રાહુલ ગાંધીએ વધુમાં કહ્યું, ‘૪૦ હજાર મતદારો એવા છે જેમના સરનામાં શૂન્ય છે અથવા તો તેઓ બિલકુલ અસ્તીત્વમાં નથી.
(એચ.એસ.એલ),નવીદિલ્હી,તા.૭
કોંગ્રેસના નેતા અને લોકસભામાં વિરોધ પક્ષના નેતા રાહુલ ગાંધીએ આજે પત્રકાર પરિષદ યોજીને ચૂંટણી પંચ પર આકરા પ્રહારો કર્યા છે. એક ખાસ પત્રકાર પરિષદને સંબોધતા તેમણે કહ્યું કે મહારાષ્ટ્રમાં રહસ્યમય રીતે ૪૦ લાખ મત ઉમેરવામાં આવ્યા છે. રાહુલ ગાંધીનો આરોપ છે કે આ મતદારો ૨૦૨૪ની લોકસભા ચૂંટણી અને ૨૦૨૪ની મહારાષ્ટ્ર વિધાનસભા ચૂંટણી વચ્ચે ઉમેરવામાં આવ્યા છે.
કોંગ્રેસ સાંસદ રાહુલ ગાંધી છેલ્લા કેટલાક સમયથી ચૂંટણી પંચની નિષ્પક્ષતા પર સતત હુમલો કરી રહ્યા છે. તેમણે મહારાષ્ટ્ર, કર્ણાટક અને અન્ય કેટલાક સ્થળોની મતદાર યાદીના આધારે ચોંકાવનારા દાવા કર્યા છે. મતદાર યાદીમાં હજારો અને લાખો નામો ઉમેરાયા હોવાનો ઉલ્લેખ કરતા રાહુલે કહ્યું કે લોકશાહી પ્રક્રિયાનું પાલન કર્યા વિના મતોની ચોરી થઈ રહી છે. અનેક આંકડાઓ ટાંકીને તેમણે ચૂંટણી પંચને કઠેડામાં મૂકયું અને કહ્યું કે કમિશનની વિશ્વસનીયતા શંકાના દાયરામાં છે.
રાહુલ ગાંધીએ કોંગ્રેસ પાર્ટી દ્વારા એકત્રિત કરાયેલા પુરાવાઓનો ઉલ્લેખ કરતા કહ્યું કે ભાજપ માટે મતોની ચોરી થઈ રહી છે. મતદાર યાદીના મુદ્દા પર, કોંગ્રેસના સાંસદે પ્રશ્ન કર્યો કે કમિશન આ મુદ્દા પર જવાબ કેમ નથી આપી રહ્યું. તેમણે દાવો કર્યો કે મહારાષ્ટ્રમાં, થોડા મહિનામાં લાખો મતદારોના નામ યાદીમાં ઉમેરવામાં આવ્યા છે, જે ખૂબ ચિંતાજનક છે. રાહુલ કહે છે કે સાંજે ૫ વાગ્યા પછી મતદાનમાં વધારો પણ આશ્ચર્યજનક છે.
નવેમ્બર ૨૦૨૪ માં યોજાયેલી મહારાષ્ટ્ર વિધાનસભા ચૂંટણીના પરિણામોનો ઉલ્લેખ કરતા, રાહુલ ગાંધીએ કહ્યું, ચૂંટણી પરિણામોની જાહેરાત પછી, અમારી શંકા પુષ્ટિ થઈ કે વિધાનસભા ચૂંટણીઓ ‘ગેરરીતિ’ હતી… મશીન-રીડેબલ મતદાર યાદીની જાગવાઈ ન થવાથી અમને ખાતરી થઈ કે ચૂંટણી પંચે મહારાષ્ટ્રમાં ચૂંટણીઓ ‘ગેરરીતિ’ કરવા માટે ભાજપ સાથે સાંઠગાંઠ કરી છે.
રાહુલ ગાંધીએ કહ્યું, ‘મહારાષ્ટ્રમાં, અમારી શંકા ત્યારે વધી જ્યારે ૫ મહિનામાં ૫ વર્ષ કરતાં વધુ મતદારો ઉમેરવામાં આવ્યા અને પછી ૫ વાગ્યા પછી મતદાનમાં ભારે વધારો થયો… લોકસભામાં અમારું જાડાણ સંપૂર્ણપણે નાશ પામ્યું. આ ખૂબ જ શંકાસ્પદ છે. અમને જાણવા મળ્યું કે લોકસભા અને વિધાનસભા વચ્ચે એક કરોડ નવા મતદારો ઉમેરવામાં આવ્યા છે. અમે ચૂંટણી પંચ પાસે ગયા અને આ લેખ લખ્યો અને અમારી દલીલનો સાર એ હતો કે મહારાષ્ટ્રની ચૂંટણી ચોરી થઈ હતી. સમસ્યાનું મૂળ શું છે? મતદાર યાદી આ દેશની મિલકત છે. ચૂંટણી પંચ અમને મતદાર યાદી આપવાનો ઇનકાર કરી રહ્યું છે.
આ દરમિયાન રાહુલ ગાંધીએ પ્રશ્ન પૂછ્યો – સાંજે ૫ વાગ્યા પછી મતદાન કેમ વધ્યું? ચૂંટણી પંચે આનો જવાબ આપવો જાઈએ. રાહુલ ગાંધીએ વધુમાં કહ્યું કે કોંગ્રેસ પાર્ટીએ મત ચોરી અંગે ચૂંટણી પંચને પ્રશ્નો પૂછ્યા છે, પરંતુ પંચે એક પણ જવાબ આપ્યો નથી. આ દરમિયાન રાહુલ ગાંધીએ દાવો કર્યો કે મત ચોરી પકડવામાં અમને છ મહિના લાગ્યા.
કોંગ્રેસ સાંસદે મહારાષ્ટ્ર સિવાય બીજા રાજ્ય વિશે પણ ચોંકાવનારો દાવો કર્યો. રાહુલ ગાંધીના મતે, કર્ણાટકની મહાદેવપુરા વિધાનસભા બેઠકના ૬.૫ લાખ મતોમાંથી, ૧ લાખથી વધુ મત ‘ચોરી કરેલા મતદાન’ હતા. કોંગ્રેસના સંશોધનમાં, કર્ણાટકના મહાદેવપુરા મતવિસ્તારમાં એક લાખથી વધુ નકલી મતદારો, ગેરકાયદેસર સરનામાં અને મોટી સંખ્યામાં મતદારો (બલ્ક વોટર્સ) મળી આવ્યા હતા.
દેશભરમાં ચૂંટણી કરાવતી એકમાત્ર બંધારણીય સંસ્થા ચૂંટણી પંચ પર ગંભીર આરોપો લગાવતા, લોકસભામાં વિરોધ પક્ષના નેતા રાહુલ ગાંધીએ કહ્યું કે, ચૂંટણી પંચ સાથે મળીને શાસક પક્ષ દેશભરમાં મોટા પાયે ‘ગુનાહિત છેતરપિંડી’ કરી રહ્યો છે. ‘ચૂંટણી છેતરપિંડી’નો આ ગુનો બંધારણની વિરુદ્ધ છે. તે દેશભરમાં મોટા પાયે કરવામાં આવી રહ્યો છે.
રાહુલ ગાંધીએ કહ્યું, ‘સત્તા વિરોધી ભાવના એવી વસ્તુ છે જે દરેક લોકશાહીમાં દરેક પક્ષને અસર કરે છે. પરંતુ કોઈ કારણોસર, લોકશાહી માળખામાં ભાજપ એકમાત્ર પક્ષ છે જે મૂળભૂત રીતે સત્તા વિરોધી ભાવનાથી પીડાતો નથી. એÂક્ઝટ પોલ, ઓપિનિયન પોલ એક વાત કહે છે, તમે હરિયાણાની ચૂંટણીમાં જાયું, તમે મધ્યપ્રદેશની ચૂંટણીમાં જાયું અને પછી અચાનક પરિણામો મોટા પાયે ભિન્નતા સાથે સંપૂર્ણપણે અલગ દિશામાં જાય છે. આમાં આપણો પોતાનો આંતરિક સર્વે શામેલ છે, જે ખૂબ જ સુસંસ્કૃત છે.’
રાહુલ ગાંધીએ વધુમાં કહ્યું, ‘૪૦ હજાર મતદારો એવા છે જેમના સરનામાં શૂન્ય છે અથવા તો તેઓ બિલકુલ અસ્તીત્વમાં નથી.અલગ અલગ નામ અને અલગ અલગ પરિવારના લોકો અને જ્યારે આપણે ત્યાં જઈએ છીએ ત્યારે આપણને ખબર પડે છે કે ત્યાં કોઈ રહેતું નથી… ચૂંટણી પંચના મતે આ સરનામાંઓ પર ઘણા લોકો રહે
આભાર – નિહારીકા રવિયા છે પરંતુ જ્યારે આપણે ત્યાં જઈએ છીએ ત્યારે આપણને ખબર પડે છે કે ત્યાં કોઈ રહેતું નથી… મતદાર યાદીમાં ઘણા લોકોના ફોટા નથી અને જા હોય તો પણ, તે એવા છે કે તેમને જાઈને મતદારો ઓળખી શકાતા નથી.’
રાહુલ ગાંધીએ કહ્યું, ‘આ એક પડકાર છે. આ સાત ફૂટનો કાગળ છે. ધારો કે મારે એ શોધવાનું છે કે તમે બે વાર મતદાન કર્યું છે કે તમારું નામ મતદાર યાદીમાં બે વાર છે, તો મારે તમારો ફોટો લેવો પડશે અને પછી તેને કાગળના દરેક ટુકડા સાથે મેચ કરવો પડશે. આ પ્રક્રિયા છે, અને તે ખૂબ જ કંટાળાજનક પ્રક્રિયા છે. મેં શરૂઆતમાં વિચાર્યું હતું કે આપણે ઘણી બેઠકો પર ચૂંટણી લડીશું, પરંતુ જ્યારે આપણે આનો સામનો કર્યો, ત્યારે અમને સમજાયું કે ચૂંટણી પંચ આપણને ઇલેક્ટ્રોનિક ડેટા કેમ નથી આપતું. કારણ કે તેઓ ઇચ્છતા નથી કે આપણે ધ્યાનથી જાઈએ. આ કામ કરવામાં અમને છ મહિના લાગ્યા… જા ચૂંટણી પંચ આપણને ઇલેક્ટ્રોનિક ડેટા આપે, તો તેમાં અમને ૩૦ સેકન્ડનો સમય લાગ્યો હોત. હું પુનરાવર્તન કરું છું, એટલા માટે જ અમને આ પ્રકારનો ડેટા આપવામાં આવી રહ્યો છે, જેથી તેનું વિશ્લેષણ ન થઈ શકે… આ કાગળોમાં ઓÂપ્ટકલ કેરેક્ટર ઓળખની સુવિધા નથી. તેથી જા તમે તેમને સ્કેન કરો તો પણ, તમે તેમાંથી ડેટા કાઢી શકતા નથી. ચૂંટણી પંચ આ કાગળોનું રક્ષણ કેમ કરી રહ્યું છે? ચૂંટણી પંચ જાણી જાઈને એવા કાગળો આપે છે જે મશીન દ્વારા વાંચી શકાતા નથી.’
વડાપ્રધાનને ૨૦૨૪ માં સત્તામાં રહેવા માટે ફક્ત ૨૫ બેઠકો ‘ચોરી’ કરવાની જરૂર હતી; લોકસભા ચૂંટણીમાં ભાજપે ૩૩,૦૦૦ થી ઓછા મતોના માર્જિનથી ૨૫ બેઠકો જીતી હતી. અમારા માટે, સીસીટીવી ફૂટેજ અને મતદાર યાદી હવે ગુનાના પુરાવા છે અને ચૂંટણી પંચ તેને ‘નાશ’ કરવામાં વ્યસ્ત છે. ચૂંટણી પંચ ભારતમાં ચૂંટણી પ્રણાલીને ‘નાશ’ કરવામાં ભાજપને મદદ કરી રહ્યું છે. હવે ચૂંટણી પંચે લોકોની જરૂરિયાત મુજબ મતદારોનો ડેટા આપવો પડશે; જા તેઓ આમ નહીં કરે, તો તેના પરિણામો ભોગવવા પડશે.
ચૂંટણી સંબંધિત કથિત છેતરપિંડી પર રાહુલે કહ્યું, ચૂંટણી પંચ આ ‘છેતરપિંડી’માં સંડોવાયેલું છે. મને લાગે છે કે ન્યાયતંત્રે આ મામલે હસ્તક્ષેપ કરવો જાઈએ.
