અમરનાથ યાત્રા ૨૦૨૫ માટે સરકારની તૈયારીઓ ઉચ્ચ સ્તરે છે. તાજેતરમાં જમ્મુ અને કાશ્મીરના પહેલગામમાં આતંકવાદી હુમલો થયો હતો, જેમાં ૨૬ લોકોએ જીવ ગુમાવ્યા હતા. આવી સ્થિતિમાં, કેન્દ્ર સરકાર યાત્રાળુઓની સુરક્ષા અંગે કોઈ પણ પ્રકારનું જાખમ લેવા માંગતી નથી. સુરક્ષા એટલી કડક રહેશે કે એક પક્ષી પણ ઉડી શકશે નહીં. અમરનાથ યાત્રા દરમિયાન સેન્ટ્રલ સશ† પોલીસ દળની કુલ ૫૮૧ કંપનીઓ તૈનાત કરવામાં આવશે.
સુરક્ષા એજન્સીઓએ ૩ જુલાઈથી ૯ ઓગસ્ટ દરમિયાન યોજાનારી આ અમરનાથ યાત્રા માટે વિગતવાર અને હાઇટેક સુરક્ષા યોજના તૈયાર કરી છે.સીઆરપીએફ સૂત્રોના જણાવ્યા અનુસાર, આ વખતે યાત્રાનો સમયગાળો ઘટાડીને ૩૮ દિવસ કરવામાં આવ્યો છે, જે ગયા વર્ષે ૫૨ દિવસ હતો. આને ધ્યાનમાં રાખીને, સુરક્ષા તૈયારીઓ વધુ મજબૂત બનાવવામાં આવી છે. આ વખતે યાત્રા દરમિયાન સુરક્ષા દળોની કુલ ૫૮૧ કંપનીઓ ફરજ પર રહેશે.સીઆરપીએફ જમ્મુ અને કાશ્મીર પોલીસ અને સેનાના સંયુક્ત આયોજન હેઠળ, તમામ રૂટનું સુરક્ષા ઓડિટ કરવામાં આવ્યું છે. ડિજિટલ મેપિંગ દ્વારા મુસાફરોની અવરજવર પર નજર રાખવામાં આવશે. આ વખતે દરેક મુસાફર અને પોની રાઇડરનું ડિજિટલ ઓળખ કાર્ડ પણ બનાવવામાં આવશે, જેથી દરેક વ્યક્તિની ઓળખ સુનિશ્ચિત કરી શકાય.
યાત્રાના શાંતિપૂર્ણ અને સલામત સંચાલન અંગે સુરક્ષા એજન્સીઓએ તકેદારી વધારી છે. કેન્દ્ર અને રાજ્ય સરકારોની પ્રાથમિકતા એ છે કે શ્રદ્ધાળુઓ કોઈપણ ભય અને અવરોધ વિના પવિત્ર ગુફા સુધી પહોંચી શકે. શ્રી અમરનાથજી યાત્રા એ જમ્મુ અને કાશ્મીરના હિમાલયમાં લગભગ ૩,૮૮૮ મીટરની ઊંચાઈ પર સ્થિત ભગવાન શિવને સમર્પિત પવિત્ર અમરનાથ ગુફા મંદિરની વાર્ષિક હિન્દુ યાત્રા છે.
ગુફામાં કુદરતી રીતે બનેલું બરફનું શિવલિંગ છે, જેને ભગવાન શિવનું પ્રતીક માનવામાં આવે છે. દર વર્ષે લાખો ભક્તો તેને જાવા માટે આવે છે. આ યાત્રા સામાન્ય રીતે હિન્દુ કેલેન્ડર અનુસાર શ્રાવણ (જુલાઈથી ઓગસ્ટ) મહિનામાં શ્રી અમરનાથજી શ્રાઇન બોર્ડની દેખરેખ હેઠળ અને સુરક્ષા અને નાગરિક વહીવટના સંકલિત સમર્થન સાથે આયોજિત કરવામાં આવે છે.
