૧૫ નવેમ્બર સુધીમાં દિલ્હીમાં કુલ ૨૧,૫૯૧ લોકો ગુમ થયાની જાણ થઈ છે, જેમાંથી ૧૩,૦૭૨ મહિલાઓ અને ૮,૫૧૯ પુરુષો છે. દિલ્હી પોલીસે મંગળવારે આ ડેટા જાહેર કર્યો. પોલીસનું કહેવું છે કે ગુમ થયેલા વ્યક્તિઓમાં મહિલાઓ અને છોકરીઓનો સમાવેશ થાય છે, અને નવેમ્બરના મધ્ય સુધીમાં નોંધાયેલા આવા કેસોમાં ૬૦ ટકા મહિલાઓ અને છોકરીઓનો સમાવેશ થાય છે.
પોલીસ ડેટા દર્શાવે છે કે ૧૫ ઓક્ટોબર સુધીમાં ગુમ થયેલા વ્યÂક્તઓની સંખ્યા ૧૯,૬૮૨ હતી, જેમાં એક જ મહિનામાં ૧,૯૦૯ વધુ કેસ ઉમેરાયા હતા, જે ૧૦ ટકાનો વધારો દર્શાવે છે. આ એક મહિનામાં, વધારાના ૧,૧૫૫ મહિલાઓ અને ૭૫૪ પુરુષો ગુમ થયાની જાણ કરી.
ડેટા અનુસાર, સૌથી નાની વય જૂથમાં, ૦ થી ૮ વર્ષની વયના બાળકોમાં, ૧૫ નવેમ્બર સુધીમાં કુલ ૩૩૯ ગુમ થયેલા કેસ નોંધાયા હતા, જેમાંથી ૧૩૬ (૪૦ ટકા) છોકરીઓ અને ૨૦૩ (૬૦ ટકા) છોકરાઓ હતા. પોલીસે આ શ્રેણીમાં ૧૯૨ બાળકો શોધી કાઢ્યા છે, જ્યારે ૧૪૭ હજુ પણ ગુમ છે.
૧૫ ઓક્ટોબરના ડેટાની તુલનામાં, જ્યારે આ વય જૂથમાં ૩૦૪ બાળકો ગુમ થયા હોવાનું નોંધાયું હતું, આ સંખ્યા ૩૫ કેસનો વધારો દર્શાવે છે. ગુમ થયેલી છોકરીઓની સંખ્યા ૧૨૪ થી વધીને ૧૩૬ થઈ ગઈ છે, જ્યારે ગુમ થયેલા છોકરાઓની સંખ્યા ૧૮૦ થી વધીને ૨૦૩ થઈ ગઈ છે. આ આંકડા દર્શાવે છે કે આઠ થી ૧૨ વર્ષની વયના ગુમ થયેલા બાળકોની સંખ્યામાં નોંધપાત્ર વધારો થયો છે.
૧૫ નવેમ્બર સુધીમાં, આ વય જૂથમાં ગુમ થયેલા વ્યક્તિઓના કુલ કેસોની સંખ્યા ૪૨૨ થઈ ગઈ છે, જેમાં ૧૪૩ છોકરીઓ (૩૪ ટકા) અને ૨૭૯ છોકરાઓ (૬૬ ટકા)નો સમાવેશ થાય છે. ૨૭ નવેમ્બરના રોજ અપડેટ કરાયેલા ડેટા અનુસાર, આમાંથી ૩૩૨ કેસ પોલીસે શોધી કાઢ્યા છે, જ્યારે ૯૦ હજુ પણ શોધી શકાયા નથી.
