મહારાષ્ટ પ્રદેશ કોંગ્રેસના પ્રમુખ હર્ષવર્ધન સપકલે દેશમાં પેટ્રોલ, ડીઝલ અને ગેસ સિલિન્ડરની અછત અંગે કેન્દ્ર સરકાર પર આકરા પ્રહારો કર્યા છે. તેમનું કહેવું છે કે દેશમાં ઇંધણ સંકટ વાસ્તવિક છે. જાકે, સરકાર આ વાત સ્વીકારી રહી નથી અને કોંગ્રેસ પર અફવાઓ ફેલાવવાનો આરોપ લગાવી રહી છે, જે સંપૂર્ણપણે ખોટું છે.
સપકલે વડા પ્રધાન નરેન્દ્ર મોદી પર સીધો પ્રહાર કરતા કહ્યું કે જા કોઈએ ભયનું વાતાવરણ ઉભું કર્યું હોય તો તે ખુદ વડા પ્રધાન છે. તેમણે કહ્યું કે સંસદમાં સંભવિત લોકડાઉન અને કોવિડ-૧૯ પરિસ્થતિનો ઉલ્લેખ કરીને લોકો ડરી ગયા હતા, તેથી તેમની સામે હ્લૈંઇ દાખલ થવી જાઈએ. તેમણે સ્પષ્ટપણે કહ્યું કે દેશમાં પેટ્રોલ, ડીઝલ અને ગેસ સિલિન્ડરની અછત છે, અને કોંગ્રેસ કોઈ ભ્રમ ફેલાવી રહી નથી.
કોંગ્રેસ નેતાએ નક્સલમુક્ત ભારતના મુદ્દા પર કેન્દ્ર સરકાર પર પણ ગંભીર આરોપો લગાવ્યા. તેમણે કહ્યું કે કેન્દ્રીય ગૃહમંત્રી અમિત શાહ અને કેન્દ્ર સરકાર તેમના મૂડીવાદી મિત્રોના હિતોની સેવા કરવા માટે નક્સલ પ્રભાવિત વિસ્તારોમાં જઈ રહ્યા છે. તેમણે આરોપ લગાવ્યો કે નક્સલવાદને નાબૂદ કરવાના નામે સ્થાનિક લોકો પાસેથી જમીન છીનવીને ત્યાં ખાણકામ અને ઔદ્યોગિક પ્રોજેક્ટ્સને પ્રોત્સાહન આપવામાં આવી રહ્યું છે.
સપકલે આગામી બારામતી અને રાહુરી પેટાચૂંટણીઓ પર પણ પોતાનું વલણ સ્પષ્ટ કર્યું. તેમણે કહ્યું કે બંને બેઠકો અગાઉ રાષ્ટ્રીયવાદી કોંગ્રેસ પાર્ટી પાસે હતી. તેમણે કહ્યું કે જા શરદ પવારની પાર્ટી આ બેઠકો પર ચૂંટણી નહીં લડે તો કોંગ્રેસ ઉમેદવાર ઉભા રાખી શકે છે. વિધાન પરિષદની ચૂંટણીઓ અંગે તેમણે કહ્યું કે વિપક્ષી ગઠબંધનમાં સામેલ ત્રણ પક્ષો પરસ્પર ચર્ચા બાદ એક વિધાન પરિષદની બેઠક પર અંતિમ નિર્ણય લેશે. જાકે, તેમણે એમ પણ કહ્યું કે કોંગ્રેસ તે બેઠક પર ચૂંટણી લડવા માંગે છે.
વધુમાં, એનસીપી અજિત પવારનો આરોપ કે રોહિત પવારે અજિત પવારની પાર્ટીમાં તિરાડ પાડવા અને પાર્ટીને બદનામ કરવા માટે ૫ કરોડ રૂપિયાનો કોન્ટ્રાક્ટ આપ્યો હતો. આ અંગે કોંગ્રેસના નેતાએ કહ્યું કે અજિત પવારના વિમાન દુર્ઘટનામાં કાવતરું હતું કે નહીં તે પ્રશ્ન ગંભીર છે. તેમણે પ્રશ્ન કર્યો કે શું સત્યને દબાવવા માટે આવા આરોપો લગાવવામાં આવી રહ્યા છે.
જૈન મુનિ પદ્મસાગરના નિવેદનનો જવાબ આપતા સપકલે કહ્યું કે છત્રપતિ શિવાજી મહારાજ એક એવા શાસક હતા જેમણે જાતિ અને ધર્મથી પર રહીને બધાને સાથે રાખ્યા હતા, તેથી તેમના નામે કોઈ રાજકારણ ન હોવું જાઈએ.
