કહ્યું કે ચીન આતંકવાદના સંપૂર્ણ નાબૂદ સુધી પાકિસ્તાન સાથે સહયોગ કરવાનું ચાલુ રાખશે. તેમણે ભારપૂર્વક જણાવ્યું હતું કે ચીની સરકાર પાકિસ્તાનમાં તેના નાગરિકોની સલામતી અંગે ચિંતિત છે અને તેમને વિશ્વાસ છે કે ઇસ્લામાબાદ આ દિશામાં દરેક શક્ય પગલાં લેવાનું ચાલુ રાખશે.ચીન-પાકિસ્તાન મિત્રતાને “અનન્ય અને સમયની કસોટી” ગણાવતા, વાંગ યીએ કહ્યું કે બંને દેશો વચ્ચે નિયમિત ઉચ્ચ સ્તરીય બેઠકો વ્યૂહાત્મક ભાગીદારીની ઊંડાઈ દર્શાવે છે.
આ બેઠક દરમિયાન ચીન અને પાકિસ્તાને જિનપિંગના મહત્વાકાંક્ષી પ્રોજેક્ટ ચીન-પાકિસ્તાન આર્થિક કોરિડોર પર પણ ચર્ચા કરી હતી. પરંતુ ભારત તેની ઇચ્છામાં અવરોધ રહે છે. ભારતે હંમેશા ચીનના આ પગલાને નિષ્ફળ બનાવવા માટે અવાજ ઉઠાવ્યો છે. પાકિસ્તાનના વિદેશ મંત્રાલયે સોશિયલ મીડિયા પ્લેટફોર્મ ‘એકસ’ પર એક પોસ્ટમાં જણાવ્યું હતું કે બંને નેતાઓએ ચીન-પાકિસ્તાન આર્થિક કોરિડોર અને બહુપક્ષીય સહયોગ સહિત પરસ્પર હિતના મુખ્ય મુદ્દાઓ પર વ્યાપક ચર્ચા કરી હતી.
