કોંગ્રેસ નેતા મણિશંકર ઐયરે પહેલગામ હુમલા અને ઓપરેશન સિંદૂર પછી વિદેશ ગયેલા પ્રતિનિધિમંડળ પર સરકારને ઘેરી લીધી છે. તેમણે કહ્યું કે કોઈ પણ દેશ, અમેરિકા અને સંયુક્ત રાષ્ટ્ર પણ નહીં, પહેલગામ હુમલા માટે પાકિસ્તાન જવાબદાર હોવાનું કહેતો નથી. ફક્ત આપણે જ એવું કહીએ છીએ.
કોંગ્રેસના નેતા મણિશંકર ઐયરે કહ્યું કે થરૂર અને તેમની ટીમે મુલાકાત લીધેલા ૩૩ દેશોમાંથી કોઈએ પણ પહેલગામ આતંકવાદી હુમલા માટે પાકિસ્તાનને જવાબદાર ઠેરવ્યું નથી. સંયુક્ત રાષ્ટ્ર કે અમેરિકાએ પાકિસ્તાનને જવાબદાર ઠેરવ્યું નથી. અમે જ કહી રહ્યા છીએ કે આ પાછળ પાકિસ્તાનનો હાથ છે, પરંતુ કોઈ પણ અમારા પર વિશ્વાસ કરવા તૈયાર નથી. અમે એવા કોઈ પુરાવા રજૂ કરી શક્યા નથી જેનાથી લોકોને વિશ્વાસ થાય કે કઈ પાકિસ્તાની એજન્સીએ આ કૃત્ય કર્યું છે.અગાઉ, રાજ્યસભામાં ઓપરેશન સિંદૂર પર ચર્ચા દરમિયાન, કોંગ્રેસના નેતા પી ચિદમ્બરમે કહ્યું હતું કે દુનિયાએ આતંકવાદની નિંદા કરી હતી, પરંતુ કોઈએ પાકિસ્તાનનું નામ લીધું ન હતું. તેમણે કહ્યું કે પહેલગામ હુમલા પછી, આખી દુનિયાએ આતંકવાદની નિંદા કરી હતી અને ભારતમાં પીડિતો પ્રત્યે સહાનુભૂતિ વ્યક્ત કરી હતી, પરંતુ કોઈ પણ દેશે પાકિસ્તાનનું નામ લઈને ટીકા કરી ન હતી.
ભૂતપૂર્વ કેન્દ્રીય મંત્રીએ કહ્યું કે પાકિસ્તાન લાંબા સમયથી આતંકવાદને પ્રોત્સાહન આપી રહ્યું છે, પરંતુ ભારતમાં થયેલા ઘણા હુમલાઓમાં સ્થાનિક આતંકવાદીઓ પણ સામેલ હતા. તેમણે કહ્યું કે ઘણી વખત પાકિસ્તાનથી મોકલવામાં આવેલા આતંકવાદીઓ અને દેશની અંદર પોષાયેલા આતંકવાદીઓ સાથે કામ કરે છે.તે જ સમયે, કોંગ્રેસના નેતા રાહુલ ગાંધીએ લોકસભામાં પણ કહ્યું કે સરકારે એવું કહ્યું નથી કે પહેલગામ પછી એક પણ દેશે પાકિસ્તાનની નિંદા કરી નથી. બધાએ આતંકવાદની નિંદા કરી છે. આનાથી સ્પષ્ટ થાય છે કે બધા દેશોએ અમને પાકિસ્તાનની બરાબરી પર રાખ્યા છે. વિદેશ મંત્રી અને સંરક્ષણ મંત્રી કહે છે કે અમે પાકિસ્તાનને રોક્્યું છે, પરંતુ પાકિસ્તાનના જનરલ મુનીર અમેરિકામાં લંચ કરી રહ્યા છે. વડાપ્રધાને આ અંગે કંઈ કહ્યું નહીં.
