ગૃહમંત્રી અમિત શાહ મહાકુંભ પહોંચ્યા અને સંગમમાં ડૂબકી લગાવી. આ પ્રસંગે તેમની સાથે સીએમ યોગી, સ્વામી રામદેવ અને અન્ય સંતો પણ હાજર હતા. અમિત શાહ, સીએમ યોગી અને સ્વામી રામદેવના સ્નાન કરવાના વીડિયો પણ સામે આવ્યા છે, જેમાં તેઓ સંગમમાં સ્નાન કરતા જોવા મળે છે.
૨૭ જાન્યુઆરીએ સમાચાર લખાય છે ત્યાં સુધી, ૬૦.૧૯ લાખથી વધુ લોકોએ સંગમમાં સ્નાન કર્યું હતું. મહાકુંભની શરૂઆતથી લઈને ૨૬ જાન્યુઆરી સુધી, ૧૩.૨૧ કરોડથી વધુ લોકોએ મહાકુંભમાં સ્નાન કર્યું છે. અમિત શાહના સંગમ સ્નાન પહેલા પણ સીએમ યોગી તેમના મંત્રીમંડળ સાથે મહાકુંભની મુલાકાત લઈ ચૂક્યા છે. આ દરમિયાન સીએમ યોગીએ તેમના મંત્રીઓ સાથે સંગમમાં સ્નાન કર્યું.
આ સમય દરમિયાન, સ્નાન પહેલાં, સીએમ યોગીએ કેબિનેટ બેઠક પણ યોજી હતી, જેમાં ઘણા મહત્વપૂર્ણ નિર્ણયો લેવામાં આવ્યા હતા. આ નિર્ણયોમાં ત્રણ જિલ્લાઓ (બાગપત, કાસગંજ અને હાથરસ) માટે નવી મેડિકલ કોલેજા ખોલવા, પ્રયાગરાજ, વારાણસી, આગ્રા મ્યુનિસિપલ કોર્પોરેશન માટે બોન્ડ જારી કરવા, યુવાનોને સ્માર્ટફોન, ટેબ્લેટ આપવા, બુંદેલખંડ એક્સપ્રેસવેને ગંગા એક્સપ્રેસવે સાથે જોડવા, ચિત્રકૂટને ગંગા એક્સપ્રેસવે સાથે જોડવાનો સમાવેશ થાય છે. મહાકુંભને ધ્યાનમાં રાખીને નવી એરોસ્પેસ સંરક્ષણ નીતિ બનાવવી અને પ્રયાગરાજનો વિકાસ, યમુના નદી પર બીજા સિગ્નેચર બ્રિજ પણ સામેલ છે.
સમાજવાદી પાર્ટીના વડા અખિલેશ યાદવ પણ ૨૬ જાન્યુઆરીએ મહાકુંભ મેળામાં પહોંચ્યા હતા અને સંગમમાં સ્નાન કર્યું હતું. આનો એક વીડિયો પણ બહાર આવ્યો છે. અખિલેશના આ સ્નાનની ચર્ચા રાજકીય વર્તુળોમાં થઈ રહી હતી. વાસ્તવમાં અખિલેશ યાદવે મહાકુંભના આંકડાઓ પર સવાલ ઉઠાવ્યા હતા. અખિલેશ યાદવે મહાકુંભ અંગે એક પ્રેસ કોન્ફરન્સમાં કહ્યું હતું કે સરકારનો તમામ ડેટા ખોટો છે. તેમણે કહ્યું હતું કે કેટલીક ટ્રેનો ખાલી જઈ રહી છે. એવું પણ સાંભળવામાં આવ્યું છે કે ગોરખપુર જતી ટ્રેન ખાલી થઈ ગઈ છે. મુખ્ય વાત એ છે કે ભાજપનો તમામ ડેટા ખોટો છે.
