સરકારે હિમાચલ પ્રદેશમાં પક્ષપલટો કરનારા ધારાસભ્યોને લઈને એક મોટો નિર્ણય લીધો છે. મુખ્યમંત્રી સુખવિંદર સિંહ સુખુએ બજેટ સત્રના છેલ્લા દિવસે (ધારાસભ્યો ભથ્થાં અને પેન્શન) સુધારો બિલ, ૨૦૨૬ પસાર કર્યો. ભાજપના જારદાર વિરોધ છતાં, બિલ ધ્વનિ મત દ્વારા પસાર કરવામાં આવ્યું. નવા કાયદા હેઠળ, જા કોઈ ધારાસભ્ય બંધારણની દસમી અનુસૂચિ (પક્ષપલટો વિરોધી કાયદો) હેઠળ ગેરલાયક ઠરે છે, તો તેમને હવે પેન્શન લાભો મળશે નહીં. આ સુધારો ૧૯૭૧ના મૂળ કાયદામાં સુધારો કરે છે, જેમાં ધારાસભ્યોના પગાર, ભથ્થા અને પેન્શન સંબંધિત જાગવાઈઓનો સમાવેશ થાય છે.
એ નોંધવું જાઈએ કે હિમાચલ પ્રદેશમાં છેલ્લી રાજ્ય ચૂંટણી દરમિયાન, કોંગ્રેસના છ ધારાસભ્યોએ પાર્ટી લાઇન વિરુદ્ધ મતદાન કર્યું હતું. આ પછી, આ ધારાસભ્યોને ગેરલાયક ઠેરવવામાં આવ્યા હતા. પેટાચૂંટણીમાં આમાંથી ફક્ત બે ધારાસભ્યો ફરીથી ચૂંટાયા હતા. નવો કાયદો અમલમાં આવ્યા પછી, ભૂતપૂર્વ ધારાસભ્યો ચૈતન્ય શર્મા (ગાગ્રેટ) અને દેવેન્દ્ર કુમાર ભુટ્ટો (કુટલહાર) તેમના પેન્શન ગુમાવશે. ફેબ્રુઆરી ૨૦૨૪ માં રાજ્યસભા ચૂંટણી દરમિયાન પાર્ટી વ્હીપનું ઉલ્લંઘન કરવા બદલ બંનેને ગેરલાયક ઠેરવવામાં આવ્યા હતા.
જાકે, આ સુધારાથી અપક્ષ ધારાસભ્યો હોશિયાર સિંહ અને કેએલ ઠાકુર પ્રભાવિત થશે નહીં. રવિ ઠાકુર અને રાજેન્દ્ર રાણા ૧૪મી વિધાનસભા મુદત સિવાય, તેમના અગાઉના કાર્યકાળના આધારે પેન્શન મેળવતા રહેશે. વધુમાં, સુધીર શર્મા, આશિષ શર્મા અને ઇન્દ્રદત્ત લખનપાલ પહેલાથી જ પેટાચૂંટણી જીતી ચૂક્્યા છે અને ફરીથી ધારાસભ્ય બની ચૂક્્યા છે, તેથી તેમના પેન્શન પર કોઈ અસર થશે નહીં. સરકારનું કહેવું છે કે આ કાયદો રાજકીય નૈતિકતાને મજબૂત બનાવવા અને પક્ષપલટાના વલણને રોકવાનો છે. જાકે, વિપક્ષે તેને રાજકીય બદલો લેવાથી પ્રેરિત ગણાવ્યું છે.
