પશ્ચિમ બંગાળમાં વક્ફ સુધારા બિલ સામે વિરોધ પ્રદર્શનો થયા હતા. આ વિરોધ હિંસામાં પરિણમ્યો. આ પછી, હવે જ્યારે પશ્ચિમ બંગાળ વિધાનસભા ચૂંટણી માટે એક વર્ષથી પણ ઓછો સમય બાકી છે, ત્યારે ભારતીય જનતા પાર્ટીએ રાજ્યના મુખ્ય ચૂંટણી અધિકારીને હિન્દુઓ માટે અલગ મતદાન મથકો સ્થાપવા જણાવ્યું. ભાજપના નેતાએ પશ્ચિમ બંગાળમાં હિન્દુઓ અને મુસ્લિમો માટે અલગ મતદાન મથકોની માંગ કરી છે.
ભાજપના નેતા સુવેન્દુ અધિકારીએ ચૂંટણી પંચને અલગ હિન્દુ મતદાન મથક બનાવવાની માંગ કરી. ભાજપે ચૂંટણી પંચ પાસે હિન્દુ અને મુસ્લિમ મતદાન મથકો અલગ કરવાની માંગ કરી. તેમણે કહ્યું કે જ્યાં હિન્દુ મતહિસ્સો ૫૦% થી ઓછો છે, ત્યાં હિન્દુ વિસ્તારો અને હિન્દુ મતદારો માટે અલગ બૂથ બનાવવા જાઈએ. નહિંતર, જા તેઓ મુસ્લિમ વિસ્તારમાંથી પસાર થશે, તો તેમના પર ત્યાં હુમલો કરવામાં આવશે અને તેમને મતદાન કરવા દેવામાં આવશે નહીં. સીઆરપીએફ, કેન્દ્રીય દળ ગામમાં નહીં, પણ બૂથના ગેટ પર રહેવું જાઈએ.
પશ્ચિમ બંગાળ ભાજપના વરિષ્ઠ નેતા અને વિધાનસભામાં વિરોધ પક્ષના નેતા સુવેન્દુ અધિકારીએ સોમવારે જણાવ્યું હતું કે, મમતા બેનર્જી સરકારના કુશાસનને કારણે પશ્ચિમ બંગાળમાં હિન્દુઓ ભારે મુશ્કેલીમાં છે. રાજ્યમાં ઘણી જગ્યાએ તેઓ તેમના લોકશાહી અધિકારોનો ઉપયોગ અને મતદાન પણ કરી શકતા નથી. તેમણે વધુમાં જણાવ્યું હતું કે, જે વિસ્તારોમાં હિન્દુઓ લઘુમતીમાં છે, ત્યાં હિન્દુ મતદારોને ધાકધમકી આપવા અને મતદાન કરતા અટકાવવાના કિસ્સાઓ પ્રકાશમાં આવ્યા છે.
ભાજપના નેતા સુવેન્દુ અધિકારીએ માત્ર હિન્દુ સમુદાય જ્યાં લઘુમતીમાં છે ત્યાં માટે અલગ મતદાન મથકોની માંગણી કરી ન હતી, પરંતુ પશ્ચિમ બંગાળના મુખ્ય ચૂંટણી અધિકારીને પણ કહ્યું હતું કે આવા મતદાન મથકો એવા સ્થળોએ સ્થાપિત કરવા જાઈએ જ્યાં મુસ્લિમ વિસ્તારોમાંથી પસાર થવું ન પડે.
સુવેન્દુ અધિકારીએ કહ્યું, હું પશ્ચિમ બંગાળના સીઈઓ મનોજ અગ્રવાલને વિનંતી કરું છું કે તેઓ તાત્કાલિક બૂથ મેપિંગ (જે વિસ્તારોમાં હિન્દુઓ લઘુમતીમાં છે તે
આભાર – નિહારીકા રવિયા ઓળખવા માટે) શરૂ કરે. તેમણે એમ પણ કહ્યું કે તેઓ ટૂંક સમયમાં આ બાબતે ચૂંટણી પંચને એક મેમોરેન્ડમ સુપરત કરશે.
પશ્ચિમ બંગાળના મુર્શિદાબાદમાં નવા વક્ફ (સુધારા) અધિનિયમ, ૨૦૨૫ સામેના તાજેતરના વિરોધ પ્રદર્શનો હિંસક બન્યા અને સાંપ્રદાયિક અથડામણોમાં પરિણમ્યા બાદ, ભાજપે ટીએમસી સરકાર પર હુમલો વધુ તીવ્ર બનાવ્યો છે, અને આરોપ લગાવ્યો છે કે તે ફક્ત પક્ષના “મુસ્લિમોમાં વોટ-બેંક” ને જાળવી રાખવા માટે હિન્દુઓને જુલમથી બચાવતી નથી.
