ખાંભા તાલુકાના નાનુડી ગામમાંથી એક દુઃખદ ઘટના સામે આવી હતી, જ્યાં એક સગીરાએ અગમ્ય કારણોસર ગળેફાંસો ખાઈને જીવન ટૂંકાવ્યું હતું. પ્રાપ્ત માહિતી અનુસાર, ખાંભાના નાનુડી ગામમાં રહેતી એક સગીરાએ પોતાના ઘરે ગળાફાંસો ખાઈને આત્મહત્યા કરી લીધી હતી. આ ઘટનાની જાણ થતાં જ પરિવારજનોમાં શોકનું મોજું ફરી વળ્યું હતું. સગીરાએ કયા કારણોસર આ અંતિમ પગલું ભર્યું, તે અંગેની કોઈ ચોક્કસ માહિતી હજુ સુધી પ્રાપ્ત થઈ નથી. ઘટનાની જાણ થતાં જ સ્થાનિક પોલીસ ઘટનાસ્થળે દોડી આવી હતી. પોલીસે મૃતદેહને પોસ્ટમોર્ટમ માટે ખસેડીને અકસ્માત મૃત્યુ અંગેનો ગુનો નોંધીને કાયદેસરની કાર્યવાહી હાથ ધરી હતી. સગીરાના આત્મહત્યા પાછળનું સાચું કારણ જાણવા માટે પોલીસે વધુ તપાસ શરૂ કરી હતી.
