ઈરાની અધિકારીઓએ જાહેર આરોગ્ય, સામાજિક વ્યવસ્થા અને સુરક્ષા ચિંતાઓને ટાંકીને દેશના ઘણા શહેરોમાં જાહેર સ્થળોએ કૂતરાઓને ચાલવા પર પ્રતિબંધ મૂક્યો છે. તેહરાન સ્થિત ફરાઝ ન્યૂઝના અહેવાલ મુજબ, જે શહેરોમાં પ્રતિબંધ લાદવામાં આવ્યો છે તેમાં કરમાનશાહ, ઇલામ, હમાદાન, કરમાન, બોરુજાર્ડ, રોબત કરીમ, લવસનાત અને ગોલેસ્તાનનો સમાવેશ થાય છે. સમાન પ્રતિબંધો સૌપ્રથમ ૨૦૧૯ માં રાજધાની તેહરાનમાં લાદવામાં આવ્યા હતા.
ઈરાની અધિકારીઓનો દાવો છે કે ચાલતા કૂતરાઓ લોકોના સ્વાસ્થ્ય પર ગંભીર અસર કરે છે. તેઓ એવો પણ દલીલ કરે છે કે ચાલતા કૂતરાઓ સુરક્ષા સમસ્યાઓનું કારણ બની શકે છે. જા કે, તેમણે આ ચિંતાઓ વિશે કોઈ ચોક્કસ માહિતી આપી નથી. અહેવાલ મુજબ, અધિકારીઓ પ્રતિબંધનું ઉલ્લંઘન કરનારા કૂતરા માલિકો સામે કાર્યવાહી કરી રહ્યા છે. લોકો અધિકારીઓ સામે પણ વિરોધ કરી રહ્યા છે.
ઈરાની અખબાર એતેમાદે ઇલામ શહેરના એક અધિકારીને ટાંકીને કહ્યું કે “ઉલ્લંઘન કરનારાઓ સામે કાનૂની કાર્યવાહી કરવામાં આવશે.” ઈરાનના સરકારી અખબારે અહેવાલ આપ્યો છે કે નવા પગલાં જાહેર વ્યવસ્થા જાળવવા, સુરક્ષા સુનિશ્ચિત કરવા અને જાહેર આરોગ્યનું રક્ષણ કરવાના હેતુથી લેવામાં આવ્યા છે. ઉત્તરપશ્ચિમ ઈરાનના અરદાબિલ પ્રાંતના અધિકારી મુઝફ્ફર રેઝાઈએ જણાવ્યું હતું કે જો લોકો પાર્ક, જાહેર સ્થળોએ કૂતરાઓને ફરતા જાવા મળશે અથવા તેમને તેમના વાહનો પર લઈ જશે, તો તેમને પરિણામ ભોગવવા પડશે.
આ દરમિયાન, અમે તમને અહીં એ પણ જણાવી દઈએ કે ૧૯૭૯ની ઇસ્લામિક ક્રાંતિથી ઈરાનમાં કૂતરાને પાળવા અને ફરવા પર પ્રતિબંધ મૂકવાનો કોઈ કાયદો નથી. ઘણા ધાર્મિક વિદ્વાનો માને છે કે કૂતરાઓને પ્રેમ કરવો અથવા તેમના લાળના સંપર્કમાં આવવું ધાર્મિક રીતે અશુદ્ધ છે.
