પશ્ચિમ બંગાળમાં શાસક તૃણમૂલ કોંગ્રેસને ઘેરવાની તૈયારીઓ શરૂ થઈ ગઈ છે. એક તરફ, ભાજપ મુખ્યમંત્રી મમતા બેનર્જીને હરાવવા માટે રણનીતિ બનાવી રહી છે. બીજી તરફ, વિરોધ પક્ષો સીપીઆઇ એમ,આઇએસએફ અને એઆઇએમઆઇએમએ સસ્પેન્ડ કરાયેલા તૃણમૂલ કોંગ્રેસના ધારાસભ્ય હુમાયુ કબીરની પાર્ટી સાથે ગઠબંધન કરવાની તૈયારી શરૂ કરી દીધી છે.
મુર્શિદાબાદમાં બાબરી મસ્જીદના શિલાન્યાસ સમારોહને લઈને હુમાયુ કબીરનો મમતા બેનર્જીની ટીએમસી પાર્ટી સાથેનો ઝઘડો શરૂ થયો હતો. ત્યારબાદ પાર્ટીએ તેમને સસ્પેન્ડ કરી દીધા. કબીરે પોતાની નવી પાર્ટી, જનતા ઉન્નય પાર્ટી બનાવી છે અને મમતા બેનર્જી સામે ચૂંટણી લડવાનો પોતાનો ઇરાદો જાહેર કર્યો છે.
ભરતપુરના ધારાસભ્ય હુમાયુ કબીરે પોતે કરારને સ્વીકાર્યો. તેમણે જણાવ્યું હતું કે તમામ પક્ષો સાથે વાતચીત ચાલી રહી છે. ૨૫ ફેબ્રુઆરી સુધીમાં જાડાણને અંતિમ સ્વરૂપ આપવામાં આવશે. જા જાડાણ બને છે, તો તેઓ ઓછામાં ઓછી ૧૩૫ બેઠકો પર ચૂંટણી લડશે, અને જા જાડાણ બને છે, તો તે મોહમ્મદ સલીમના નેતૃત્વમાં થશે.
તેમણે જણાવ્યું હતું કે જા જાડાણ નહીં બને, તો તેઓ એકલા ૧૮૨ બેઠકો પર ચૂંટણી લડશે. તેમનું મુખ્ય લક્ષ્ય તૃણમૂલ કોંગ્રેસને હરાવવાનું અને ભાજપને બહુમતી સુધી પહોંચતા અટકાવવાનું છે. તેથી, જા સલીમ સાહેબ જાડાણનું નેતૃત્વ કરવાની ઓફર કરે છે, તો તેઓ તેને સ્વીકારશે. તેઓ બીજા કોઈને જાડાણના નેતા તરીકે સ્વીકારશે નહીં.માકપા (એમ) ના રાજ્ય સચિવ મોહમ્મદ સલીમે તાજેતરમાં સસ્પેન્ડ કરાયેલા તૃણમૂલ ધારાસભ્ય હુમાયુ કબીર સાથે મુલાકાત કરી હતી, જેના માટે તેમને પહેલા પક્ષ તરફથી અને પછી તેમના ડાબેરી સાથીઓ તરફથી ટીકાનો સામનો કરવો પડ્યો હતો. દરમિયાન, જાડાણને લઈને કોંગ્રેસ અને ડાબેરીઓ વચ્ચે વિવાદ શરૂ થયો છે.
સીપીઆઇ એમના સચિવ સલીમે નવા પ્રદેશ કોંગ્રેસના પ્રમુખની પસંદગી પર સવાલ ઉઠાવ્યા અને તૃણમૂલ કોંગ્રેસ પર મિલીભગતનો આરોપ લગાવ્યો. દરમિયાન, પ્રદેશ પ્રમુખ શુભંકર સરકારે કહ્યું કે જ્યારે અમે પહેલી વાર ગઠબંધન બનાવ્યું હતું, ત્યારે તે પણ પાર્ટીનો સંયુક્ત નિર્ણય હતો. આજે લેવાયેલો નિર્ણય બધાનો નિર્ણય છે.
કોંગ્રેસ છોડ્યા પછી,આઇએસએફ એ પણ વાટાઘાટો શરૂ કરી છે. સૂત્રોના જણાવ્યા અનુસાર,આઇએસએફ પહેલા કરતાં વધુ બેઠકો પર ચૂંટણી લડવા માંગે છે. તે ૫૦ બેઠકો પર ચૂંટણી લડવા માંગે છે. છેલ્લી વખત, ૨૦૨૧ માં, તેઓએ ૩૨ બેઠકો પર ચૂંટણી લડી હતી, પરંતુ ફોરવર્ડ બ્લોક અને અન્ય ડાબેરી ભાગીદારો આઇએસએફ માટે વધુ બેઠકો છોડવા તૈયાર નથી.
સીપીઆઇ એમ પર દબાણ વધતા,આઇએસએફએ હુમાયુ કબીરની પાર્ટી સાથે વાતચીત શરૂ કરી છે. આઇએસએફ ધારાસભ્ય નૌશાદ સિદ્દીકીએ કહ્યું, “અમે અમારી રાજ્ય સમિતિની બેઠકમાં હુમાયુ કબીરની પાર્ટી પર ચોક્કસપણે ચર્ચા કરીશું. અમે અગાઉ તેના પર ચર્ચા કરી ન હતી કારણ કે પાર્ટી અધ્યક્ષે ઘણી બિનજરૂરી ટિપ્પણીઓ કરી હતી. હવે તેમણે તે ટિપ્પણીઓ પાછી ખેંચી લીધી છે અને માફી માંગી છે. તેથી, હવે વાતચીત થઈ શકે છે.”
બીજી બાજુ,સીપીઆઇ એમએ જાડાણ પ્રસ્તાવ અંગે એઆઇએમઆઇએમ રાજ્ય પ્રમુખ ઇમરાન સોલંકીને ફોન કર્યો છે. ઇમરાને કહ્યું, “મને ફોન આવ્યો હતો. તેઓ અમારી સાથે બેસવા માંગે છે. અમે ચોક્કસ બેસીશું. હું તેમનો અભિપ્રાય માંગીશ. જ્યાં પણ તેઓ બેસવા માંગે છે, કોલકાતા કે મુર્શિદાબાદ, હું ત્યાં બેસીશ. શું ડાબેરીઓ ખરેખર બેઠક કરશે?” સીપીઆઇ એમ નેતા સુજન ચક્રવર્તી કહે છે, “રામ, શ્યામ, કે કોઈ પણ ગમે તે કહે, આપણે તેમનો જવાબ આપવો પડશે! એ સાચું નથી કે સીપીઆઇ એમ એમઆઇએમ સાથે વાત કરવા આતુર છે.”
તૃણમૂલ કોંગ્રેસના પ્રવક્તા અરૂપ ચક્રવર્તીએ કહ્યું, “સીપીઆઈ(એમ)ની હાલત ખરાબથી ખરાબ થઈ રહી છે. મારો કોઈ પણ વ્યવસાયને નીચો બતાવવાનો કોઈ ઈરાદો નથી, પરંતુ સીપીઆઈ(એમ)ની હાલત રસ્તા પરના ભિખારી કરતા પણ ખરાબ છે. તેઓ ઘરે ઘરે જઈને ભીખ માંગી રહ્યા છે.”
