દિલ્હી લાલ કિલ્લા બોમ્બ વિસ્ફોટમાં સંડોવાયેલા આતંકવાદીઓની પૂછપરછમાં ચોંકાવનારા ખુલાસા થયા છે. ટોચના ગુપ્તચર સૂત્રોએ જણાવ્યું છે કે જૈશ-એ-મોહમ્મદએ પાંચ તબક્કામાં સમગ્ર આતંકવાદી કાવતરું તૈયાર કર્યું હતું. આતંકવાદીઓએ ઓગસ્ટમાં ભંડોળ એકત્ર કરવાથી લઈને ગનપાઉડર એકત્રિત કરવા અને લક્ષ્યોને નિશાન બનાવવા સુધીનો એક સંપૂર્ણ આતંકવાદી યોજના તૈયાર કરી હતી. એવું બહાર આવ્યું છે કે વિનાશક સામગ્રી રૂ. ૩ લાખમાં ખરીદવામાં આવી હતી. શ્રેણીબદ્ધ વિસ્ફોટો માટે રૂ. ૨.૬ લાખ એકત્ર કરવામાં આવ્યા હતા. યોજના ૬ ડિસેમ્બરે છ સ્થળોએ શ્રેણીબદ્ધ બોમ્બ વિસ્ફોટો કરીને દિલ્હી અને આસપાસના વિસ્તારોમાં ભય ફેલાવવાની હતી. જાકે, લાલ કિલ્લા પાસે વિસ્ફોટ થતાં જ કાવતરું ખુલી ગયું.અલ ફલાહ યુનિવર્સિટીના મકાન નંબર ૧૭નો રૂમ નંબર ૧૩ આ આતંકવાદીઓનું ગુપ્ત ઠેકાણું હતું, જ્યાં આદિલ, મુઝ્મીલ, ઉમર, શાહીન અને અન્ય સહયોગીઓ મળ્યા હતા. પુલવામાના મુઝ્મીલના આ રૂમમાં દિલ્હી અને ઉત્તર પ્રદેશના મુખ્ય સ્થળોને લક્ષ્ય તરીકે પસંદ કરવામાં આવ્યા હતા. યુનિવર્સિટી લેબમાંથી રસાયણો ચોરીને મુઝ્મીલના રૂમમાં લાવવાની યોજના પણ અહીં ઘડવામાં આવી હતી. ત્યાંથી અનેક ઇલેક્ટ્રોનિક ઉપકરણો અને પેનડ્રાઇવ મળી આવ્યા હતા. ત્યાંથી, રસાયણો ફરીદાબાદના ધૌજ અને ટાગા ગામોમાં પહોંચાડવામાં આવતા હતા. અહીં એમોનિયમ નાઇટ્રેટ અને અન્ય રસાયણોનો ઉપયોગ કરીને વિસ્ફોટકો બનાવવામાં આવતા હતા.
