કેન્દ્ર સરકારની “મજૂર વિરોધી, ખેડૂત વિરોધી અને દેશ વિરોધી કોર્પોરેટ-કેન્દ્રીય નીતિઓ” ના વિરોધમાં કરવામાં આવી રહી છે.
બેંકિંગ, વીમા, પોસ્ટલ સેવાઓથી લઈને કોલસા ખાણકામ સુધીના વિવિધ ક્ષેત્રોના ૨૫ કરોડથી વધુ કર્મચારીઓ બુધવારે દેશવ્યાપી હડતાળમાં ભાગ લે તેવી અપેક્ષા છે. ૧૦ કેન્દ્રીય ટ્રેડ યુનિયનોના સંયુક્ત મંચ દ્વારા ‘ભારત બંધ’ તરીકે ઓળખાતી આ હડતાળ કેન્દ્ર સરકારની “મજૂર વિરોધી, ખેડૂત વિરોધી અને દેશ વિરોધી કોર્પોરેટ-લક્ષી નીતિઓ” ના વિરોધમાં યોજાઈ રહી છે.
ટ્રેડ યુનિયનોએ ઔપચારિક અને અનૌપચારિક ક્ષેત્રોમાં મહિનાઓથી ચાલી રહેલી તૈયારીઓને ટાંકીને દેશવ્યાપી સામાન્ય હડતાળને ભવ્ય રીતે સફળ બનાવવાનું આહ્વાન કર્યું છે. “હડતાળમાં ૨૫ કરોડથી વધુ કર્મચારીઓ ભાગ લે તેવી અપેક્ષા છે. ખેડૂતો અને ગ્રામીણ કામદારો પણ દેશભરના વિરોધ પ્રદર્શનોમાં જાડાશે,” ઓલ ઈન્ડિયા ટ્રેડ યુનિયન કોંગ્રેસના અમરજીત કૌરે જણાવ્યું હતું
આ મોટા પાયે કાર્યવાહીથી મુખ્ય જાહેર સેવાઓ અને ઉદ્યોગો પર ગંભીર અસર થવાની શક્યતા છે. “હડતાળને કારણે બેંકિંગ, પોસ્ટલ, કોલસા ખાણકામ, કારખાનાઓ અને રાજ્ય પરિવહન સેવાઓ પ્રભાવિત થશે,” હિંદ મઝદૂર સભાના હરભજન સિંહ સિદ્ધુએ જણાવ્યું હતું.
વિરોધનો મુખ્ય મુદ્દો ગયા વર્ષે યુનિયનો દ્વારા શ્રમ મંત્રી મનસુખ માંડવિયાને સુપરત કરાયેલી ૧૭ માંગણીઓનો ચાર્ટર છે. યુનિયનોનો દાવો છે કે સરકારે આ માંગણીઓને અવગણી છે અને છેલ્લા દાયકાથી વાર્ષિક શ્રમ પરિષદ બોલાવવામાં નિષ્ફળ રહ્યા છે. તેમનું કહેવું છે કે આ પગલું શ્રમ દળ પ્રત્યે સરકારની ઉદાસીનતાને પ્રતિબિંબિત કરે છે.
એક સંયુક્ત નિવેદનમાં, મંચે આરોપ લગાવ્યો કે સરકારના શ્રમ સુધારા, જેમાં ચાર નવા શ્રમ સંહિતાનો સમાવેશ થાય છે, તે કામદારોના અધિકારોને દૂર કરવા માટે રચાયેલ છે. યુનિયનો દલીલ કરે છે કે આ સંહિતાનો હેતુ સામૂહિક સોદાબાજીને દૂર કરવા, યુનિયન પ્રવૃત્તિઓને નબળી પાડવા, કામના કલાકો વધારવા અને શ્રમ કાયદા હેઠળ નોકરીદાતાઓને જવાબદારીથી બચાવવાનો છે.
મંચે કહ્યું કે સરકારે દેશના કલ્યાણ રાજ્ય દરજ્જાને છોડી દીધો છે અને વિદેશી અને ભારતીય કોર્પોરેટ્સના હિતમાં કામ કરી રહી છે, અને આ તેની નીતિઓ પરથી સ્પષ્ટ થાય છે, જેનો જારશોરથી અમલ કરવામાં આવી રહ્યો છે. તેણે કહ્યું કે ટ્રેડ યુનિયનો “જાહેર ક્ષેત્રના સાહસો અને જાહેર સેવાઓના ખાનગીકરણ, આઉટસો‹સગ, કરારીકરણ અને કાર્યબળના કેઝ્યુઅલાઇઝેશનની નીતિઓ” સામે લડી રહ્યા છે.
સંસદ દ્વારા પસાર કરાયેલા ચાર શ્રમ સંહિતાનો ઉદ્દેશ્ય ટ્રેડ યુનિયન ચળવળને દબાવવા અને અપંગ બનાવવા, કામના કલાકો વધારવા, કામદારોના સામૂહિક સોદાબાજીના અધિકારને છીનવી લેવા, હડતાલ કરવાનો અધિકાર છીનવી લેવા અને નોકરીદાતાઓ દ્વારા શ્રમ કાયદાના ઉલ્લંઘનને ગુનાહિત જાહેર ન કરવા માટે છે, એમ નિવેદનમાં જણાવાયું છે. સંયુક્ત કિસાન મોરચા અને યુનાઇટેડ ફ્રન્ટ ઓફ એગ્રીકલ્ચરલ લેબર યુનિયનોએ આ હડતાળની કાર્યવાહીને ટેકો આપ્યો છે અને ગ્રામીણ ભારતમાં સામૂહિક ગતિવિધિ યોજવાનો નિર્ણય લીધો છે, એમ યુનિયનના નેતાઓએ જણાવ્યું હતું. ટ્રેડ યુનિયનોએ અગાઉ ૨૬ નવેમ્બર, ૨૦૨૦, ૨૮-૨૯ માર્ચ, ૨૦૨૨ અને ગયા વર્ષે ૧૬ ફેબ્રુઆરીએ સમાન રાષ્ટ્રવ્યાપી હડતાળ કરી હતી.
