બિહારમાં યોજાનારી વિધાનસભા ચૂંટણી માટે રાજકીય શતરંજ બિછાવવાનું શરૂ થઈ ગયું છે. આરજેડી નેતા તેજસ્વી યાદવે અસદુદ્દીન ઓવૈસીની પાર્ટી ઓલ ઈન્ડિયા મજલિસ-એ-ઇત્તેહાદુલ મુસલમીનની બિહાર ચૂંટણીઓ વિપક્ષી ઈન્ડિયા એલાયન્સ સાથે ગઠબંધન કરીને લડવાની આશા પર પાણી ફેરવી દીધું છે. એઆઈએમઆઈએમએ ઈન્ડિયા એલાયન્સ સાથે ગઠબંધન કરીને બિહારમાં ચૂંટણી લડવાની ઇચ્છા વ્યક્ત કરી હતી, જેના માટે પ્રદેશ પ્રમુખ અખ્તરુલ ઈમાને આરજેડી વડા લાલુ પ્રસાદ યાદવને પત્ર લખ્યો છે. તેમ છતાં, લાલુ-તેજશ્વીએ ઓવૈસીની ઓફર સ્વીકારી ન હતી.
એઆઈએમઆઈએમ બિહારના પ્રદેશ પ્રમુખ અને ધારાસભ્ય અખ્તરુલ ઈમાને લાલુ પ્રસાદ યાદવને પત્ર લખીને કહ્યું હતું કે, જા ધર્મનિરપેક્ષ મતોને વિભાજીત થતા અટકાવવા હોય, તો મહાગઠબંધનમાં એઆઈએમઆઈએમનો સમાવેશ કરવો જરૂરી છે. તેમણે કહ્યું કે મતોના વિભાજનથી સાંપ્રદાયિક શક્તિઓને ફાયદો થાય છે. ૨૦૨૫ની ચૂંટણીમાં આને રોકવું પડશે. તેમણે એમ પણ કહ્યું કે એઆઈએમઆઈએમએ ૨૦૨૦ની વિધાનસભા ચૂંટણી અને ૨૦૨૪ની લોકસભા ચૂંટણીમાં પણ મહાગઠબંધનનો ભાગ બનવાનો પ્રયાસ કર્યો હતો, પરંતુ સફળ થયો નહીં. હવે પાર્ટી ફરીથી ગઠબંધનમાં જાડાઈને ચૂંટણી લડવા માંગે છે.
અખ્તરુલ ઈમાને બિહાર વિધાનસભા ચૂંટણીમાં ધર્મનિરપેક્ષ મતોના વિભાજનને રોકવા માટે વિનંતી કરીને ગઠબંધન વિશે વાત કરી છે.એઆઇએમઆઇએમએ રાજદ તેમજ કોંગ્રેસને પણ આ વાત કહી છે. અગાઉ, એઆઇએમઆઇએમ મૌખિક રીતે ગઠબંધન વિશે વાત કરી રહ્યું છે,રાજદ નેતા તેજસ્વી યાદવને ગઠબંધન માટે એઆઇએમઆઇએમ તરફથી કોઈ સીધો પ્રસ્તાવ મળ્યો નથી. આ પછી, અખ્તરુલ ઈમાને લાલુ યાદવને પત્ર લખીને ગઠબંધનની અપીલ કરી છે, ત્યારબાદ એઆઇએમઆઇએમ રાજદ અને કોંગ્રેસ તરફથી જવાબની રાહ જાઈ રહ્યું છે.
બિહારમાં અસદુદ્દીન ઓવૈસીની પાર્ટી ઇન્ડિયા એલાયન્સનો ભાગ બનવા માટે બેચેન છે, પરંતુ તેજસ્વી અને લાલુ યાદવ તૈયાર નથી. ઓવૈસી રાજ્યના તમામ નાના પક્ષો સાથે ત્રીજા મોરચો બનાવવાની પણ જાહેરાત કરી રહ્યા છે. તાજેતરમાં, અસદુદ્દીન ઓવૈસીની પાર્ટી સાથે જાડાણના પ્રશ્ન પર, તેજસ્વી યાદવે કહ્યું હતું કે કોઈ ઔપચારિક પ્રસ્તાવ આવ્યો નથી, બિહારમાં અમારું કોંગ્રેસ, ડાબેરી, સીપીઆઈ (એમએલ) અને વીઆઈપી પાર્ટી સાથે જાડાણ છે. આવી સ્થિતિમાં, એ સ્પષ્ટ છે કે ઇન્ડિયા એલાયન્સ ઓવૈસી સાથે મિત્રતા કરવા તૈયાર નથી.
અસદુદ્દીન ઓવૈસી બિહાર વિધાનસભા ચૂંટણીના મેદાનમાં ઉતરીને મુસ્લિમ મતોને પોતાના પક્ષમાં લાવીને ધર્મનિરપેક્ષ પક્ષોના રાજકીય રમતને બગાડી શકે છે. ૨૦૨૦ ની ચૂંટણીમાં, ઓવૈસીની પાર્ટીએ પાંચ બેઠકો જીતીને મહાગઠબંધનનું સમીકરણ બગાડ્યું હતું, પરંતુ આ વખતે રાજકીય પરિસ્થિતિ બદલાઈ ગઈ છે. આવી સ્થિતિમાં, જા મુસ્લિમ મતદારો ઓવૈસીને ટેકો ન આપે, તો પણ તે પોતાની રાજનીતિ દ્વારા મતોનું ધ્રુવીકરણ કરી શકે છે. ઓવૈસીના કારણે હિન્દુ મતો એક થવાનો પણ ભય છે, જેના કારણે તેજસ્વી યાદવ બિહારમાં એઆઇએમઆઇએમ સાથે હાથ મિલાવવાનું ટાળી રહ્યા છે.
જા બિહાર વિધાનસભા ચૂંટણીમાં ધર્મનિરપેક્ષ પક્ષો ઓવૈસી સાથે ચૂંટણી લડે છે, તો ભાજપ તેમના પર મુસ્લિમ-મૈત્રીપૂર્ણ અને કટ્ટરવાદી પક્ષ સાથે ઉભા રહેવાનો આરોપ પણ લગાવશે. આ જ કારણ છે કે ઇત્નડ્ઢ ઓવૈસી સાથે ગઠબંધન કરવાનું ટાળી રહ્યું છે. ૨૦૧૪ થી દેશની રાજકીય પેટર્ન બદલાઈ ગઈ છે. દેશમાં હવે સંપૂર્ણપણે બહુમતી સમાજ-કેન્દ્રિત રાજકારણ છે અને આ ફોર્મ્યુલા દ્વારા ભાજપ સતત ચૂંટણી જીતી રહી છે.
અસદુદ્દીન ઓવૈસીની છબી એક કટ્ટર મુસ્લિમ નેતા જેવી છે અને તેમના ભાષણો પણ સમાન છે. આવી સ્થિતિમાં, ઓવૈસી સાથે હાથ મિલાવવાથી મોટાભાગના મતદારોનું ધ્રુવીકરણ થશે. બિહારમાં ફક્ત મુસ્લિમ મતોની મદદથી સરકાર બનાવી શકાતી નથી. તેથી જ રાજદથી કોંગ્રેસ સુધી, કોઈ પણ ઓવૈસીની પાર્ટી સાથે ગઠબંધન કરવા માંગતું નથી. આ ઉપરાંત, ઓવૈસી સાથે હાથ મિલાવવાથી ભવિષ્યમાં તેજસ્વી અને કોંગ્રેસ બંને માટે રાજકીય ખતરો ઉભો થઈ શકે છે, જેના કારણે તેઓ ગઠબંધન માટે સહમત નથી.
