ઉત્તર પ્રદેશના ગોરખપુરમાં થયેલા ગેંગરેપ કેસમાં પોલીસે ચોંકાવનારો ખુલાસો કર્યો છે. ૨૮ ફેબ્રુઆરીના રોજ, એવો આરોપ મૂકવામાં આવ્યો હતો કે એક છોકરી પર સાત લોકોએ સામૂહિક બળાત્કાર કર્યો હતો. પોલીસે ફરિયાદ પર કેસ પણ નોંધ્યો હતો. પરંતુ આ મામલો હવે સંપૂર્ણપણે પલટાઈ ગયો છે. હકીકતમાં, બોયફ્રેન્ડ સિવાય જે સાત લોકો પર આરોપ મૂકવામાં આવ્યા હતા તેમાંથી બાકીના બધા નિર્દોષ હતા. છોકરી તેના બોયફ્રેન્ડ સાથે ગઈ હતી. હવે છોકરીના બોયફ્રેન્ડ સામે બળાત્કારનો કેસ દાખલ કરવામાં આવશે.
છોકરીની માતાએ પોલીસમાં ફરિયાદ કરી હતી કે તેના બોયફ્રેન્ડ શિવમ, તૌહીદ ખાન, રણજીત, એક સગીર અને અન્ય ૩ લોકોએ તેની પુત્રી પર ગેંગરેપ કર્યો હતો. આ પછી, પોલીસે તાત્કાલિક કાર્યવાહી કરી અને ચાર આરોપીઓની ધરપકડ કરી અને તેમને જેલમાં મોકલી દીધા.
પીડિતની માતાએ પોલીસને જણાવ્યું હતું કે તેની પુત્રી ખેતરમાં તેને મળવા આવી રહી હતી. તે દરમિયાન, રસ્તામાં તેનું અપહરણ કરવામાં આવ્યું હતું. આ ગુનો સાત લોકોએ કર્યો હતો. આરોપીઓ પુત્રીને રાપ્તી નદીના કિનારે લઈ ગયા અને તેના પર ગેંગરેપ કર્યો. ગેંગરેપ દરમિયાન તે બેહોશ થઈ ગઈ. ગામલોકોએ આરોપી શિવમ અને પંકજને પણ પકડીને માર માર્યો.
સ્થાનિક પોલીસ આ મામલાની તપાસ કરી રહી હતી. પોલીસે અનેક સીસીટીવી કેમેરાના ફૂટેજ તપાસ્યા ત્યારે, છોકરી આરોપી પ્રેમી સાથે બાઇક પર જતી જાવા મળી. તે શિવમ સાથે એક હોટલમાં રોકાઈ રહી હતી. જ્યારે પોલીસે અન્ય આરોપીઓના લોકેશનની શોધ કરી, ત્યારે તેઓ બીજી જગ્યાએ મળી આવ્યા. હવે પોલીસે ગેંગરેપનો કેસ હટાવીને બળાત્કાર હેઠળ કેસ દાખલ કર્યો છે. આ સાથે, ત્રણ આરોપીઓને નિર્દોષ માનીને તેમના નામ પણ કેસમાંથી દૂર કરવામાં આવ્યા છે.
