અનંત અંબાણી અને રાધિકા મર્ચન્ટના લગ્નની ભવ્યતા સતત પ્રકાશિત રહે છે. આ શાહી લગ્નની ચમક હજુ ઓછી થઈ નથી, કારણ કે તેમાં ભારત અને વિદેશના ઘણા મોટા સ્ટાર્સે હાજરી આપી હતી. આ શાહી લગ્નની વ્યાપક ચર્ચા થઈ હતી, અને હવે રાજસ્થાનના ઉદયપુરમાં યોજાઈ રહેલા બીજા શાહી લગ્ને દરેકનું ધ્યાન ખેંચ્યું છે. અમે વાત કરી રહ્યા છીએ ફાર્માસ્યુટિકલ દિગ્ગજ રામા રાજુ મેન્ટેનાની પુત્રી નેત્રા મેન્ટેના અને વામસી ગદીરાજુના લગ્ન વિશે, જે વિશ્વભરમાં ધ્યાનનો વિષય બન્યો છે. લગ્નમાં ઘણી બોલીવુડ હસ્તીઓએ હાજરી આપી હતી, જ્યારે ટ્રમ્પ જુનિયર પણ હાજર રહ્યા હતા, અને પોપ સ્ટાર જેનિફર લોપેઝે પણ આ શાહી લગ્નમાં પોતાના પરફોર્મન્સથી બધાને નાચવા માટે પ્રેરિત કર્યા હતા.પોપ સ્ટાર જેનિફર લોપેઝે પણ નેત્રા મેન્ટેના અને વામસી ગદીરાજુના ભવ્ય લગ્નમાં અદભુત પરફોર્મન્સ આપ્યું હતું, જેનો એક વીડિયો હાલમાં સોશિયલ મીડિયા પર ટ્રેન્ડ કરી રહ્યો છે. વીડિયોમાં, જેનિફર ચમકતા બોડીસુટમાં, તેનું હિટ ગીત “ગેટ ઓન ધ ફ્લોર” ગાતી જાઈ શકાય છે, જ્યારે બધા તેના સૂર પર નાચતા હોય છે. જેનિફરના પરફોર્મન્સની સોશિયલ મીડિયા પર ખૂબ ચર્ચા થઈ રહી છે. જાકે, ઘણા લોકોને ભારતીય લગ્ન માટે જેનિફરનો પોશાક ગમ્યો નહીં. જાકે જેનિફરે ભારતીય લગ્નની થીમ ધ્યાનમાં રાખીને, આ કાર્યક્રમમાં ઇન્ડો-વેસ્ટર્ન પોશાક પહેર્યો હતો, તેના કેટલાક ફોટા સામે આવ્યા છે.આ ફોટામાં, જેનિફર રામા રાજુ મેન્ટેના સાથે પોઝ આપી રહી છે. તેણીએ સિક્વક્વન વર્ક સાથે ગોલ્ડન ટોનની સાડી પહેરી હતી. જેનિફરનો લુક એકદમ શાહી હતો. તેણીએ તેને એવી રીતે ડ્રેપ કર્યો હતો કે તે ભારતીય ફ્યુઝન જેવો દેખાતો હતો. જેનિફરે ચોકર, મેચિંગ ઇયરિંગ્સ અને બ્રેસલેટ સાથે પોતાનો લુક પૂર્ણ કર્યો. નેત્રાના પિતા, ઉદ્યોગપતિ રામા રાજુ મન્ટેના સાથેના તેના ફોટા સોશિયલ મીડિયા પર વાયરલ થઈ રહ્યા છે.૨૧ નવેમ્બરથી ૨૪ નવેમ્બર સુધી ચાલેલા આ સેલિબ્રેશનમાં ઘણા બોલિવૂડ સ્ટાર્સે પણ પરફોર્મ કર્યું હતું. સારા અલી ખાન, જાહ્નવી કપૂર, વરુણ ધવન, કૃતિ સેનન, કરણ જાહર અને માધુરી દીક્ષિત સહિત ઘણા સ્ટાર્સે આ કાર્યક્રમમાં હાજરી આપી હતી, જેમના ફોટા અને વીડિયો સોશિયલ મીડિયા પર ખૂબ જ પ્રસારિત થયા હતા. ડોનાલ્ડ ટ્રમ્પના પુત્ર, ટ્રમ્પ જુનિયર પણ શાહી લગ્નનો ભાગ હતા. તેમણે પોતાની ગર્લફ્રેન્ડ સાથે આ કાર્યક્રમમાં હાજરી આપી હતી.
