ચીનના વિદેશ મંત્રી વાંગ યી ભારતની મુલાકાતે છે, તેમણે ભારતીય વિદેશ મંત્રી જયશંકર અને એનએસએ અજિત ડોભાલને મળ્યા છે. આ મુલાકાત ભારત અને ચીન તેમજ પડોશી દેશો બાંગ્લાદેશ અને પાકિસ્તાન વચ્ચેના સંબંધો માટે મહત્વપૂર્ણ માનવામાં આવી રહી છે. ચીને કહ્યું છે કે ભારત અને પાકિસ્તાન તેના માટે ખૂબ જ મહત્વપૂર્ણ પડોશી છે અને તે બંને દેશો સાથે મૈત્રીપૂર્ણ અને સહયોગી સંબંધો ઇચ્છે છે. જ્યારે ભારત અને ચીન એકબીજાની નજીક આવી રહ્યા છે, ત્યારે ચીન ઇચ્છે છે કે ભારત પાકિસ્તાન સાથે પણ તેના સંબંધો સુધારે. ચીનના વિદેશ મંત્રાલયના પ્રવક્તા માઓ નિંગે મંગળવારે ચીનમાં કહ્યું હતું કે ભારત અને પાકિસ્તાન વચ્ચે ગમે તેટલા મુદ્દા હોય, બંને દેશોએ પરસ્પર વાતચીત દ્વારા તેનો ઉકેલ લાવવો જાઈએ. તેમણે આશા વ્યક્ત કરી હતી કે બંને દેશો યોગ્ય ઉકેલ પર પહોંચશે.
માઓ નિંગે એમ પણ કહ્યું હતું કે જા ભારત અને પાકિસ્તાન તૈયાર હોય, તો ચીન આ પ્રક્રિયામાં સકારાત્મક ભૂમિકા ભજવવા તૈયાર છે. આ નિવેદનથી સંકેત મળ્યો હતો કે જા આવનારા દિવસોમાં બધું બરાબર થશે, તો ચીન ભારત અને પાકિસ્તાનના મુદ્દાઓને ઉકેલવામાં મદદ કરશે અને બંને દેશો ટૂંક સમયમાં દ્વિપક્ષીય સંબંધોમાં સુધારો કરશે. તે સ્પષ્ટ છે કે ચીન બંને દેશો વચ્ચે તણાવ ઘટાડવા અને શાંતિ પુનઃસ્થાપિત કરવાના પક્ષમાં છે.ઓપરેશન સિંદૂર પછી શરૂ થયેલા ભારત-પાકિસ્તાન સંઘર્ષમાં ચીન પાકિસ્તાન સાથે ઉભું જાવા મળ્યું. પાકિસ્તાન ચીનનો મુખ્ય સાથી છે અને તેના બેલ્ટ એન્ડ રોડ પહેલનો મુખ્ય ભાગ છે. ચીન એવા સમયે બંને દેશોને મિત્ર બનાવવાનો આગ્રહ રાખી રહ્યું છે જ્યારે ભારતે અમેરિકાની મધ્યસ્થીને નકારી કાઢી છે. જા આવું થાય, તો તે અમેરિકા માટે મોટો ઝટકો હશે.જો ચીનની સાથે ભારતના પાકિસ્તાન સાથેના સંબંધો સુધરશે, તો તે ભારત માટે ફાયદાકારક સાબિત થઈ શકે છે. જા પાકિસ્તાન આતંકવાદીઓને આશ્રય આપવાનું બંધ કરવા અને ભારત વિરુદ્ધ કાવતરું ન ઘડવા સંમત થાય, તો બંને દેશો વચ્ચેના સંબંધો નવી ઊંચાઈઓને સ્પર્શી શકે છે. ઉપરાંત, ભારત પાકિસ્તાનની મદદથી ઈરાન અને અફઘાનિસ્તાન સાથે સીધો વેપાર કરી શકે છે.
