ટાટા ગ્રુપની આગેવાની હેઠળની એરલાઇન એર ઇન્ડિયાએ મુસાફરોને ફટકો માર્યો છે. જા તમે પણ એર ઇન્ડિયા સાથે ઉડાન ભરવાનું આયોજન કરી રહ્યા છો, તો હવે તમારું ભાડું વધી શકે છે. કંપનીએ ૮ એપ્રિલથી તેના ઇંધણ સરચાર્જ માળખામાં ફેરફારોની જાહેરાત કરી છે, જેના પરિણામે સ્થાનિક અને આંતરરાષ્ટ્રીય બંને રૂટ પર ટિકિટના ભાવમાં વધારો થશે. અહેવાલો અનુસાર, ૭ એપ્રિલના રોજ જારી કરાયેલા એક નિવેદનમાં, એર ઇન્ડિયાએ જણાવ્યું હતું કે વૈશ્વિક જેટ ઇંધણના ભાવમાં તીવ્ર વધારાને કારણે આ નિર્ણય લેવામાં આવ્યો છે.
એર ઇન્ડિયાએ સ્થાનિક ફ્લાઇટ્સ માટે ફ્લેટ રેટ દૂર કર્યો છે અને અંતરના આધારે નવી સરચાર્જ સિસ્ટમ લાગુ કરી છે. સરકારે ભાવમાં મહત્તમ વધારો ૨૫% સુધી મર્યાદિત કર્યા પછી આ ફેરફાર કરવામાં આવ્યો છે.
નવા દરો (સ્થાનિક ફ્લાઇટ્સ માટે)
૦ થી ૫૦૦ કિમીઃ ૨૯૯
૫૦૧ થી ૧,૦૦૦ કિમીઃ ૩૯૯
૧,૦૦૧ થી ૧,૫૦૦ કિમીઃ ૫૪૯
૧,૫૦૧ થી ૨,૦૦૦ કિમીઃ ૭૪૯
૨,૦૦૦ કિમીથી વધુઃ ૮૯૯
એર ઇન્ડિયાએ સૂચવ્યું છે કે આંતરરાષ્ટ્રીય રૂટ પર ઇંધણ સરચાર્જમાં સુધારો કરવામાં આવ્યો છે, જે ત્યાં ટિકિટના ભાવને પણ અસર કરી શકે છે. એકંદરે, ૮ એપ્રિલથી, એર ઇન્ડિયાની ફ્લાઇટ્સ મુસાફરો માટે વધુ મોંઘી થઈ શકે છે, કારણ કે વધતા ઇંધણના ખર્ચની સીધી અસર ભાડા પર પડી રહી છે.
૨૭ માર્ચ, ૨૦૨૬ ના રોજ પૂરા થયેલા સપ્તાહમાં જેટ ઇંધણનો સરેરાશ વૈશ્વિક ભાવ પ્રતિ બેરલ ૧૯૫.૧૯ થયો હતો, જે ફેબ્રુઆરીના અંતમાં ઇં૯૯.૪૦ પ્રતિ બેરલ હતો. આ લગભગ ૧૦૦% નો મોટો વધારો દર્શાવે છે. એવિએશન ટર્બાઇન ઇંધણની કિંમત, જે ક્રૂડ ઓઇલ રિફાઇનિંગ દ્વારા ઉત્પન્ન થાય છે, તે બે મુખ્ય પરિબળોને કારણે વધી છેઃ ક્રૂડ ઓઇલના ભાવમાં વધારો અને રિફાઇનરી માર્જિનમાં વધારો (જેને ક્રેક સ્પ્રેડ કહેવાય છે).
