વર્લ્ડ ચેમ્પિયનશિપ ઓફ લિજેન્ડ્સ ૨૦૨૫ તેના નિર્ણાયક વળાંક પર પહોંચી ગઈ છે. ઇન્ડિયા ચેમ્પિયન્સે ૨૯ જુલાઈના રોજ વેસ્ટ ઇન્ડીઝ ચેમ્પિયન્સને ૫ વિકેટથી હરાવીને સેમિફાઇનલમાં પોતાનું સ્થાન સુરક્ષિત કર્યું. આ જીત સાથે, ટુર્નામેન્ટની ચાર સેમિફાઇનલ ટીમો નક્કી થઈ ગઈ છે. લીગ સ્ટેજના ભીષણ યુદ્ધ પછી, ભારત, પાકિસ્તાન, દક્ષિણ આફ્રિકા અને ઓસ્ટ્રેલિયા સેમિફાઇનલમાં પહોંચી ગયા છે.
આ વિજય ભારતીય ટીમ માટે ટુર્નામેન્ટનો પ્રથમ અને સૌથી મહત્વપૂર્ણ વિજય હતો. અગાઉ, ટીમે પાંચમાંથી ફક્ત એક જ મેચ જીતી હતી, પરંતુ અન્ય ટીમોના પ્રદર્શન અને પોઈન્ટ ટેબલના રસપ્રદ સમીકરણને કારણે, ભારત સેમિફાઇનલમાં પહોંચ્યું.
ઇન્ડિયા ચેમ્પિયન્સે ૨૦ જુલાઈના રોજ પાકિસ્તાન ચેમ્પિયન્સ સામે રમવાનો ઇનકાર કર્યો હતો, જેના કારણે બંને ટીમોને ૧-૧ પોઈન્ટ આપવામાં આવ્યા હતા. આ પછી, ભારતને ઓસ્ટ્રેલિયા, ઈંગ્લેન્ડ અને દક્ષિણ આફ્રિકા સામે સતત ત્રણ હારનો સામનો કરવો પડ્યો હતો.
જોકે, છેલ્લી લીગ મેચમાં વેસ્ટ ઈન્ડીઝ ચેમ્પિયન્સને હરાવીને, ભારતીય ટીમે માત્ર પોતાની પહેલી જીત નોંધાવી નહીં, પરંતુ સેમિફાઇનલમાં ટિકિટ પણ મેળવી. ટીમે ૫માંથી ૧ મેચ જીતી અને કુલ ૩ પોઈન્ટ સાથે ચોથા સ્થાને રહી. ઈંગ્લેન્ડ ૫મા અને વેસ્ટ ઈન્ડીઝ છેલ્લા સ્થાને રહ્યું. બંને ટીમોનું ટાઇટલ જીતવાનું સ્વપ્ન ચકનાચૂર થઈ ગયું.
હવે ડબ્લ્યુસીએલ ૨૦૨૫ ની સેમિફાઇનલમાં હાઇ-વોલ્ટેજ મેચો જાવા મળશે. ભારત ચેમ્પિયન્સનો મુકાબલો પાકિસ્તાન ચેમ્પિયન્સ સામે થશે, જેણે ગ્રુપ સ્ટેજમાં ટોચનું સ્થાન મેળવ્યું હતું, ૫ માંથી ૮ મેચ જીતીને ૯ પોઇન્ટ મેળવ્યા હતા. તે જ સમયે, બીજા સેમિફાઇનલમાં, દક્ષિણ આફ્રિકા ચેમ્પિયન્સનો મુકાબલો ઓસ્ટ્રેલિયા ચેમ્પિયન્સ સામે થશે. દક્ષિણ આફ્રિકા ૮ પોઇન્ટ સાથે ટેબલમાં બીજા સ્થાને રહ્યું, જ્યારે ઓસ્ટ્રેલિયા ૫ પોઇન્ટ સાથે ત્રીજા સ્થાને રહ્યું.
નોંધનીય છે કે ડબ્લ્યુસીએલ ૨૦૨૫ ની બંને સેમિફાઇનલ મેચ ૩૧ જુલાઈના રોજ એજબેસ્ટન, બ‹મગહામ ખાતે એક જ દિવસે અને એક જ મેદાન પર રમાશે. ટુર્નામેન્ટની ફાઇનલ મેચ ૨ ઓગસ્ટના રોજ બ‹મગહામમાં રમાશે.
ડબ્લ્યુસીએલ ૨૦૨૫ સેમિ-ફાઇનલ શેડ્યૂલ (એજબેસ્ટન, બ‹મગહામ)
સેમિ-ફાઇનલ-૧ઃ
ભારત ચેમ્પિયન વિરુદ્ધ પાકિસ્તાન ચેમ્પિયન, ૩૧ જુલાઈ, સાંજે ૫ વાગ્યે
સેમિ-ફાઇનલ-૨ઃ દક્ષિણ આફ્રિકા ચેમ્પિયન વિરુદ્ધ ઓસ્ટ્રેલિયા ચેમ્પિયન, ૩૧ જુલાઈ, રાત્રે ૯ વાગ્યે
