પંજાબ પાણી વિતરણ અંગે સતત અવાજ ઉઠાવતું રહ્યું છે. પંજાબ સરકારે હરિયાણાને પહેલાથી જ સ્પષ્ટ કહી દીધું છે કે હરિયાણાને કોઈપણ કિંમતે પાણી મળશે નહીં. પરંતુ હરિયાણા સામે કડક વલણ અપનાવનારા પંજાબના મુખ્યમંત્રી ભગવંત માનએ રાજસ્થાનને “રાજ્યમાં લશ્કરી જરૂરિયાતોને પહોંચી વળવા” વધારાનું પાણી છોડવાનો આદેશ આપ્યો. પંજાબના મુખ્યમંત્રી ભગવંત માને ગઈકાલે શનિવારે એક સત્તાવાર નિવેદનમાં જણાવ્યું હતું કે તેમણે રાજસ્થાનને ‘રાજ્યમાં લશ્કરી જરૂરિયાતોને પૂર્ણ કરવા’ માટે વધારાનું પાણી છોડવાનો આદેશ આપ્યો છે.
સીએમ માનએ ગઈકાલે રાત્રે સોશિયલ મીડિયા પ્લેટફોર્મ એકસ પર જાહેરાત કરી હતી કે, “આજે રાજસ્થાન સરકારે પંજાબના ક્વોટામાંથી વધારાનું પાણી માંગ્યું છે. દેશની સુરક્ષા માટે, રાજસ્થાન સરહદ પર તૈનાત સેનાને વધારાના પાણીની જરૂર છે. જ્યારે પણ રાષ્ટ્રીય હિતની વાત આવે છે, ત્યારે પંજાબ ક્યારેય પાછળ હટતું નથી.”
તેમણે વધુમાં કહ્યું, “પંજાબનું પાણી આપણી દેશની બહાદુર સેના માટે ઉપલબ્ધ છે, આપણું લોહી પણ તેમના માટે છે. સૈન્ય જવાનોની જરૂરિયાતોને ધ્યાનમાં રાખીને, મેં રાજસ્થાનને તાત્કાલિક વધારાનું પાણી પૂરું પાડવાનો નિર્દેશ આપ્યો છે.” તેમણે એમ પણ કહ્યું, “માત્ર પાણી જ નહીં પરંતુ પંજાબ પણ રાષ્ટ્રીય હિત માટે પોતાનું લોહી વહેવડાવી શકે છે.”
જોકે, હરિયાણા અંગે પંજાબ સરકારની કડકાઈ ચાલુ છે. બંને રાજ્યો વચ્ચે પાણી અંગેનો વિવાદ વધી રહ્યો છે. બે દિવસ પહેલા ગુરુવારે જ્યારે મુખ્યમંત્રી માન નાંગલ ડેમની મુલાકાતે ગયા હતા, ત્યારે તેમણે કહ્યું હતું કે દેશ હાલમાં કઈ પરિસ્થિતિમાંથી પસાર થઈ રહ્યો છે તે બધા જાણે છે, પરંતુ કેટલાક લોકો પ્રતિકૂળ પરિસ્થિતિઓમાં પણ પોતાના માટે તકો શોધી રહ્યા છે. ત્યારે સીએમ માનએ કહ્યું કે પાણીના વિવાદના મામલે અમે સંપૂર્ણપણે કાયદેસર રીતે સાચા છીએ. પાણી ફાળવણીના મુદ્દા પર હરિયાણાને જાણ કરવા માટે ૬ પત્રો લખવામાં આવ્યા હતા, જ્યારે ભાખરા બિયાસ મેનેજમેન્ટ બોર્ડ આ મામલે હાઇકોર્ટમાં ગયું હતું, જો તે હરિયાણા ગયું હોત તો મામલો અલગ હોત. ભાખરા બિયાસ મેનેજમેન્ટ બોર્ડમાં પંજાબનો હિસ્સો ૬૦ ટકા છે. તેથી સંપૂર્ણપણે અલગ રીતે કામ કરી રહ્યું છે. આવા સંજાગોમાં આપણે શા માટે ખર્ચ ઉઠાવવો જોઈએ?
સીએમ માન હંમેશા હરિયાણાને પાણી પૂરું પાડવા માટે અવાજ ઉઠાવતા રહ્યા છે. પંજાબ સરકારનો દાવો છે કે અમે નાંગલ ડેમ કંટ્રોલ રૂમની ચાવીઓ લઈ લીધી છે. હવે બીબીએમબીનો ડેમ પર કોઈ અધિકાર નથી. હાલમાં, નાંગલના ભાખરા ડેમ પર સુરક્ષા વધારી દેવામાં આવી છે. પંજાબ પોલીસે નાંગલ ડેમના કંટ્રોલ સ્ટેશનને ઘેરી લીધું છે. નાંગલ ડેમ નજીક કોઈને પણ જવાની મંજૂરી નથી. બીબીએમબીમાં પંજાબનો હિસ્સો ૬૦% છે.
