ડિજિટલ યુગમાં તેમની ઓળખના અનધિકૃત ઉપયોગ સામે એક મહત્વપૂર્ણ પગલું ભરતા, અભિનેતા સલમાન ખાને દિલ્હી હાઈકોર્ટમાં અરજી દાખલ કરી છે, જેમાં તેમના વ્યક્તિત્વ અને પ્રચાર અધિકારો માટે વ્યાપક કાનૂની રક્ષણની માંગ કરવામાં આવી છે. આ અરજીની સુનાવણી ગુરુવાર, ૧૧ ડિસેમ્બર, ૨૦૨૫ ના રોજ ન્યાયાધીશ મનમીત પ્રીતમ સિંહ અરોરા દ્વારા કરવામાં આવી હતી. આ કેસ દર્શાવે છે કે ઝડપથી બદલાતા ઓનલાઈન વાતાવરણમાં સેલિબ્રિટીઓ તેમની છબીઓ અને ઓળખના દુરુપયોગ સામે લડવા માટે કોર્ટનો આશરો કેવી રીતે લઈ રહ્યા છે.બોલીવુડ અભિનેતા સલમાન ખાનના વ્યક્તિત્વ અધિકારોના રક્ષણની માંગ કરતી અરજી બાદ, દિલ્હી હાઈકોર્ટે સોશિયલ મીડિયા મધ્યસ્થીઓને અભિનેતા સલમાન ખાન દ્વારા દાખલ કરાયેલી અરજીને ફરિયાદ તરીકે ગણવા અને નિયમો અનુસાર ત્રણ દિવસની અંદર કાર્યવાહી કરવાનો નિર્દેશ આપ્યો છે. સલમાન ખાનના વકીલે કોર્ટને એ પણ માહિતી આપી હતી કે એપલે અભિનેતાના અધિકારોનું ઉલ્લંઘન કરતી એપ્લીકેશન ડાઉનલોડ કરવાની મંજૂરી આપી છે. તેમણે ઈ-માર્કેટપ્લેસ પ્લેટફોર્મ પર છૈં ચેટબોટ્સ અને સામગ્રીનો પણ ઉલ્લેખ કર્યો છે જે સલમાન ખાનના નામ અને વ્યક્તિત્વનો દુરુપયોગ કરી રહ્યા છે.દિલ્હી હાઈકોર્ટે એમ પણ કહ્યું છે કે તે ટૂંક સમયમાં બિન-સોશિયલ મીડિયા પ્લેટફોર્મ અંગે સ્ટે ઓર્ડર જારી કરશે. સલમાન ખાનનું પ્રતિનિધિત્વ કરતા એડવોકેટ સંદીપ સેઠીએ કોર્ટને એવા સોશિયલ મીડિયા પ્લેટફોર્મ વિશે માહિતી રજૂ કરી જે અભિનેતા સલમાન ખાનના વ્યક્તિત્વ અધિકારોનું સતત ઉલ્લંઘન કરે છે, તેમજ નકલી સમાચાર અને ભ્રામક સામગ્રીનો મુદ્દો પણ રજૂ કર્યો હતો.સલમાને ઘણા નામાંકિત અને અજાણ્યા પ્રતિવાદીઓ સામે મનાઈ હુકમ માંગ્યો છે જેઓ તેમની પરવાનગી વિના તેમના નામ, છબી, અવાજ, સંવાદ, શૈલી અને અન્ય વ્યક્તિગત તત્વોનો ઉપયોગ કરી રહ્યા છે. તેમનો દાવો છે કે સોશિયલ મીડિયા પ્લેટફોર્મ અને ઈ-કોમર્સ વેબસાઇટ્સ પર આવા અનધિકૃત ઉપયોગ ગ્રાહકોને મૂંઝવણમાં મૂકી શકે છે, તેમના બ્રાન્ડ મૂલ્યને નુકસાન પહોંચાડી શકે છે અને તેમને નાણાકીય અને વ્યક્તિગત નુકસાન પહોંચાડી શકે છે. આ મુકદ્દમામાં સલમાન ખાનને અમિતાભ બચ્ચન, ઐશ્વર્યા રાય બચ્ચન અને રજનીકાંત જેવા અગ્રણી ભારતીય સેલિબ્રિટીઓની યાદીમાં ઉમેરવામાં આવ્યું છે, જેમણે પહેલાથી જ તેમના વ્યક્તિત્વના રક્ષણ માટે કાનૂની પગલાં લીધા છે.તાજેતરના વર્ષોમાં, અભિષેક બચ્ચન, અનિલ કપૂર અને તેલુગુ સ્ટાર જુનિયર એનટીઆરએ પણ એઆઈ અને ડીપફેક ટેકનોલોજીના વધતા દુરુપયોગને ધ્યાનમાં રાખીને સમાન રાહત માંગી છે. જાકે ભારતમાં કોઈ ચોક્કસ કાયદામાં વ્યક્તિત્વ અધિકારો વ્યાખ્યાયિત નથી, તેમ છતાં તેમને વિવિધ કોર્ટના નિર્ણયો દ્વારા માન્યતા આપવામાં આવી છે. તેઓ બંધારણના અનુચ્છેદ ૨૧ સાથે પણ જાડાયેલા છે, જે ગોપનીયતા અને વ્યક્તિગત સ્વતંત્રતાનું રક્ષણ કરે છે. આ અધિકારો વ્યક્તિને તેમની ઓળખના કોઈપણ તત્વના વ્યાપારી ઉપયોગને નિયંત્રિત કરવાની શક્તિ આપે છે.આ મુદ્દો ફક્ત ભારત પૂરતો મર્યાદિત નથી. સ્કારલેટ જાહાનસન અને જ્યોર્જ ક્લુની જેવા હોલીવુડ સ્ટાર્સે પણ તેમના અવાજા અથવા ચહેરાઓના છૈં-જનરેટેડ વર્ઝનના દુરુપયોગ બદલ મોટી કંપનીઓ સામે કેસ દાખલ કર્યા છે. જેમ જેમ ડીપફેક અને એઆઇ ટેકનોલોજી આગળ વધે છે, તેમ તેમ ઓળખ સુરક્ષા એક વૈશ્વિક પડકાર બની ગઈ છે.
