ઉત્તરાખંડના ભૂતપૂર્વ મંત્રી હરક સિંહ રાવત સંબંધિત મિલકત કેસમાં ઈડ્ઢના ટાંચમાં લેવાના આદેશ પર હાઇકોર્ટ ૨૧ ઓગસ્ટ સુધી સ્ટે રાખશે. જસ્ટિસ પંકજ પુરોહિતની સિંગલ બેન્ચ સમક્ષ આ કેસની સુનાવણી થઈ. કેસ મુજબ, ઉત્તરાખંડ હાઈકોર્ટે પૂર્વ મંત્રી અને કોંગ્રેસ નેતા હરક સિંહ રાવતની ૧૦૧ વિઘા જમીન જપ્ત કરવાના એન્ફોર્સમેન્ટ ડિરેક્ટોરેટ (ઈડી) ના આદેશ પર રોક લગાવી દીધી હતી. ઈડીએ આ વર્ષે જાન્યુઆરીમાં મની લોન્ડરિંગ એક્ટ હેઠળ આ કાર્યવાહી કરી હતી.ઈડી દ્વારા એવો દાવો કરવામાં આવ્યો હતો કે જપ્ત કરાયેલી જમીનની નોંધાયેલ કિંમત ૬.૫૬ કરોડ રૂપિયા છે, જ્યારે તેની બજાર કિંમત ૭૦ કરોડ રૂપિયાથી વધુ હોવાનો અંદાજ છે.
બીજા દાવો એ છે કે સુશીલા રાનીએ અન્ય વ્યક્તિઓ સાથે મળીને બિરેન્દ્ર સિંહ કંધારી અને નરેન્દ્ર કુમાર વાલિયાના નામે પાવર ઓફ એટર્ની આપી હતી. તેનો ઉપયોગ કરીને, રાવતના નજીકના સહયોગી કંધારીએ જમીન હરક સિંહ રાવતની પત્ની દિપ્તી રાવત અને લક્ષ્મી રાણાને નજીવી રકમમાં વેચી દીધી, જે તે વિસ્તાર માટે મહેસૂલ અધિકારીઓ દ્વારા નક્કી કરાયેલા સર્કલ રેટ કરતા ઘણી ઓછી હતી. ઈડીના જણાવ્યા અનુસાર, આ જમીનનો એક ભાગ પૂર્ણા દેવી મેમોરિયલ ટ્રસ્ટ હેઠળ દૂન ઇન્સ્ટીટ્યૂટ ઓફ મેડિકલ સાયન્સિસ બનાવવા માટે ઉપયોગમાં લેવાયો હતો. તેના મેનેજર રાવતના પુત્ર તુષિત રાવત હતા.
રાવતે ઈડીની કાર્યવાહીને હાઇકોર્ટમાં પડકારતા કહ્યું હતું કે તે ૨૦૦૨ના કાયદાની કલમ ૫(૧) ની જાગવાઈઓ અનુસાર નથી. હાઈકોર્ટની સિંગલ બેન્ચે કહ્યું હતું કે પ્રથમ દ્રષ્ટિએ, ૨૦૦૨ના કાયદાની કલમ મુજબ મિલકત છુપાવવા, ટ્રાન્સફર કરવા અથવા નિકાલ કરવાની કોઈ શક્યતા દેખાતી નથી. કોર્ટે આ મામલે સરકાર પાસેથી જવાબ માંગ્યો હતો. સુનાવણી દરમિયાન, વિપક્ષે સરકાર દ્વારા આપવામાં આવેલા જવાબ પર પ્રતિ-સોગંદનામું દાખલ કરવા માટે સમય માંગ્યો, જેના પર કોર્ટે આગામી સુનાવણી માટે ૨૧ ઓગસ્ટની તારીખ નક્કી કરી.
