૨૦૨૫માં વિશ્વભરમાં કુલ ૧૨૮ પત્રકારો અને મીડિયા કર્મચારીઓના મૃત્યુ થયા હતા. ઇન્ટરનેશનલ ફેડરેશન ઓફ જર્નાલિસ્ટ્સ ના તાજેતરના અહેવાલ મુજબ, મધ્ય પૂર્વ અને આરબ વિશ્વમાં પત્રકારોના મૃત્યુની સૌથી વધુ સંખ્યા જાવા મળી હતી.આઇએફજી રિપોર્ટમાં જણાવાયું છે કે મધ્ય પૂર્વ અને આરબ વિશ્વમાં ૭૪ પત્રકારોના મૃત્યુ થયા હતા, જે કુલ મૃત્યુના આશરે ૫૮ ટકા છે. આમાંથી, ગાઝા યુદ્ધ દરમિયાન રિપો‹ટગ કરતી વખતે સૌથી વધુ ૫૬ મૃત્યુ પેલેસ્ટાઇનમાં થયા હતા.
રિપોર્ટમાં જણાવાયું છે કે, “મધ્ય પૂર્વ અને આરબ વિશ્વમાં ૨૦૨૫ માં પત્રકારોના મોતનો ભયાનક રેકોર્ડ છે, જેમાં ૭૪ મૃત્યુ થયા છે. પેલેસ્ટીનિયન પત્રકારોએ સૌથી વધુ કિંમત ચૂકવી છે, કારણ કે આઇએફજીએ ગાઝા યુદ્ધમાં ૫૬ મૃત્યુ નોંધ્યા હતા. સૌથી હાઇ-પ્રોફાઇલ ઘટના ૧૦ ઓગસ્ટના રોજ બની હતી, જ્યારે અલ જઝીરાના રિપોર્ટર અનસ અલ-શરીફને નિશાન બનાવવામાં આવ્યા હતા. તેઓ ગાઝા શહેરની અલ શિફા હોસ્પિટલની બહાર પત્રકારોના તંબુમાં હતા, જ્યાં તેમની સાથે પાંચ અન્ય પત્રકારો અને મીડિયા કર્મચારીઓની હત્યા કરવામાં આવી હતી.”
આઇએફજીએ એક અહેવાલ બહાર પાડ્યો જેમાં જણાવાયું હતું કે ૧૨૮ મૃત્યુમાંથી નવ આકસ્મિક હતા અને દસ મહિલાઓ હતી. અહેવાલમાં એ પણ પુષ્ટિ આપવામાં આવી છે કે ૧૦ ડિસેમ્બર પછી ૧૭ વધારાના કેસ નોંધાયા હતા, જેનાથી કામચલાઉ મૃત્યુઆંક ૧૧૧ થી વધીને ૧૨૮ થયો હતો. યમનમાં તેર, યુક્રેનમાં આઠ અને સુદાનમાં છ પત્રકારો માર્યા ગયા હતા. ભારત અને પેરુમાં ચાર-ચાર મૃત્યુ નોંધાયા હતા. વધુમાં, પાકિસ્તાન, મેકસીકો, ફિલિપાઇન્સ અને પેરુ સહિત અન્ય ઘણા દેશોમાં ત્રણ-ત્રણ મૃત્યુ નોંધાયા હતા.
અહેવાલ મુજબ, એશિયા-પેસિફિક ક્ષેત્રમાં ૧૫ પત્રકારોના મૃત્યુ થયા હતા. આ પ્રદેશ પત્રકારો માટે વિશ્વની સૌથી મોટી જેલ વસ્તી ધરાવે છે, જેમાં કુલ ૨૭૭ મીડિયા કર્મચારીઓ કેદ છે. આમાંથી, હોંગકોંગ સહિત ચીનમાં સૌથી વધુ જેલમાં બંધ પત્રકારો છે, જેમાં ચીનમાં ૧૪૩ પત્રકારો છે, જે વિશ્વમાં સૌથી વધુ છે. આ પછી, મ્યાનમારમાં ૪૯ પત્રકારો જેલમાં છે, અને વિયેતનામમાં ૩૭ પત્રકારો છે. દરમિયાન, ૨૦૨૫ માં યુરોપમાં ૧૦ પત્રકારોના મૃત્યુ થયા હતા, જેમાંથી આઠ યુક્રેનમાં હતા. આફ્રિકામાં કુલ નવ પત્રકારોની હત્યા કરવામાં આવી હતી, જેમાં સુદાનમાં છ પત્રકારોનો સમાવેશ થાય છે. અમેરિકામાં અગિયાર મૃત્યુ નોંધાયા હતા, જેમાં પેરુમાં સૌથી વધુ ચાર મૃત્યુ થયા હતા.
૧૯૯૦ માં તેની વાર્ષિક મૃત્યુ યાદી શરૂ થયા પછી,આઇએફજીએ વિશ્વભરમાં કુલ ૩,૧૭૩ પત્રકારોના મૃત્યુ નોંધ્યા છે.આઇએફજીના સેક્રેટરી જનરલ એન્થોની બેલેંગરે કહ્યું કે આ આંકડા વૈશ્વીક કટોકટીને પ્રતિબિંબિત કરે છે અને સરકારોને આ મુદ્દા પર તાત્કાલિક પગલાં લેવા વિનંતી કરી. તેમણે કહ્યું, “આ એક વૈશ્વીક કટોકટી છે. આ મૃત્યુ એ યાદ અપાવે છે કે પત્રકારોને તેમના કાર્ય માટે નિશાન બનાવવામાં આવી રહ્યા છે. સરકારોએ પત્રકારોનું રક્ષણ કરવા, ગુનેગારોને ન્યાય અપાવવા અને પ્રેસ સ્વતંત્રતાને જાળવી રાખવા માટે હવે પગલાં લેવા જાઈએ. વિશ્વ વધુ રાહ જોઈ શકે નહીં.”
