ઈન્ફોર્સમેન્ટ ડિરેક્ટોરેટ એટલે કે ઈડીએ છત્તીસગઢના ભૂતપૂર્વ મુખ્યમંત્રી ભૂપેશ બઘેલના પુત્ર ચૈતન્ય બઘેલના નિવાસસ્થાને દરોડા પાડ્યા છે.ઇડીએ ચૈતન્યની ધરપકડ કરી છે મળતી માહિતી મુજબ, દારૂ કૌભાંડ કેસ સાથે જોડાયેલા સંદર્ભમાં ઈડી આ કાર્યવાહી કરી રહી છે. મળતી માહિતી મુજબ, ઈડી ટીમ પૂર્વ મુખ્યમંત્રી ભૂપેશ બઘેલના ભિલાઈ નિવાસસ્થાને પહોંચી હતી. ઈડી ટીમ ૩ વાહનોમાં પહોંચી હતી.સીઆરપીએફ જવાનો પણ સ્થળ પર હાજર રહ્યાં હતાં ઈડી દ્વારા ઘરમાં તપાસ કરવામાં આવી હતી
છત્તીસગઢમાં દારૂ કૌભાંડની તપાસમાં એન્ફોર્સમેન્ટ ડિરેક્ટોરેટ (ઈડી) દ્વારા એક મોટો ખુલાસો થયો છે. તપાસમાં બહાર આવ્યું છે કે રાજ્યમાં એક સંગઠિત દારૂ સિન્ડીકેટ કાર્યરત હતું, જેમાં અનવર ઢેબર, અનિલ તુટેજા અને અન્ય ઘણા લોકોનો સમાવેશ થાય છે. આ કૌભાંડથી લગભગ ૨૧૬૧ કરોડ રૂપિયાની ગેરકાયદેસર કમાણી (ગુનાની આવક) થઈ હતી. ઈડીની તપાસમાં એ પણ ખુલાસો થયો છે કે તત્કાલીન આબકારી મંત્રી કવાસી લખમાને આ કૌભાંડમાંથી દર મહિને મોટી રોકડ રકમ આપવામાં આવતી હતી. આ રકમ કૌભાંડમાંથી થયેલી કમાણીમાંથી આપવામાં આવી હતી. આ કૌભાંડ ૨૦૧૯ થી ૨૦૨૨ ની વચ્ચેનું છે. આમાં અલગ અલગ રીતે ગેરકાયદેસર કમાણી કરવામાં આવી હતી.
દારૂની ખરીદી પર કમિશન દીઠ કેસ તરીકે ડિસ્ટીલર્સ (દારૂ બનાવતી કંપનીઓ) પાસેથી લાંચ લેવામાં આવી હતી. આ દારૂ સીએસએમસીએલ (છત્તીસગઢ સ્ટેટ માર્કેટિંગ કોર્પોરેશન) દ્વારા ખરીદવામાં આવ્યો હતો. રાજ્યની સરકારી દુકાનોમાંથી કાચો દેશી દારૂ કોઈપણ રેકોર્ડ વિના વેચવામાં આવતો હતો. આ વેચાણમાંથી સરકારને એક રૂપિયો પણ મળ્યો ન હતો, બધા પૈસા સિન્ડીકેટના ખિસ્સામાં ગયા હતા. ડિસ્ટીસ્ટલર્સ પાસેથી લાંચ લેવામાં આવી હતી અને તેમને નિશ્ચિત બજાર શેર આપવામાં આવ્યા હતા, જેથી તેઓ એક રીતે કાર્ટેલ બનાવી શકે. આ સાથે, વિદેશી દારૂના વ્યવસાયમાં પ્રવેશ આપવાના બદલામાં એફએલ-૧૦એ લાઇસન્સ ધારકો પાસેથી પણ મોટી રકમ વસૂલવામાં આવી હતી. આ કેસમાં, ઈડીએ અત્યાર સુધીમાં લગભગ ૨૦૫ કરોડ રૂપિયાની મિલકતો જપ્ત કરી છે.
ભૂપેશ બઘેલ અથવા તેમના પરિવાર સામે ઈડી દ્વારા આ કાર્યવાહી કરવામાં આવી હોય તેવી આ પહેલી ઘટના નથી. માર્ચ ૨૦૨૫ની શરૂઆતમાં, ઈડીએ દુર્ગ જિલ્લામાં ચૈતન્ય બઘેલના ઘર અને તેમના નજીકના સહયોગી લક્ષ્મી નારાયણ બંસલ ઉર્ફે પપ્પુ બંસલ સાથે જોડાયેલી મિલકતો સહિત ૧૪ સ્થળોએ દરોડા પાડ્યા હતા. આ દરોડામાં રોકડ રકમ જપ્ત કરવામાં આવી હતી અને નોટ ગણવાના મશીનોનો ઉપયોગ કરવામાં આવ્યો હતો.
