યુએસ રાષ્ટ્રપતિ ડોનાલ્ડ ટ્રમ્પે એક મોટી અને ચોંકાવનારી જાહેરાત કરી છે. તેમણે જણાવ્યું હતું કે તેઓ યુદ્ધ સચિવ અને અન્ય સંબંધિત વિભાગો અને એજન્સીઓને એલિયન્સ, બહારની દુનિયાના જીવન, અજાણી હવાઈ ઘટના અને અજાણી ઉડતી વસ્તુઓ સંબંધિત સરકારી ફાઇલો ઓળખવા અને જાહેર કરવાની પ્રક્રિયા શરૂ કરવા નિર્દેશ આપશે.
ટ્રમ્પની આ ટિપ્પણી ભૂતપૂર્વ રાષ્ટ્રપતિ બરાક ઓબામાએ તાજેતરમાં એક પોડકાસ્ટ ઇન્ટરવ્યુમાં એલિયન્સ વિશે વાત કર્યા પછી આવી છે. ઓબામાએ કહ્યું હતું કે, “તેઓ વાસ્તવિક છે… પરંતુ મેં તેમને જાયા નથી, અને તેમને એરિયા ૫૧ માં રાખવામાં આવ્યા નથી.” ટ્રમ્પે ઓબામા પર વર્ગીકૃત માહિતી લીક કરવાનો આરોપ લગાવ્યો હતો. તેમણે તેને એક મોટી ભૂલ પણ ગણાવી હતી. ટ્રમ્પે કહ્યું હતું કે, “મને ખબર નથી કે તેઓ (એલિયન્સ) વાસ્તવિક છે કે નહીં, પરંતુ તેમણે (બરાક ઓબામા) વર્ગીકૃત માહિતી આપી હતી, જે તેમણે ન કરવી જાઈતી હતી.”
દરમિયાન, એ નોંધનીય છે કે વર્ષોથી, લોકો એલિયન્સ સંબંધિત વર્ગીકૃત સરકારી દસ્તાવેજાની માંગ કરી રહ્યા છે, ખાસ કરીને એરિયા ૫૧ અને જૂના પેન્ટાગોન અહેવાલો સંબંધિત માહિતી. તાજેતરના વર્ષોમાં, કોંગ્રેસે યુએપી પર સુનાવણી હાથ ધરી છે, અને કેટલાક વીડિયો બહાર પાડવામાં આવ્યા છે. ટ્રમ્પની પુત્રવધૂ લારા ટ્રમ્પે તાજેતરમાં જણાવ્યું હતું કે રાષ્ટÙપતિ પાસે એલિયન્સ અને અવકાશયાન પરના ભાષણનો ડ્રાફ્ટ તૈયાર છે, જે યોગ્ય સમયે આપવામાં આવશે.
આ બાબતે હાલમાં ઘણા સિદ્ધાંતો બનાવવામાં આવી રહ્યા છે. કેટલાક લોકો તેને એપ્સટિન ફાઇલ્સ અને અન્ય વિવાદોથી ધ્યાન હટાવવાનો પ્રયાસ પણ માને છે. ટ્રમ્પનું આ પગલું યુનાઇટેડ સ્ટેટ્સમાં પારદર્શિતાની તેમની નીતિનો ભાગ હોય તેવું લાગે છે, જે જાન એફ. કેનેડી હત્યા અને અન્ય ફાઇલો પરના તેમના કાર્ય જેવું જ છે. જા કે, ઓબામા અને હવે ટ્રમ્પના નિવેદનોએ ચોક્કસપણે વિશ્વભરમાં હલચલ મચાવી દીધી છે.
