બોલિવૂડ અભિનેત્રી ઉર્વશી રૌતેલા કોઈને કોઈ કારણોસર હેડલાઇન્સમાં રહે છે. હવે ઉર્વશીએ દાવો કર્યો છે કે તાજેતરમાં લંડનના ગેટવિક એરપોર્ટ પરથી ૭૦ લાખ રૂપિયાના દાગીના ભરેલી તેની લક્ઝરી સુટકેસ ચોરાઈ ગઈ હતી. અભિનેત્રી એમ પણ કહે છે કે તે વિમ્બલ્ડન માટે શહેરમાં હતી ત્યારે તેની બેગ લગેજ બેલ્ટમાંથી ગાયબ થઈ ગઈ હતી. ઉર્વશીએ તેની બેગ શોધવાનો પ્રયાસ કર્યો, પરંતુ તે ક્યાય મળી નહીં.
ઉર્વશી વતી, તેની ટીમે એક નિવેદન જારી કરીને કહ્યું, “પ્લેટિનમ અમીરાત સભ્ય અને વિમ્બલ્ડનમાં હાજરી આપતી ગ્લોબલ આર્ટિસ્ટ તરીકે, મને એ જણાવતા ખૂબ જ દુઃખ થાય છે કે મુંબઈથી અમીરાતની ફ્લાઇટ પછી, લંડન ગેટવિક એરપોર્ટ પર બેગેજ બેલ્ટમાંથી અમારો ક્રિશ્ચિયન ડાયોર બ્રાઉન બેગ ચોરાઈ ગયો.” લંડન એરપોર્ટ પરથી ૭૦ લાખ રૂપિયાની દાગીનાની બેગ ચોરાઈ ગઈ માત્ર આટલું જ નહીં, નિવેદનમાં લખ્યું હતું કે, “અમારા સામાનના ટેગ અને ટિકિટ હોવા છતાં, બેગ સીધી બેલ્ટ વિસ્તારમાંથી ગાયબ થઈ ગઈ. એરપોર્ટ સુરક્ષાનો ખતરનાક ભંગ. આ ફક્ત ખોવાયેલી બેગનો મામલો નથી… તે બધા મુસાફરોની જવાબદારી, સલામતી અને આદરનો પણ પ્રશ્ન છે.” સૌંદર્ય સ્પર્ધાઓમાં પોતાની મજબૂત પૃષ્ઠભૂમિ ઉપરાંત, ઉર્વશી ઘણી બોલિવૂડ ફિલ્મોનો ભાગ રહી છે, જેમાં ‘સિંહ સાહબ ધ ગ્રેટ’, ‘સનમ રે’, ‘ગ્રેટ ગ્રાન્ડ મસ્તી’ અને ‘હેટ સ્ટોરી ૪’નો સમાવેશ થાય છે.
ઉર્વશીએ ‘લવ ડોઝ’ અને ‘બિજલી કી તાર’ જેવા મ્યુઝિક વીડિયોમાં પણ પોતાનો ગ્લેમર ઉમેર્યો છે. ઉર્વશી સોશિયલ મીડિયા પર ખૂબ જ સક્રિય છે. આ મહિનાની શરૂઆતમાં, ઉર્વશી રૌતેલાની માતાએ પણ તેના ભૂતપૂર્વ મેનેજર વેદિકા પ્રકાશ શેટ્ટી પર ચોરીનો આરોપ લગાવ્યો હતો. મીરા રૌતેલાએ દાવો કર્યો હતો કે વેદિકા ૨૦૧૫ થી ૨૦૧૭ સુધી ઉર્વશી સાથે પણ સંકળાયેલી હતી અને આ સમયગાળા દરમિયાન ચોરી અને છેતરપિંડીના અનેક કેસોમાં સંડોવાયેલી હતી.
ઉર્વશીની માતાએ દાવો કર્યો હતો કે, “વેદિકા પ્રકાશ શેટ્ટીએ ૨૦૧૫-૨૦૧૭ દરમિયાન મારી પુત્રી માટે ૨૪/૭ એક્જ્ક્યુટીવ આસિસ્ટન્ટ તરીકે કામ કર્યું હતું. લાસ વેગાસમાં મિસ યુનિવર્સ સ્પર્ધામાંથી પાછા ફર્યા પછી અને પછી ૨૦૧૬ માં જ્યારે તેણીને મિસ યુનિવર્સ ઇન્ડીયા તાજ પહેરાવવામાં આવ્યો ત્યારે ઉર્વશીને મદદ કરવા માટે તેને રાખવામાં આવી હતી. આ સમય દરમિયાન, તેણીને ઉર્વશીના કપડાં, ભારે ગાઉન અને અંગત સામાન સહિત અનેક જવાબદારીઓ સોંપવામાં આવી હતી. જા કે, અમને ટૂંક સમયમાં જ ખબર પડી કે તેણીએ ચોરી અને છેતરપિંડીના ઘણા કૃત્યો કર્યા છે.”
