હિમાચલમાં ભાજપના પ્રદર્શનને લઈને જેપી નડ્ડા પર પણ સવાલો ઉઠાવવામાં આવી શકે છે. આવી સ્થિતિમાં તેમના કાર્યકાળમાં વધારાને લઈને પણ સવાલો ઉઠી રહ્યા છે.
હિમાચલ પ્રદેશમાં ચૂંટણીની મતગણતરી શરૂ થતાં જ ભાજપ અને કોંગ્રેસ વચ્ચે યુદ્ધ શરૂ થઈ ગયું હતું. જેમ જેમ દિવસ આગળ વધતો ગયો તેમ તેમ હિમાચલમાં ચૂંટણીની સ્થિતિ સ્પષ્ટ થતી ગઈ. ચૂંટણી પંચના વલણો અનુસાર કોંગ્રેસને બહુમતનો આંકડો મળ્યો છે. આ ચૂંટણી માટે ભાજપે પોતાની તમામ તાકાત લગાવી દીધી હતી. બીજેપીના
ફાયર બ્રાન્ડ લીડર અને યુપીના સીએમ યોગી આદિત્યનાથ ઉપરાંત ઘણા મોટા નેતાઓ ચૂંટણી પ્રચાર માટે અહીં પહોંચ્યા હતા. હિમાચલ પ્રદેશ ભાજપના રાષ્ટ્રીય અધ્યક્ષ જેપી નડ્ડાનું ગૃહ રાજ્ય પણ છે. આવી સ્થિતિમાં અહીં ભાજપની કામગીરીને લઈને પણ રાજકીય વર્તુળોમાં સવાલો ઉઠી રહ્યા છે.
એવું માનવામાં આવતું હતું કે ભાજપ જેપી નડ્ડાનો કાર્યકાળ ૨૦૨૪ સુધી લંબાવી શકે છે અને તેમને અધ્યક્ષ પદ પર રાખી શકે છે, પરંતુ તેમના જ ગૃહ રાજ્યમાં ભાજપના ખરાબ પ્રદર્શનને કારણે હવે સવાલો ઉભા થઈ રહ્યા છે. જણાવી દઈએ કે જેપી નડ્ડા જોન્યુઆરી ૨૦૨૦માં બીજેપી અધ્યક્ષ તરીકે ચૂંટાયા હતા. તેઓ ૩ વર્ષ માટે રાષ્ટ્રીય અધ્યક્ષ તરીકે ચૂંટાયા હતા. માનવામાં આવી રહ્યું હતું કે લોકસભા ચૂંટણીને ધ્યાનમાં રાખીને તેમનો કાર્યકાળ મે ૨૦૨૪ સુધી લંબાવવામાં આવી શકે છે. તમને જણાવી દઈએ કે આ ચૂંટણી માટે ભાજપ-કોંગ્રેસ બંને પક્ષોએ જોરદાર પ્રચાર કર્યો હતો.
હિમાચલ પ્રદેશમાં સીએમ બદલવાની પણ માંગ કરવામાં આવી હતી, પરંતુ ભાજપ હાઈકમાન્ડે તેની અવગણના કરી હતી. ભાજપના પ્રચાર માટે કેન્દ્રીય મંત્રી અનુરાગ ઠાકુર સહિત અનેક મંત્રીઓ હિમાચલમાં ધામા નાખ્યા હતા. રાજકીય વર્તુળોમાં એવી ચર્ચા હતી કે હિમાચલમાં આ વખતે નિયમ કે રિવાજ બદલાશે. ચૂંટણી પંચના વલણો અનુસાર એવું લાગે છે કે હિમાચલમાં નિયમ બદલાઈ શકે છે. ગયા વર્ષે હિમાચલ પ્રદેશમાં ૧ લોકસભા સીટ અને ૩ વિધાનસભા સીટો પર પેટાચૂંટણી યોજોઈ હતી. આ ચૂંટણીમાં પણ ભાજપને કારમી હારનો સામનો કરવો પડ્યો હતો.