પશ્ચિમ બંગાળમાં લગભગ ૩૨,૦૦૦ પ્રાથમિક શાળાના શિક્ષકોને મોટી રાહત મળી છે. કોલકાતા હાઈકોર્ટની ડિવિઝન બેન્ચે ન્યાયાધીશ અભિજીત ગંગોપાધ્યાયની આગેવાની હેઠળની સિંગલ બેન્ચના નિર્ણયને ઉલટાવી દીધો છે. કોલકાતા હાઈકોર્ટે ૨૦૧૪ના કેશ-ફોર-જાબ ભરતી કૌભાંડ કેસમાં ૩૨,૦૦૦ પ્રાથમિક શાળાના શિક્ષકોની નિમણૂકો રદ કરવાના સિંગલ બેન્ચના આદેશને રદ કર્યો છે. ન્યાયાધીશ અભિજીત ગંગોપાધ્યાયની સિંગલ બેન્ચે અગાઉ ૨૦૨૩ પ્રાથમિક શિક્ષકોની નિમણૂકો રદ કરવાનો આદેશ આપ્યો હતો.
શિક્ષણ મંત્રી બ્રત્ય બાસુએ આ બાબતે સોશિયલ મીડિયા પ્લેટફોર્મ ઠ પર પોસ્ટ કરી. તેમણે લખ્યું, “માનનીય હાઈકોર્ટની ડિવિઝન બેન્ચ દ્વારા આજે આપવામાં આવેલા નિર્ણયને ધ્યાનમાં રાખીને, હું પ્રાથમિક શિક્ષણ બોર્ડને અભિનંદન આપું છું. હાઈકોર્ટની સિંગલ બેન્ચનો નિર્ણય રદ કરવામાં આવ્યો છે. ૩૨,૦૦૦ પ્રાથમિક શાળાના શિક્ષકોની નોકરીઓ સંપૂર્ણપણે સુરક્ષિત છે. શિક્ષકોને પણ મારી શુભેચ્છાઓ. સત્યનો વિજય થયો છે.”
એ નોંધવું જોઈએ કે ડબ્લ્યુબીટીઇટી પહેલીવાર ૨૦૧૪માં યોજાઈ હતી, અને આશરે ૧.૨૫ લાખ ઉમેદવારોએ ટીઇટી પરીક્ષા પાસ કરી હતી. ભરતી પ્રક્રિયા ૨૦૧૬ માં શરૂ થઈ હતી, અને ૪૨,૯૪૯ લોકોને નોકરીઓ ઓફર કરવામાં આવી હતી.
