આ વખતે ગુજરાત ટાઇટન્સની ટીમે આઇપીએલમાં કંઈક એવું કર્યું છે જે પહેલાં ક્યારેય જોવા મળ્યું ન હતું. ટીમે આ સિઝનમાં અત્યાર સુધી ખૂબ જ સારું પ્રદર્શન કર્યું છે અને પોતાનું ટોચનું સ્થાન જાળવી રાખ્યું છે. ટીમ પ્લેઓફની ખૂબ નજીક છે. વધુ એક મેચ જીતવાથી ટીમ સત્તાવાર રીતે પ્રવેશ કરશે. આ વખતે ટીમે અત્યાર સુધી જે કંઈ પણ હાંસલ કર્યું છે, તેમાં તેમના ટોચના ૩ બેટ્સમેનોની મોટી ભૂમિકા છે. આ ત્રણેય બેટ્સમેનોએ મળીને એક નવો રેકોર્ડ બનાવ્યો છે.
ખરેખર, આ વખતે ગુજરાત ટાઇટન્સ માટે ઓપનિંગની જવાબદારી કેપ્ટન શુભમન ગિલ અને સાઈ સુદર્શન ભજવી રહ્યા છે. આ પછી જાસ બટલર ત્રીજા નંબરે આવે છે.આઇપીએલના ૧૮ વર્ષના ઇતિહાસમાં આ પહેલી વાર બન્યું છે કે કોઈ ટીમના ત્રણ બેટ્સમેનોએ એક જ સિઝનમાં ૫૦૦ થી વધુ રન બનાવ્યા હોય. અગાઉ ઘણીવાર એવું બન્યું છે કે બે બેટ્સમેન ૫૦૦ થી વધુ રન બનાવવામાં સફળ રહ્યા હોય, પરંતુ ત્રીજા બેટ્સમેન આટલા સુધી પહોંચી શક્્યો ન હતો, પરંતુ આ વખતે ઇતિહાસ લખાઈ ગયો છે. એટલું જ નહીં, ટીમના ત્રણેય બેટ્સમેન આ વર્ષે સૌથી વધુ રન બનાવવાના મામલે પણ ટોચના ૫ માં છે. ચાલો પહેલા સાઈ સુદર્શન વિશે વાત કરીએ કારણ કે તેણે ગુજરાત ટાઇટન્સ માટે સૌથી વધુ રન બનાવ્યા છે. સાઈએ આ વર્ષે અત્યાર સુધીમાં ૧૧ મેચમાં ૫૦૯ રન બનાવ્યા છે. તેની સરેરાશ ૪૬.૨૭ છે અને તે ૧૫૩.૩૧ ના સ્ટ્રાઇક રેટથી બેટિંગ કરી રહ્યો છે. શુભમન ગિલની વાત કરીએ તો, તેણે આ વર્ષે ૧૧ મેચ રમીને અત્યાર સુધીમાં ૫૦૮ રન બનાવ્યા છે. શુભમન ગિલની સરેરાશ ૫૦.૮૦ છે અને તે ૧૫૨.૫૫ ના સ્ટ્રાઇક રેટથી સ્કોર કરી રહ્યો છે.
જા જાસ બટલરની વાત કરીએ તો, તેણે આ વર્ષે અત્યાર સુધીમાં ૧૧ મેચમાં ૫૦૦ રન બનાવ્યા છે. જાસ બટલરની સરેરાશ ૭૧.૪૩ છે અને તે ૧૬૩.૯૩ ના સ્ટ્રાઇક રેટથી બેટિંગ કરી રહ્યો છે. હવે ૧૭ મેથી ફરી શરૂ થઈ રહેલી બાકીની સીઝનમાં શુભમન ગિલ અને સાઈ સુદર્શન બધી મેચ રમશે, પરંતુ જાસ બધી મેચ રમી શકશે નહીં.
જાસ બટલર હવે લીગની બાકીની ત્રણ મેચ જ રમી શકશે, ત્યારબાદ તે પાછો જશે. વાસ્તવમાં, ઈંગ્લેન્ડ ક્રિકેટ ટીમને વેસ્ટ ઈન્ડીઝ સામેની વનડે અને ટી ૨૦ શ્રેણીનો ભાગ બનવું પડશે, તેથી તેઓ આઇપીએલમાં બાકીની મેચો રમી શકશે નહીં, પરંતુ જાસને ચોક્કસપણે ત્રણ વધુ મેચો મળશે. આવી સ્થિતિમાં, ગુજરાતના ત્રણેય બેટ્સમેન ૬૦૦નો આંકડો પાર કરે તેવી પણ શક્યતા છે. આ બહુ મુશ્કેલ કાર્ય નથી. ગુજરાતની ટીમ ટૂંકા વિરામ પછી ફરી મેદાનમાં ઉતરશે ત્યારે કેવું પ્રદર્શન કરશે તે જાવાનું બાકી છે.
