ચાંગુર બાબા ધાર્મિક પરિવર્તન કેસમાં વધુ ૨ આરોપીઓની ધરપકડ કરવામાં આવી છે. એટીએસ એ સબરોઝ અને શહાબુદ્દીનની ધરપકડ કરી છે. આ ધરપકડ બલરામપુરથી કરવામાં આવી છે. તાજેતરમાં એવું જાણવા મળ્યું હતું કે ઈડી ટીમે ચાંગુર બાબા અને તેના નજીકના સહયોગીઓ સામે મોટી કાર્યવાહી કરી છે અને અત્યાર સુધીમાં લગભગ ૬૦ કરોડ રૂપિયાનું મની લોન્ડરિંગ શોધી કાઢ્યું છે. આ દરમિયાન કુલ ૧૫ સ્થળોએ દરોડા પાડવામાં આવ્યા હતા. આ તપાસ એટીએસ લખનૌની એફઆઇઆરના આધારે શરૂ કરવામાં આવી હતી, જેમાં ગેરકાયદેસર ધર્મ પરિવર્તન, વિદેશી ભંડોળનો દુરુપયોગ અને રાષ્ટ્રીય સુરક્ષા સંબંધિત આરોપો મૂકવામાં આવ્યા હતા.
ચાંગુર બાબા વિશે એક ચોંકાવનારી વાત પ્રકાશમાં આવી. ચાંગુર બાબા લવ જેહાદ બ્રિગેડ ચલાવી રહ્યા હતા. ચાંગુરે રશીદ નામના વ્યક્તિને લવ જેહાદ બ્રિગેડનો કમાન્ડર બનાવ્યો હતો. રાશિદ ચાંગુરનો ગાઝી હતો. ચાંગુર તેને ગાઝી કહેતો હતો. રાશિદ ધર્મ પરિવર્તન માટે ગાઝી તરીકે કામ કરતો હતો.
ચાંગુર બાબા ઉર્ફે જમાલુદ્દીને બુધવારે પોતાની સામેના આરોપો પર પ્રતિક્રિયા આપતા દાવો કર્યો હતો કે તે નિર્દોષ છે અને તેને કંઈ ખબર નથી. આ ટિપ્પણી ત્યારે આવી જ્યારે તેને એટીએસ દ્વારા તબીબી તપાસ માટે લઈ જવામાં આવી રહી હતી. ચાંગુર બાબા ઉર્ફે જમાલુદ્દીનને એટીએસ દ્વારા લખનૌથી ધરપકડ કરવામાં આવી હતી. તેના પર મોટી સંખ્યામાં લોકોને લાલચ આપીને ગેરકાયદેસર રીતે ધર્મ પરિવર્તન કરાવવાનો આરોપ છે.
આ બાબા અંગે સીએમ યોગીનું નિવેદન પણ બહાર આવ્યું. સીએમ યોગીએ કહ્યું હતું કે, “તમે જાયું હશે કે કેવા પ્રકારના કાવતરાં ઘડવામાં આવી રહ્યા છે. અમે બલરામપુરમાં એક મોટી કાર્યવાહી આગળ ધપાવી છે. તમે જાયું હશે, તેમણે દર નક્કી કર્યા હતા, ધર્મ પરિવર્તનનો કાર્યક્રમ કેવી રીતે આગળ ધપાવવો. તેમણે હિન્દુઓ, બ્રાહ્મણો, ક્ષત્રિયો, શીખ, ઓબીસી જાતિઓ, અનુસૂચિત જાતિ-જનજાતિના લોકોમાં લોકોને ધર્મ પરિવર્તન કેવી રીતે કરાવવું તે માટે દર નક્કી કર્યા હતા. વિદેશથી પૈસા આવી રહ્યા હતા.” સીએમ યોગીએ કહ્યું હતું કે, “જરા વિચારો, તેમના ૪૦ ખાતાઓમાં અત્યાર સુધીમાં ૧૦૦ કરોડથી વધુના વ્યવહારો પ્રાપ્ત થયા છે અને તેઓ તે અભિયાનને વિસ્તૃત કરવા માટે સતત કામ કરી રહ્યા હતા. આ રીતે, તેઓ દેશની પ્રકૃતિને બગાડવાનું કામ કરી રહ્યા છે. સંજાગો બદલાયા છે, તેમનો ઉદ્દેશ્ય તે સમયે જેવો હતો તેવો જ છે, હા, તેમણે કામ કરવાની રીત બદલી નાખી છે.”
