ટી૨૦ ત્રિકોણીય શ્રેણી ૧૪ જુલાઈથી ઝિમ્બાબ્વેની રાજધાની હરારેમાં શરૂ થવાની છે. આના એક દિવસ પહેલા, ન્યુઝીલેન્ડ ટીમમાં મોટો ફેરફાર જોવા મળ્યો છે. ન્યુઝીલેન્ડે ઝિમ્બાબ્વે અને દક્ષિણ આફ્રિકા સામેની આગામી ત્રિકોણીય શ્રેણી માટે ન્યુઝીલેન્ડ ટીમમાં ડેવોન કોનવે, મિશેલ હે, જીમી નીશમ અને ટિમ રોબિન્સનનો સમાવેશ કર્યો છે. કોનવે એક વર્ષ પછી ટી ૨૦ રમતો જોવા મળશે. તેણે જૂન ૨૦૨૪ માં ટી ૨૦ વર્લ્ડ કપમાં પીએનજી સામે તેની છેલ્લી ટી ૨૦ મેચ રમી હતી.
વિકેટકીપર-બેટ્સમેન કોનવે આખી ટી ૨૦ શ્રેણી માટે ઇજાગ્રસ્ત ફિન એલનની જગ્યાએ લેશે. એલનને આ અઠવાડિયાની શરૂઆતમાં પગની ઇજાને કારણે બહાર કરવામાં આવ્યો હતો. ૧૪ જુલાઈએ મેજર લીગ ક્રિકેટ ટુર્નામેન્ટની ફાઇનલમાં ભાગ લેનારા માઈકલ બ્રેસવેલ, માર્ક ચેપમેન, ગ્લેન ફિલિપ્સ અને રચિન રવિન્દ્રના વધારાના કવર તરીકે હે, નીશમ અને રોબિન્સનને ટીમમાં સામેલ કરવામાં આવ્યા છે.
ન્યુઝીલેન્ડના મુખ્ય કોચ રોબ વોલ્ટરે કહ્યું કે તેઓ એલન માટે દુઃખી છે. વોલ્ટરે કહ્યું કે અમે ફિન માટે ખૂબ દુઃખી છીએ. તેમની સાથે કામ કરવા અને સ્ન્ઝ્ર તરફથી તેમનું શાનદાર ફોર્મ ચાલુ રાખવા માટે ઉત્સુક હતા, પરંતુ કમનસીબે ઇજાઓ થઈ. અમે ભાગ્યશાળી છીએ કે ફિનની જગ્યાએ ડેવોન જેવો ખેલાડી ટીમમાં છે.
વોલ્ટરે કહ્યું કે તે ટીમનો વિસ્તાર કરવા માટે તૈયાર છે. તેમણે કહ્યું કે તેઓ જાણતા હતા કે ૧૪ જુલાઈના રોજ સ્ન્ઝ્ર ફાઇનલમાં કેટલાક ખેલાડીઓ સામેલ થવાની શક્્યતા છે, તેથી અમે સંભવિત રિપ્લેસમેન્ટ તરીકે મિશેલ, જીમી અને ટિમનો ટીમમાં સમાવેશ કરી રહ્યા છીએ. ન્યુઝીલેન્ડ ટીમ ૧૬ જુલાઈએ હરારેમાં ત્રિકોણીય શ્રેણીની પોતાની પહેલી મેચમાં દક્ષિણ આફ્રિકા સામે ટકરાશે.
ટી૨૦આઈ ત્રિકોણીય શ્રેણીનો સંપૂર્ણ સમયપત્રક
૧૪ જુલાઈ – ઝિમ્બાબ્વે વિરુદ્ધ દક્ષિણ આફ્રિકા
૧૬ જુલાઈ – દક્ષિણ આફ્રિકા વિરુદ્ધ ન્યુઝીલેન્ડ
૧૮ જુલાઈ – ઝિમ્બાબ્વે વિરુદ્ધ ન્યુઝીલેન્ડ
૨૦ જુલાઈ – ઝિમ્બાબ્વે વિરુદ્ધ દક્ષિણ આફ્રિકા
૨૨ જુલાઈ – ન્યુઝીલેન્ડ વિરુદ્ધ દક્ષિણ આફ્રિકા
૨૪ જુલાઈ – ઝિમ્બાબ્વે વિરુદ્ધ ન્યુઝીલેન્ડ
૨૬ જુલાઈ – ફાઇનલ
ન્યુઝીલેન્ડ ટીમઃ મિશેલ સેન્ટનર (કેપ્ટન), માઈકલ બ્રેસવેલ, માર્ક ચેપમેન, જેકબ ડફી, જેક ફોલ્કેસ, મેટ હેનરી, બેવોન જેકોબ્સ, એડમ મિલ્ને, ડેરિલ મિશેલ, વિલ ઓ’રોર્ક, ગ્લેન ફિલિપ્સ, રચિન રવિન્દ્ર, ટિમ સીફર્ટ, ઈશ સોઢી, ડેવોન કોનવે, મિશેલ હે, જીમી નીશમ અને ટિમ રોબિન્સન.
