૧ જુલાઈથી દિલ્હીમાં ૧૦ વર્ષ જૂના ડીઝલ અને ૧૫ વર્ષ જૂના પેટ્રોલ વાહનોને ઈંધણ મળશે નહીં. દિલ્હીમાં વધતા પ્રદૂષણને ઘટાડવા માટે આ પગલું લેવામાં આવી રહ્યું છે. આ સંદર્ભમાં, કમિશન ફોર એર ક્વોલિટી મેનેજમેન્ટએ જાહેરાત કરી છે કે ૧ જુલાઈથી, ઓટોમેટિક નંબર પ્લેટ રેકગનીશન કેમેરા દ્વારા ઓળખાતા તમામ એન્ડ-ઓફ-લાઇફ વાહનોને દિલ્હીના ફ્યુઅલ સ્ટેશનો પર ઇંધણ ભરવાની મંજૂરી આપવામાં આવશે નહીં. એટલે કે, ૧૦ વર્ષ જૂના ડીઝલ અને ૧૫ વર્ષ જૂના પેટ્રોલ વાહનોને ઇંધણ મળશે નહીં.
સીએકયુએમ અનુસાર, આ પ્રતિબંધ ૧ નવેમ્બરથી ગુરુગ્રામ, ફરીદાબાદ, ગાઝિયાબાદ, ગૌતમ બુદ્ધ નગર અને સોનીપતમાં ફેલાશે અને ૧ એપ્રિલ, ૨૦૨૬ થી બાકીના NCRને આવરી લેશે. જૂના વાહનોને ઇંધણ ન આપવા માટે દિલ્હીના ૫૦૦ ઇંધણ સ્ટેશનો પર એએનપીઆર કેમેરા લગાવવામાં આવ્યા છે, જેનાથી વાહન ડેટાનું રીઅલ-ટાઇમ ટ્રેકિંગ શક્ય બનશે. અત્યાર સુધીમાં, સિસ્ટમે ૩.૬૩ કરોડથી વધુ વાહનોની તપાસ કરી છે, જેમાંથી ૪.૯૦ લાખને એન્ડ-લાઇફ તરીકે ચિÂહ્નત કરવામાં આવ્યા છે.
દિલ્હી અને NCR માં વધતા પ્રદૂષણને ધ્યાનમાં રાખીને, જૂના BS ધોરણના વાહનોને દૂર કરવા ખૂબ જ મહત્વપૂર્ણ છે. આ વાહનો વાયુ પ્રદૂષણમાં મોટી ભૂમિકા ભજવે છે.એએનપીઆર સિસ્ટમ વાહનો ઇંધણ સ્ટેશનમાં પ્રવેશતાની સાથે જ આપમેળે લાઇસન્સ પ્લેટ નંબરો કેપ્ચર કરે છે. તે પછી વાહન ડેટાબેઝ સાથે ડેટાને ક્રોસ-રેફરન્સ કરે છે, જે નોંધણી વિગતો, ઇંધણનો પ્રકાર અને વાહનની ઉંમર જેવી માહિતી સંગ્રહિત કરે છે. જા કોઈ વાહન કાનૂની વય મર્યાદાથી વધુ હોવાનું જાણવા મળે છે, તો તેને ઇઓએલ તરીકે ફ્લેગ કરવામાં આવે છે. એકવાર ફ્લેગ કર્યા પછી, ઇંધણ સ્ટેશનને રિફ્યુઅલિંગનો ઇનકાર કરવા માટે ચેતવણી પ્રાપ્ત થાય છે. ઉલ્લંઘન રેકોર્ડ કરવામાં આવે છે અને અમલીકરણ એજન્સીઓને મોકલવામાં આવે છે, જે વાહનને જપ્ત કરવા અથવા સ્ક્રેપ કરવા જેવી વધુ કાર્યવાહી કરી શકે છે.
