ઇન્ડોનેશિયામાં એક શક્તિશાળી ભૂકંપ આવ્યો, જેનાથી ગભરાટ ફેલાયો. ૭.૪ ની તીવ્રતાના શક્તિશાળી ભૂકંપથી વ્યાપક ગભરાટ ફેલાયો. યુએસ જીઓલોજિકલ સર્વે અનુસાર, ભૂકંપનું કેન્દ્ર મોલુક્કા સમુદ્રમાં હતું, જે સપાટીથી લગભગ ૩૫ કિલોમીટર નીચે હતું. તીવ્ર ભૂકંપ બાદ સુનામીની ચેતવણી જારી કરવામાં આવી છે. દરમિયાન, ઉત્તર સુલાવેસી પ્રાંતના માનાડો શહેરમાં એક ઇમારત ધરાશાયી થતાં એક વ્યક્તિનું મોત થયું હતું અને અન્ય એક ઘાયલ થયો હતો.
યુએસ સુનામી ચેતવણી પ્રણાલી કહે છે કે ભૂકંપ બાદ સુનામીના મોજા પડોશી દેશોમાં પહોંચી શકે છે. પૂર્વી ઇન્ડોનેશિયામાં ટર્નેટ શહેરના કિનારે ઉત્તર મોલુક્કા સમુદ્રમાં આવેલા ભૂકંપને કારણે નજીકના ટાપુઓ માટે સુનામી ચેતવણી જારી કરવામાં આવી છે. યુએસ સુનામી ચેતવણી પ્રણાલી અનુસાર, ભૂકંપના કેન્દ્રથી ૧,૦૦૦ કિલોમીટરની ત્રિજ્યામાં ઇન્ડોનેશિયા, ફિલિપાઇન્સ અને મલેશિયાના દરિયાકાંઠે ખતરનાક સુનામીના મોજા પહોંચવાની ધારણા છે.ગુરુવારે સવારે કેન્દ્રશાસિત પ્રદેશ લદ્દાખના લેહ વિસ્તારમાં પણ ભૂકંપના આંચકા અનુભવાયા હતા. નેશનલ સેન્ટર ફોર સિસ્મોલોજી ના ડેટા અનુસાર, આજે વહેલી સવારે ભૂકંપ આવ્યો હતો.
રાષ્ટ્રીય રાજધાની દિલ્હીના ઉત્તરીય ભાગમાં પણ આજે સવારે હળવો ભૂકંપ અનુભવાયો હતો. જાકે, તેની તીવ્રતા ઓછી હોવાને કારણે, મોટાભાગના લોકો તેના પર ધ્યાન આપી શક્યા નહીં, અને કોઈ પણ પ્રકારના જાનમાલના નુકસાનના અહેવાલ નથી.
