કોંગ્રેસે હરિયાણા વિધાનસભા ચૂંટણીમાં ૮૯ સીટો પર લડવાનો નિર્ણય કર્યો છે જ્યારે એક સીટ સીપીએમને આપી છે. પાર્ટીએ વિધાનસભા ચૂંટણીમાં તેના તમામ વર્તમાન ધારાસભ્યોને ટિકિટ આપી હતી, એટલે કે એક પણ વર્તમાન ધારાસભ્યને ટિકિટ આપવાનો ઇનકાર કરવામાં આવ્યો ન હતો. ટિકિટ વિતરણની વાત કરીએ તો હુડ્ડા કેમ્પનું વર્ચસ્વ સ્પષ્ટપણે જાવા મળે છે. તે જ સમયે, પાર્ટીએ વિધાનસભા ચૂંટણીમાં લોકસભા સાંસદ કુમારી સેલજા અને રાજ્યસભા સાંસદ રણદીપ સિંહ સુરજેવાલાને ટિકિટ આપી ન હતી. આ બંને નેતાઓને મુખ્યમંત્રી પદના દાવેદાર પણ માનવામાં આવે છે, જાકે પાર્ટીએ કહ્યું છે કે મુખ્યમંત્રી બનવા માટે ચૂંટણી લડવી ફરજિયાત નથી.
કોંગ્રેસે કૈથલથી પાર્ટીના મહાસચિવ રણદીપ સિંહ સુરજેવાલાના પુત્ર આદિત્ય સુરજેવાલાને ઉમેદવાર બનાવ્યા છે. પાર્ટીએ તાજેતરમાં ભાજપમાંથી કોંગ્રેસમાં પરત ફરેલા ચૌધરી બિરેન્દ્ર સિંહના પુત્ર બિજેન્દ્ર સિંહને ટિકિટ આપી છે. લોકસભા સાંસદ જયપ્રકાશના પુત્ર વિકાસ સહારનને કલાયતથી મેદાનમાં ઉતારવામાં આવ્યા છે. સૂત્રોના જણાવ્યા અનુસાર કુમારી શૈલજા તેમના ભત્રીજાને ઉકલાના બેઠક પરથી ટિકિટ અપાવવા માગતી હતી પરંતુ પાર્ટીએ આ બેઠક પરથી નરેશ સેલવાલને ટિકિટ આપી હતી.
સૂત્રોના જણાવ્યા અનુસાર, કુમારી શૈલજાના કેમ્પમાંથી ૭ ઉમેદવારોને હરિયાણા વિધાનસભા ચૂંટણી માટે ટિકિટ મળી છે, જેમાં ૪ વર્તમાન ધારાસભ્યો છે અને ૩ નવા ચહેરા છે. તે જ સમયે, સુરજેવાલાના કેમ્પમાંથી બે ટિકિટ આપવામાં આવી હતી, એક સીટ તેમના પુત્ર આદિત્ય સુરજેવાલાને અને બીજી નરવાનાથી સતબીર ડબલેન માટે.
રાહુલ ગાંધીએ કોંગ્રેસની સીઈસી બેઠકમાં કહ્યું હતું કે કોંગ્રેસે આપ સાથે ગઠબંધન કરવું જાઈએ, પરંતુ સૂત્રોના જણાવ્યા અનુસાર ભૂપેન્દ્ર સિંહ હુડ્ડા તેના પક્ષમાં ન હતા. કોંગ્રેસ અને આપ વચ્ચે ગઠબંધનને લઈને વાટાઘાટોના ઘણા રાઉન્ડ યોજાયા હતા પરંતુ ગઠબંધન થઈ શક્યું ન હતું કારણ કે બંને પક્ષો બેઠકોની વહેંચણી પર સહમત થઈ શક્યા ન હતા. હરિયાણામાં કોંગ્રેસે ભિવાની બેઠક ડાબેરી પક્ષને આપવાનો નિર્ણય કર્યો છે. તે જ સમયે, આમ આદમી પાર્ટીએ હરિયાણા વિધાનસભા ચૂંટણી માટે ગુરુવારે તેની છઠ્ઠી સૂચિમાં ૧૯ વધુ ઉમેદવારોના નામની જાહેરાત કર્યા પછી, સાતમી સૂચિમાં વધુ એક ઉમેદવારના નામની જાહેરાત કરી. આ રીતે પાર્ટીએ હરિયાણાની તમામ ૯૦ સીટો પર પોતાના ઉમેદવારો ઉભા રાખ્યા છે. આ સાથે આપ અને કોંગ્રેસ વચ્ચે ગઠબંધનની આશા ખતમ થઈ ગઈ હતી. આ વખતે પાર્ટી પૂરી તાકાત સાથે ચૂંટણી લડી રહી છે અને હરિયાણામાં પણ પોતાની મજબૂત હાજરી સ્થાપિત કરવાનો પ્રયાસ કરી રહી છે.
