હિમાચલ પ્રદેશના મંડી જિલ્લામાં ફરી એકવાર ભૂકંપના આંચકા અનુભવાયા. ભૂકંપના કારણે લોકો ગભરાઈ ગયા છે, બધા પોતાના ઘરની બહાર નીકળી ગયા છે. આ ભૂકંપની તીવ્રતા ૩.૪ હતી. તેનું કેન્દ્રબિંદુ મંડી જિલ્લાના સુંદર નગરમાં જયદેવી ખાતે હતું, જે જમીનથી ૫ કિલોમીટર નીચે હતું. થોડા સમય પહેલા, ૨૩ ફેબ્રુઆરીના રોજ, ભૂકંપને કારણે અહીંની ધરતી હલી ગઈ હતી.
રવિવારે સવારે ૯ઃ૧૮ વાગ્યે મંડી જિલ્લામાં ભૂકંપના આંચકા અનુભવાયા હતા. ભૂકંપની તીવ્રતા રિક્ટર સ્કેલ પર ૩.૪ માપવામાં આવી હતી. ભૂકંપનું કેન્દ્ર જમીનથી પાંચ કિલોમીટર નીચે માપવામાં આવ્યું છે. ભૂકંપનું કેન્દ્ર સુંદર નગરના જયદેવીમાં હતું. હાલમાં, આ ભૂકંપના કારણે કોઈ નુકસાન થયું નથી.
આ વર્ષે ૭ જાન્યુઆરીએ ૩.૪ ની તીવ્રતાના ભૂકંપના આંચકા અનુભવાયા હતા. મંડી, ચંબા, કાંગડા, લાહૌલ અને કુલ્લુ ભૂકંપની દ્રષ્ટિએ સૌથી સંવેદનશીલ વિસ્તારોમાંના એક છે. હિમાચલ પ્રદેશ ભારતમાં ભૂકંપીય ઝોન ૨ અને ૩માં આવે છે, જે ઉચ્ચ ભૂકંપીય જાખમવાળા વિસ્તારો છે. આનું કારણ તેનું ભૌગોલિક સ્થાન અને ભૂસ્તરશાસ્ત્રીય માળખું છે.
અહેવાલ મુજબ, અગાઉના દિવસે, મંડીમાં એક બસ પલટી ગઈ હતી, જેમાં ૩૧ લોકો ઘાયલ થયા હતા. જ્યારે આ અકસ્માત થયો ત્યારે લક્ઝરી બસ ચંદીગઢથી કુલ્લુ જઈ રહી હતી. રિપોર્ટમાં કહેવામાં આવ્યું છે કે ૪ માઈલ્સ (બિન્દ્રાબની) ડમ્પિંગ સાઇટ નજીક રસ્તા પર ડ્રાઇવરે કાબુ ગુમાવ્યો હતો. ડ્રાઇવર અને કંડક્ટર સહિત મોટાભાગના મુસાફરોને નાની મોટી ઇજાઓ થઈ હતી અને તેમને તાત્કાલિક મંડી હોસ્પિટલમાં ખસેડવામાં આવ્યા હતા. અકસ્માત સમયે બસમાં ૩૫-૪૦ લોકો સવાર હતા.
હિમાચલ પ્રદેશમાં ભૂકંપના આંચકા અનુભવાયા બાદ, રવિવારે તાજિકિસ્તાનમાં પણ ૫.૯ ની તીવ્રતાનો ભૂકંપ આવ્યો. ભૂમધ્ય ભૂકંપશાસ્ત્રીય કેન્દ્ર અનુસાર, ભૂકંપ ૧૬ કિમી (૧૦ માઇલ) ની ઊંડાઈએ હતો અને સવારે ૯ઃ૫૪ વાગ્યે આવ્યો હતો. આ પછી, સવારે ૧૦ઃ૩૬ વાગ્યે, તાજિકિસ્તાનમાં ૩.૯ ની તીવ્રતાનો બીજા ભૂકંપ આવ્યો, જે ૧૦ કિમીની ઊંડાઈએ હતો.
