અમરેલી જિલ્લાનું આર્થિક પછાતપણું દૂર કરવાના ધ્યેય સાથે પૂર્વ કેબિનેટ મંત્રી–સહકારી અગ્રણી દિલીપભાઈ સંઘાણીના પ્રયાસથી “અમરેલી જિલ્લા સહકારી દૂધ ઉત્પાદક સંઘ’’ ‘અમર ડેરી’ ની સ્થાપના કરવામાં આવી અને દૂધ એકત્રીકરણ કરવાનું શરૂ થયેલ. લોકોને પુરક રોજગારી મળે, પશુપાલન પવૃત્તિનો વિકાસ થાય અને યુવાનોને આજીવિકા આપવાની તિવ્ર ઈચ્છાશકિત સાથે ડેરી નિર્માણ કાર્ય શરૂ કરવામાં આવ્યું જેને પરિણામે આજે અમરેલી જિલ્લો શ્વેત ક્રાંતિમાં મોખરાનું સ્થાન મેળવીને અસંખ્ય દૂધ મંડળીઓ ધરાવતો પરિવાર બન્યો છે. અમરેલી જિલ્લા સહકારી દૂર ઉત્પાદક સંઘની વ્યવસ્થાપક કમિટીની મુદત પૂર્ણ થતા ચૂંટણી જાહેર થયેલ હોઈ, તે અંતર્ગત આજે દિલીપભાઈ સંઘાણીએ ઉમેદવારી પત્ર રજૂ કરેલ જેમાં દરખાસ્ત કલ્પેશભાઈ ગજેરા અને ટેકો ચંદુભાઈ ગજેરાએ આપેલ, પરશોતમભાઈ રૂપાલાના ફોર્મમાં દિલીપભાઈ સંઘાણીએ દરખાસ્ત કરેલ જેને અશ્વિનભાઈ સાવલીયાએ ટેકો આપેલ. તેમજ અશ્વિનભાઈ સાવલીયાના ઉમેદવારી પત્રમાં પ્રવિણભાઈ માંગરોળીયાએ દરખાસ્ત કરેલ અને ધર્મેન્દ્રભાઈ જોષીએ ટેકો આપેલ, જયારે મુકેશભાઈ સંઘાણીનું ફોર્મમાં દિલીપભાઈએ દરખાસ્ત કરેલ અને અશ્વિનભાઈ સાવલીયાએ ટેકો આપેલ. જયારે અન્ય ફોર્મ ઉમેદવાર તરીકે રાજેશભાઈ માંગરોળીયા, અરૂણભાઈ પટેલ(બુટાણી), કમલેશભાઈ સંઘાણી, ચંદુભાઈ રામાણી, રેખાબેન કાકડીયા, ઠાકરશીભાઈ શિયાણી, ભાવનાબેન ગોંડલીયા, અરૂણાબેન માલાણી, ભાનુબેન જયંતિભાઈ બુહા, ભાવનાબેન સતાસીયા, જયાબેન રામાણી, રામજીભાઈ કાપડીયાએ અલગ અલગ વિભાગોમાંથી પોતાના ફોર્મ રજૂ કરેલ જયારે દરખાસ્ત કરનાર અને ટેકા આપનાર પ્રવિણભાઈ માંગરોળીયા, બાબુભાઈ સખવાળા, સંજયભાઈ વાગડીયા, મયુરભાઈ હિરપરા, જેઠુરભાઈ કોઠીવાળ, ચતુરભાઈ ભુવા, સંજયભાઈ સોરઠીયા, અનિલભાઈ પાનશેરીયા સહિતનાએ પ્રક્રિયામાં ભાગ લીધો હતો. આ તકે સહકારી અગ્રણી દિલીપભાઈ સંઘાણી, જૂનાગઢ ડેરીના પૂર્વ ચેરમેન રામસિંહભાઈ ભેટરીયા, અગ્રણી કાર્યકર ભગવાનભાઈ ભુવા, અમર ડેરી ચેરમેન અશ્વિનભાઈ સાવલીયા, પૂર્વ સાંસદ નારણભાઈ કાછડીયા, મુકેશભાઈ સંઘાણી, અમરેલી જિલ્લા ભાજપ પૂર્વ પ્રમુખ દિનેશભાઈ પોપટ, ખરીદ વેચાણ સંઘના પ્રમુખ જયંતિભાઈ પાનસુરીયા સહિત અગ્રણીઓ ઉપસ્થિત રહયા હતા.
