ભારતીય ટીમના મુખ્ય કોચ ગૌતમ ગંભીરે સ્ટાર બેટ્સમેન શુભમન ગિલની પ્રશંસા કરી છે અને તેમના ટીકાકારોને કડક શબ્દોમાં ઠપકો આપ્યો છે. ઇંગ્લેન્ડ પ્રવાસ દરમિયાન ગિલના પ્રભાવશાળી પ્રદર્શન અને કેપ્ટનશીપની પ્રશંસા કરતા ગંભીરે કહ્યું કે ૨૫ વર્ષની ઉંમરે ગિલે સૌથી મુશ્કેલ કસોટીમાંથી પસાર થઈ ગયો છે. ગિલના નેતૃત્વમાં, ભારતે ઇંગ્લેન્ડ સામે પાંચ મેચની ટેસ્ટ શ્રેણી ૨-૨થી સફળતાપૂર્વક ડ્રો કરી હતી. ત્યારબાદ, ભારતે વેસ્ટ ઇન્ડીઝ સામે ચાલી રહેલી બે ટેસ્ટ શ્રેણીની પહેલી મેચ જીતીને ૧-૦થી લીડ મેળવી હતી. આ શ્રેણીની બીજી મેચ હવે દિલ્હીમાં રમાઈ રહી છે.ટેસ્ટ ટીમ ઉપરાંત, શુભમન ગિલને વનડે ટીમની જવાબદારી પણ સોંપવામાં આવી છે. તે રોહિત શર્માનું સ્થાન લેશે. ભારતીય ક્રિકેટ કંટ્રોલ બોર્ડ અને મુખ્ય કોચ ગૌતમ ગંભીરના આ નિર્ણયની સોશિયલ મીડિયા પર ઘણીવાર ટીકા કરવામાં આવી છે. જાકે, ગંભીરે હવે ગિલના ટીકાકારોને જવાબ આપ્યો છે. સ્ટાર સ્પોર્ટ્સ સાથે વાત કરતાં તેમણે કહ્યું, “મને યાદ છે કે જ્યારે અમે તેમને ટેસ્ટ ટીમની કેપ્ટનશીપ સોંપી હતી, ત્યારે મેં સ્પષ્ટપણે કહ્યું હતું કે, ‘અમે તમને ઊંડા સમુદ્રમાં ફેંકી દીધા છે. કાં તો તમે ડૂબી જશો અથવા તમે વિશ્વ કક્ષાના તરવૈયા બનશો.'” મારા માટે, તેમણે બનાવેલા ૭૫૦ રન મહત્વપૂર્ણ નથી, પરંતુ તેમણે દબાણનો સામનો કેવી રીતે કર્યો તે મહત્વનું છે.ગંભીરે કહ્યું કે ઇંગ્લેન્ડ પ્રવાસ ગિલની કારકિર્દીની સૌથી મોટી કસોટી હતી. તેમણે ઉમેર્યું, “મને નથી લાગતું કે તે તેની કારકિર્દીમાં આનાથી વધુ મુશ્કેલ પરિસ્થિતનો સામનો કરશે. ઇંગ્લેન્ડનું બેટિંગ યુનિટ ખૂબ જ ખતરનાક હતું, અને અમારી ટીમ બિનઅનુભવી હતી. પરંતુ શુભમને જે પરિપક્વતા સાથે ટીમનું નેતૃત્વ કર્યું તે પ્રશંસનીય છે. ઓવલ ટેસ્ટ પછી, મેં તેમને કહ્યું…તમે તમારી સૌથી મુશ્કેલ કસોટીમાંથી પસાર થઈ ગયા છો.”ગંભીરે એમ પણ કહ્યું કે ગિલ હવે ટીકાથી ઉપર ઉઠી ગયો છે અને તેના માટે વસ્તુઓ સરળ બનશે. તેમણે કહ્યું, “તેણે ઘણી ટીકાઓનો સામનો કર્યો છે. પરંતુ તમે ૨૪-૨૫ વર્ષના ખેલાડી પાસેથી હંમેશા સરેરાશ ૫૦ ની અપેક્ષા રાખી શકતા નથી. તેની ક્ષમતાને જાતાં, જ્યારે તેણે ઇંગ્લેન્ડ સામે ૭૫૦ રન બનાવ્યા ત્યારે મને આશ્ચર્ય થયું ન હતું.”ગંભીર માને છે કે ગિલ હવે સંપૂર્ણપણે તૈયાર છે અને તેની કેપ્ટનશીપનો બચાવ કરવા સક્ષમ છે. તેમણે કહ્યું, “ઇંગ્લેન્ડ શ્રેણી દરમિયાન દરેક પર દબાણ હતું, પરંતુ સૌથી વધુ ગિલ પર. આ હોવા છતાં, તેમણે ક્્યારેય નિરાશા દર્શાવી નથી. તે આ સફળતાને પાત્ર છે. જ્યારે પણ મુશ્કેલ સમય આવશે, ત્યારે હું તેમની સાથે ઉભો રહીશ અને તેમની સાથે ટીકાનો સામનો કરીશ.” ગંભીરના નિવેદનો સ્પષ્ટપણે દર્શાવે છે કે ટીમ ઇન્ડિયાના કોચને તેમના યુવાન કેપ્ટન શુભમન ગિલ પર સંપૂર્ણ વિશ્વાસ છે અને દરેક પરિસ્થિતમાં તેમની પાછળ ઉભા રહેશે.
